Kwik Kian Gie
| Kwik Kian Gie | |
|---|---|
| Barkas:Kwik Kian Gie.jpg Kwik kian gie.jpg | |
| Kepala Badan Perencanaan Pembangunan Nasional 6 | |
| Linggih 9 Agustus 2001 – 20 Oktober 2004 | |
| Présidhèn | Megawati Soekarnoputri |
| Kang sadurungé | Boediono |
| Kang sawisé | Sri Mulyani Indrawati |
| Mantri Koordinator Babagan Perekonomian Republik Indonesia 6 | |
| Linggih 15 Juli 1999 – 23 Agustus 2000 | |
| Présidhèn | Abdurahman Wahid |
| Kang sadurungé | Ginandjar Kartasasmita |
| Kang sawisé | Rizal Ramli |
| Rerincèn dhiri | |
| Lair | Januari 11, 1935 Juwana, Pati, Jawa Tengah, Hindia Nèderlan |
| Agama | Kong Hu Cu |
Kwik Kian Gie (Hanzi: 郭建義, pinyin: Guo Jianyi) (lair ing Juwana, Pati, Jawa Tengah, 11 Januari 1935; umur 89 taun) inggih punika satunggalipun ahli èkonomi lan pulitikus Indonésia ingkang taksih gadhah trah Tionghoa.[1][2] Panjenenganipun njabat dados Mantri Koordinator Ékonomi (1999-2000) lan Mantri Perencanaan Pembangunan Nasional & Ketua Bappenas (2001-2004).[1] Panjenenganipun kalebet funsionaris PDI-Perjuangan.[1] Kwik naté kuliyah ing Fakultas Ékonomi Universitas Indonésia. Salajengipun Kwik kuliyah ing Nederlandsche Economische Hogeschool, Rotterdam, Walanda.[1] Ing kutha punika panjenengaipun kepanggih kaliyan Dirkje Johanna de Widt, priyantun èstri Rotterdam ingkang salajengipun dados garwanipun.[1] Kalih saking tiga putranipun miyos ing kutha wau.[1]
Lulus saking Nederlandsche Economische Hogeschool nalika taun 1963, panjenenganipun langsung kondur dhateng Indonésia, nanging nyambut damel rumiyin minangka asistén atase kabudayan lan panerangan ing kadutaan ageng Républik Indonésia ing Den Haag.[1] Panjenenganipun nyabut damel ing mrika namung satunggal taun dangunipun.[1] Salajengipun, panjenenganipun dados dhirektur NV Handelsonderneming IPILO, Amsterdam.[1] Taun 1970 panjenenganipun kondur dhateng Indonésia, lan naté nganggur ngantos satunggal taun sadèrèngipun nyobi jagad bisnis lan damel PT Indonésian Financing & Investment Company.[1] Panjenenganipun ugi naté dados pandheganipun perusahaan sanèsipun. Salajengipun panjenenganipun nilar jagad bisnis ing taun 1987, sanajan ngantos taun 1990 namanipun taksih kaserat minangka dhirektur utami PT Altron Niagatama Nusa.[1]
Pranala njawi
[besut | besut sumber]Kwik Kian Gie Archived 2006-11-21 at Archive.is
Cathetan suku
[besut | besut sumber]- ↑ a b c d e f g h i j k kwik kian gie-Eksekutif Berjiwa Pengama[pranala mati permanèn] dipunundhuh tanggal 2 Oktober 2011)
- ↑ Kwik Kian Gie Archived 2006-11-21 at Archive.is dipunundhuh tanggal 2 Oktober 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |