Kenikir

Saka Wikipédia Jawa, bauwarna bébas abasa Jawa
Kepunikar
Cosmos caudatus Blanco2.287-cropped.jpg
Klasifikasi ngèlmiah
Karajan: Plantae
Dhivisi: Spermatophyta
Klas: Magnoliophyta
Ordho: Fabales
Famili: Asteraceae
Génus: Cosmos
Spésies: C. caudatus
Jeneng binomial
Cosmos caudatus
Kembang Kepunikar Abang
Kembang Kepunikar Kuning

Tanduran kembang kepunikar (Cosmos caudatus Kunth) ya iku tanduran kang duwé ambu kang khas, rada wangi lan rasa getir.[1]

Morfologi tanduran kepunikar[besut | besut sumber]

Tanduran kepunikar ya iku tanduran perdu kang dhuwuré watara 75–100 cm lan duwé ambu kang khas. Watangè jejeg, segi papat, duwé alur mbujur, duwé cawang kang akèh, lan duwé ros kang warnané ijo rada wungu. Godhonge majemuk, nyilang adhep-adhepan, nyirip, pucuké lancip, pinggirané rata, dawané watara 15–25 cm, lan warnané ijo. Kembangé kalebu jinis kembang majemuk.[2] Lan duwé oyot serabut.[3]

Kandhutan bahan kimia[besut | besut sumber]

Tanduran kepunikar duwé rasa legi lan sifaté adhem. Bahan-bahan kimia kang kandhut ing tanduran kepunikar ing antarané:saponin, flavanoid, polifenol, lang lenga asiri.[2] bahan kimia mau akèh kandhut ing pérangan godhong kepunikar.[3] Manawa oyoté ngandhut hidroksieugenol lan koniferil alkohol.[3] Sawijining panalitèn uga nemuaké manawa godhong kepunikar ngandhut senyawa kang duwé daya antioksidan kang cukup dhuwur.[1]

Manfaat[besut | besut sumber]

Ing Indonesia godhong kepunikar biyasa didadeake salah sawijining jinis sayuran ing jero pecel.Saliyané iku kepunikar uga duwé khasiat lan manfaat liyané ing antarané kanthi cara tradisional bisa digunaake kanggo ngobati kurang nafsu mangan, ngobati lemah lambung, penguat balung kadhutan lenga asirine bisa digunaake kanggo ngusir srangga.[1][3] Senyawa kang duwé sipat antioksidan bisa macu prosès apoptosis lewat jalur intrinsik (jalur mitokondria). Pemacuan opotosis iki minangka salah sawijining cara penghambatan karsinogenesis utawa jalaran kangker.[1]

Cathetan sikil[besut | besut sumber]

  1. ^ a b c d [1] ;
  2. ^ a b Kepunikar (Cosmos caudatus Kunth.) (Kaundhuh tanggal 25 September 2012) ; Masalah sitiran: Tenger <ref> ora trep; jeneng "internet1" diwedharaké ping bola-bali déné isiné béda
  3. ^ a b c d [2] ;