Moor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Duta Besar Negeri Moor kangge Ratu Elizabeth I saking Inggris
Belahan bumi utara nalika taun 467 Masehi nedahaken kerajaan Moor sasampunipun dhawahipun kekaisaran Roma

Moor utawi Bangsa Moor punika sebatan kanggé umat Islam lan muslim saking zaman tengahan ingkang mapan wonten ing Al-Andalus ( Ujung Iberian kalebet Spanyol lan Portugis ing zaman sapunika ) ugi Maroko lan Afrika Barat [1]. Kabudayaan bangsa Moor punika dipunwastani Moorish. Tembung punika ugi dipunginakaken ing Éropah kanggé nedahaken tiyang ingkang gadhah keturunan Arab utawi Afrika. Nama Moor asalipun saking suku kuno Maure lan Kerajaan Mauritania.

Sejarah[sunting | besut sumber]

Bangsa Moor punika sebatan kanggé umat Islam ing Ujung Iberia ingkang merintah Spanyol ing antawisipun taun 711 M dumugi 1492 [1]. Pemimpin Islam ingkang dumugi Spanyol kaping pisan punika Abd al-Rahman. Tiyang Kristen ing Ujung Iberia wiwit ngginakaken istilah Moor kanthi ekslusif kanggé umat Islam. Moor punika satunggaling tembung ingkang merujuk dhateng tiyang ingkang asalipun saking Maroko. Amargi umat ISlam ingkang kapisan dugi ing Spanyol ing taun 711 punika tiyang Arab ingkang asalipun saking Afrika Utara. Kejawi Moor, tembung kados Moriscos,, lan Mudejares ugi dipunginakaken kanggé sebatan bangsa Moor ing tengahan abad kaping 13 [1].

Bangsa Moor mapan wonten ing Andalusia, Spanyol ingkang nalika periode wiwitan sejarah kalebet wewengkon Portuga; lan kiduling Prancis. Ing Ramadhan 732 M, umat Islam dipunkalahaken ing Tours-Poitiers, Prancis ingkang kawéntar kanthi sebatan The Pavement of the Martyrs utawi ing Basa Arab punika Balaat asSyuhad ingkang ateges tanah para syuhada. Akibat saking kalahing tentara Moors saking pasukan Karel Martel ( Charlemagne]] kasebut, kendali umat Islam ing wewengkon Toulouse, Narbone, Lyon, lan wewengkon Prancis Kidul sanèsipun ical dumugi taun 975 M. Sasampunipun Prancis boten kasil dipunkuwasani, umat Islam ing Spanyol damel pusat kawigatosan dhateng Andalusia, Spanyol Kidul kanggé mbangun sawijining peradaban[1].

Ing Spanyol, Bangsa Moor nikah kaliyan bangsa-bangsa sanès kalebet penduduk Spanyol-Muslim lan merintah kanthi wicaksana lan adil. Tiyang Kristen lan Yahudi dipun-toleransi saengga kathah saking kelompok kasebut ingkang gadhah jabatan wigati ing pamaréntahan, wonten ugi ingkang ndhèrèk agami Islam. Kejawi punika pikantuk ugi ngampahi pakaryanipun piyambak, nglayani tentara, ngolah lemah, ugi prkatek ajaran piyambak-piyambak [1][2].

Bibliografi[sunting | besut sumber]

Cathetan suku[sunting | besut sumber]

  1. ^ a b c d e [1], (id) bangkit dan jatuhnya Bangsa Moor (dipun-akses tanggal 05 Januari 2013).
  2. ^ [2], (id) Kebangkitan Bangsa Moor di Spanyol (dipun-akses tanggal 05 Januari 2013).
Sumber artikel punika saking kaca situs web: "https://jv.wikipedia.org/w/index.php?title=Moor&oldid=1010067"