Kacembang gadhung

Saka Wikipédia Jawa, bauwarna bébas abasa Jawa
(Dilih saka Kacembang Gadung)
Kacembang Gadung
Stavenn Irena puella 00.jpg
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Famili: Irenidae
Génus: Irena
Spésies: I. puella
Jeneng binomial
Irena puella
(Latham, 1790)

Kacembang Gadung kanh duwé jeneng imiah Irena puella ya iku sawijining jinis manuk ocèhan kang ukurane sedheng, lan dawane bisa nganti 27 cm.[1] Manuk jinis iki gampang mbédakake antarané sing lanang karo sing wadon.[1] Manuk lanang kang wis gedhé duwé wulu kang wernané biru tuwa gemerlap, werna matané abang, Wulu pérangan ngisor lan swiwi wernané ireng.[1] Manuk wadon duwé wulu kang wernane ijo rada biru, wulu ana ing bagean buntut lan swiwi wernané ireng.[1] Manuk lanang ukurane luwih gedhé saka manuk wadon.[1] Manuk kang isih enom saka jinis iki wernane meh padha kaya manuk wadon.[1] Manuk jinis iki nganti tekan saiki ana enem jinis subspesies kang populasine kasebar ana ing alas-alas tropis, perbukitan lan pakebonan ing antarané ing nagara Bangladesh, India, Nepal, pulo Andaman, pulo Nicobar, Republik Rakyat Cina, Indocina, Thailand, Myanmar, Ujung Malayu, Singapura, pulo Sumatera, Jawa, Kalimantan lan pulo Palawan ing Filipina.[2] Manuk Kacembang Gadung racaké mangan woh-wohan, ficus lan uga werna-werna jinis serangga.[2] Burung wadon racaké bisa netesake antarané loro nganti telung endhog ana ing susuhe kang wujudé kaya cangkir cilik kang manggon ana ing ndhuwur wit.[2] Spesies manuk iki duwé daerah sebaran kang amba lan dadi salah siji manuk kang sering tinemu ana ing habitat asliné.[2]

Cathetan suku[besut | besut sumber]

  1. ^ a b c d e f (ing basa Inggris) BirdLife Species Factsheet
  2. ^ a b c d * (ing basa Inggris) IUCN Red List