Lyon

Saka Wikipédia Jawa, bauwarna mardika basa Jawa

Lyon (dipunandharaken mawi basa lésan dados [ljɔ̃] wonten ing Basa Perancis, utawi kirang langkung kados tembung lie-eyong) inggih punika salah satunggaling kitha dagang, pariwisata, indhustri, saha hiburan ingkang ageng. Lyon misuwur minangka pusering coklat, es krim, saha minangka kitha ingkang paling ageng nomer kalih ing Prancis. Kitha Lyon mapan wonten ing sisih wétan radi lor saking nagara Prancis. Kitha punika inggih minangka wewengkonipun kutha krajan kanggé région Rhone-Alpes saha kutha krajan saking departemen Rhone. Papan dumununging kitha Lyon kanthi langkung njlimet inggih mapan wonten ing pinggir sisih lor saking Kali Rhone.

Daya Tarik[besut | besut sumber]

Kitha Lyon misuwur minangka punjering wisata mangsa panas kanthi skyline langit ing wekdal dalu. Kajawi punika, saben malem taun énggal ing Lyon sampun temtu dipunadani pista cahya nganggé laser ingkang ndadosaken daya tarik piyambak kanggé ewunan tiyang wisatawan saking lebet nagari utawi saking njawi nagari kanggé dhateng mirsani pista laser punika.[1]

Pendhudhuk[besut | besut sumber]

Cacahipun pendhudhuk ingkang dumunung wonten ing kitha Lyon punika inggih kirang langkung 4.567.000 tiyang miturut sensus 2012, kanthi laladan sub-urban ingkang wonten ing sakiterpun gadhah pendhudhuk ngantos 4 yuta tiyang saha warga pendhudhuk ingkang dumunung wonten ing wewengkon metropoltanipun gadhah kirang langkung 6,6 yuta tiyang.[2] Departemen Rhone inggih punika salah satunggaling wewengkon ingkang paling alit ingkang mapan wonten ing Prancis kanthi ambanipun laladan namung 1.600 km², saha minangka salah satunggaling kitha ingkang paling kebak pendhudhukipun, inggih kanthi kirang langkung 6.785.000 tiyang wonten ing sensus 2005. Manawi kitha Lyon piyambak namung ambanipun 56 km&sup#;. Kitha Lyon ugi gadhah klub bal-balan ingkang misuwur inggih punika, Olympique Lyonnais. Kajawi punika, ing Lyon ugi wonten papan kanggé mbungkusi daging wonten ing kaleng saha papan lokasi keju ingkang misuwur.

Iklim[besut | besut sumber]

Iklim wonten ing kitha Lyon punika kalebet iklim laut ingkang lembab utawi iklim subtropical. Mangsa winters wonten ing kitha punika langkung asrep tinimbang kitha-kitha sanèsipun ing sisih kidul pérangan nagara Prancis, kirang langkung iklimipun 3.2 °C (37.8 °F) wonten ing sasi Januari. Déné mangsa summer anget sanget udaranipun inggih kirang langkung 21.3 °C (70.3 °F) wonten ing sasi Juli.

Cathetan suku[besut | besut sumber]

  1. (ing basa Prancis)[1](dipunundhuh tanggal 18 Januari 2013)
  2. (ing basa Prancis)[2] Archived 2014-01-03 at the Wayback Machine. A la Une (dipunundhuh tanggal 18 Januari 2013)