Marshmallow

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Marshmallows jambon

Marshmallow utawi manisan kenyal inggih punika dhaharan mawi tèkstur kados busa ingkang lembut kanthi maneka wujud, rasa, lan werna.[1] Marshmallow menawi dipundhahar lèlèh wonten ing tutuk amargi punika asil saking campuran gula utawi sirup jagung, putih tigan, gelatin, gom arab, lan bahan perasa ingkang dipunkocok dumugi mekar.[1] Marshmallow punika kalebet makanan ringan ingkang asring dipuntedhi bibar dipunpanggang wonten ing api unggun.[2] Menawi dipunpanggang, bagéyan njawi saking marshmallow punika nglampahi karamelisasi déné wonten ing bagéyan njero punika radi cair. Dangunipun manggang punika gumantung selera, wiwit saking namung sekdhik éwah werna dumugi manisan kenyal terang lan radi gosong.[2] Resep kanggé damel manisan kenyal wonten langkung saking 1.000 cara ingkang béda.[1]

Sajarah[sunting | besut sumber]

Resep tradisional manisan kenyal punika boten mawi gelatin, ananging ngginakaken sari akar taneman semak Althaea (genus) / marshmallow (Althea officinalis), saéngga dhaharan punika dipunwastani marshmallow.[2] Bapak kedhokteran, Hippocrates ngginakaken marshmallow kanggé ngobati memar lan kelangan getih.[3] Dioscorides nyerat babagan sipat-sipat saénipun marshmallow, dene Horace ngalem laksatif saking godhong lan oyot taneman kasebut.[3] Dhokter Romawi ngginakaken marshmallow kangge ngobati gerah waja, cokotan srangga, bengkak amargi kadhemen, lan kulit ingkang kenging iritasi.[3] Penduduk Cina, Mesir, lan Roma dhahar maneka jinis marshmallow. Penduduk Prancis dhahar kembang lan godhong kanthi wujud salad.[3] Marshmallow rumiyin punika kanggé ngobati gerah waja, cokotan serangga, gangguan pencernaan, lan diare ing Éropah nalika abad tengahan.[3] Nalika bayi nembé tuwuh wajanipun ugi dipunparingi marshmallow.[3]

Bibar Alex Doumak matenaken prosès anggènipun ekstrusi ing taun 1948, manisan kenyal wiwit dipundamel ing pabrik mawi mesin ekstrusi.[2] Asilipun punika arupi manisan kenyal awujud silinder ingkang dipuntugel-tugel lan dipungulingaken ing campuran glepung jagung lan gula alus.[2] Sapunika, manisan kenyal dipunremeni déning anak-anak ugi tiyang diwasa. Saged dipundhahar langsung kemawon ugi saged dipunlebetaken ing unjukan (cokelat susu, café mocha), dipundamel kue lan gula-gula (biskuit Mallomars, Peeps), utawi minangka penghias sajean panutup.[2]

Jinis[sunting | besut sumber]

Tipe manisan kenyal ingkang kathahipun dipundamel punika : manisan kenyal timbul (extruded marshmallow), manisan kenyal endapan (deposited marshmallow ), manisan kenyal tugelan ( cut marshmallow), manisan kenyal butiran (grained marshmallow ), nougat, manisan kenyal kue busa ( marshmallow-meringues ) lan biskuit sarta isi kue wafel ( wafer ).[4] Produk-produk kasebut, beda babagan tekstrur, formulasi, bahan ingkang dipunginakaken, lan tingkat aerasi.[5]

Kandhutan ( /100 gr ) Satuan
Air 16,4 gr
Protein 1,8 gr
Lemak 0,2 gr
Kadar abu 0,3 gr
Karbohidrat 81.3 gr
Kalori 318 kkal
Serat 0,1 gr
Gula 57,56 gr
Sodium 80 mg [6]

Cathetan suku[sunting | besut sumber]

  1. ^ a b c (en)Brown Amy.Understanding Food:Principles and Preparation.4th ed.United States of America:Thomson Wadsworth.2008. Cacad panyuplik: Invalid <ref> tag; name "amy" defined multiple times with different content
  2. ^ a b c d e f (en)Situs Candyusa.
  3. ^ a b c d e f (en)Situs Encyclopedia: Marshmallow.
  4. ^ Situs Pkseinteraktif : Lebih Jauh dengan Marshmallow.
  5. ^ Situs Republika: Marshmallow yang Menggoda.
  6. ^ (en)Situs Elook: Nutrition

Pranala njawi[sunting | besut sumber]

Cithakan:Resep

Sumber artikel punika saking kaca situs web: "https://jv.wikipedia.org/w/index.php?title=Marshmallow&oldid=1000548"