Osechi

Saka Wikipédia Jawa, bauwarna bébas abasa Jawa
Osechi
Japanese traditional dishes for new year.jpg
Dhaharan tradhisional Jepang kanggé mapag warsa engga
Panggonan asal Jepang
Woworan pokok dashi,iwak segara,janganan,lalapan kecap asin, lan mirin (gula pasir)
Buku masakan: Osechi  Médhia: Osechi

Osechi-ryōri (御節料理? masakan osechi) inggih punika masakan Jepang ingkang dipunsiapaken minangka pratandha gantosipun mangsa, lan sapunika dipun-ginakaken kanggé nyebut sadaya dhaharan istimewa kanggé pahargyan warsa énggal ing Jepang. Padatan namung dipunwastani osechi utawi shōgatsu-ryōri (正月料理? masakan warsa énggal).

Dhaharan warsa énggal dipuntata kanthi saé ing salebeting kothak kayu ingkang dipunwastani jūbako (重箱?). Padatan namung lawuh ingkang dipuntata wonten ing kothak kayu susun ingkang dipunwastani masakan osechi. Kothak kayu susun kanggé masakan osechi dipunpitadosi minangka pralambang kabegjan ingkang matikel-tikel.

Sajarah[besut | besut sumber]

Wonten ing basa Jepang, sesebatan "osechi" rumiyinipun mengku teges gantosipun mangsa ingkang dipunwastani sechi-nichi utawi sekku. Dinten gantosipun mangsa dipunpahargyani kanthi masak dhaharan mirunggan ingkang dipunwastani Osechi-ryōri (masakan gantosipun mangsa).

Osechi-ryori

Wiwit jaman rumiyin, wiwitan warsa énggal (tanggal 1 sasi 1) mujudaken salah satunggaling dinten gantosipun mangsa (sechi-nichi) kanggé nylameti konduripun déwa pantun dhateng gunung. Ing wekdal samangke, pahargyan warsa énggal mujudaken satunggal-satunggalipun pahargyan gantosipun mangsa ingkang taksih wonten ing Jepang. Pramila, osechi namung dipun-ginakaken kanggé dhaharan warsa énggal.

Sacara tradhisional, osechi kasusun saking:

  • O-toso (お屠蘇?): sake kanggé kasarasan ingkang dipununjuk nalika enjing ing dinten warsa énggal.
  • Iwaizakana (祝い肴?): tigang jinis dhaharan kanggé kanca ngunjuk sake.
  • Zōni: sup ingkang isinipun mochi
  • Nishime: janganan ingkang dipunmasak nganggé duduh dashi, kecap asin, lan mirin (gula pasir).

Pranala njawi[besut | besut sumber]