Menyang kontèn

Hasta Wardaya

Saka Wikipédia Jawa, bauwarna mardika basa Jawa
Hasta Wardaya
ꦲꦱ꧀ꦠꦮꦂꦢꦪ
[[Bupati Kulon Praga]] 9
Wiwit linggih
2011
RatuHamengkubuwana X
PrésidhènSusilo Bambang Yudhoyono
Joko Widodo
GubernurHamengkubuwana X
[[Litnan Bupati Kulon Praga|Litnan]]Sutedj
Kang sadurungéToyo Santosa Dipa
Rerincèn dhiri
Lair26 Maret 1964
Indhonésia Kulon Praga, Daerah Istimewa Yogyakarta
BangsaIndhonésia Indonesia
SisihanDwikisworo Setyowireni
AlmamaterUniversitas Gadjah Mada
ProfésiDhokter
AgamaIslam
Sana jaringanhttp://www.dokterhasto.com

Dr. Hasta Wardaya, SP. OG.(K) (ind : Hasto Wardoyo) (lair ing Kulon Praga, Daerah Istimewa Yogyakarta, 30 Juli 1964; umur 60 taun) ya iku bupati Kulon Praga kang njabat nalika periodhe 2011-2016 lan saiki isih mengku ing periodhe kapindho (2016-2021). Sadurungé mengku jabatan bupati, Hasta Wardaya dikenal minangka dhokter kandhutan lan pengusaha ing babagan rumah sakit.

Nalika cilik lan sekolahé

[besut | besut sumber]

Hasta lair ing desa Hargatirta, Kokap, Kulon Praga kang saiki dunungé ing sacedhaké Wadhuk Serma. Saliyané sekolah, nalika cilik Hasta uga ngopèni sato iwèn, ya iku ngingu pitik lan angon wedhus. Nalika ngancik SMP, dhèwèké wis ngopèni wedhus cacah wolulas. Sawisé lulus SMA ing Wates, Hasta banjur kuliah ing UGM kanthi jurusan kedhokteran.[1]

Karir ing kedhokteran

[besut | besut sumber]

Sawisé lulus saka kuliah, Hasta wiwit ngayahi jejibahan dadi dhokter ing Kutai, Kalimantan Wétan ing taun 1990-an. Dhèwèjé banjur nerusaké anggoné makarya ing Rumah Sakit Sardjito, Ngayogyakarta lan nerusaké sekolah dhokteré ing spésialis obstètri lan ginealogi ing taun 2000. Ing taun 2006 dhèwèké uga nggayut Konsultan bidang Reproduksi-Infertilitas dan Bayi Tabung.

Bisnis

[besut | besut sumber]

Saliyané aktif ing Rumah Sakit Sardjito lan mulang ing Fakultas Kedhokteran UGM, Hasta bebarengan karo sisihané kang dhokter spésialis anak uga madegaké Rumah Sakit Khusus Ibu dan Anak (RSKIA) Sadewa ing Babarsari, Kabupatèn Sléman.[2] Hasta uga nggawé sekolahan tingkat TPA, KB, TK lan SD ing Kutha Wates.[3]

Pulitik

[besut | besut sumber]

Sawisé suksès anggoné mengku karya ing babagan kasarasan, taun 2011 Hasta Wardaya dicalonaké dadi Bupati Kulon Praga bebarengan karo Drs. H. Sutedjo kang dadi calon wakilé diusung déning PDIP, PAN, lan PPP. Pasangan kuwi olèh 105.965 suwara utawa 46,30 persèn ing Pemilihan Bupati Kulon Praga 2011.[4][5]

Sasuwéné dadi bupati, Hasta Wardaya gawé program unggulan antarané Béla Beli Kulon Praga, ya iku program nuwuhaké semangat belanja lan nggunakaké barang-barang prodhuksi lokal antarané beras saka wong tani lan banyu mineral kemasan kang dijenengi AirKu.[6] Kanggo ningkataké indhustri bathik, Hasta Wardaya uga ngadani sayembara dhésain bathik kang banjur didadèkaké bathik idhèntitas Kulon Praga lan dadi sragam kanggo sakabèhané pegawé pemerintahan lan murid sekolahan sa-Kulon Praga.[7] Bathik mau dijenengi geblèk rèntèng amarga coraké kang pancèn niru wujud panganan khas geblèk.[8] Kanggo ningkataké kualitas kasarasan wargané, dibangun rumah sakit anyar kanggo nyedhiani warga ing sisih lor lan wétan, ya iku RSUD Nyi Ageng Sérang ing Sentolo, lan ing layanané tanpa kelas.[9] RSUD Wates uga ditingkataké layanané.[10] Ing wilayah Kulon Praga uga ana larangan masang iklan rokok[11] kalebu ing warung lan toko.[12][13][14][15]

Ing selané ngayahi tugas dadi bupati, Hasta uga isih ngleksanakaké profèsi dhokter kandhutan.[16] Hasta uga winisudha dadi abdi dalem ing Kraton Ngayogyakarta Hadiningrat, kanthi pangkat Bupati Anom kanthi asma peparing Kanjeng Mas Tumenggung Hastahusadadipura.[17] Hasta lan Sutédja dicalonaké manèh kanggo periodhé kang kapindho (2016-2021) lan kasil kapilih kanthi suwara 85 persèn.[18][19]

Rujukan

[besut | besut sumber]
  1. ↑ "Ngarit, Kisah Perjuangan Masa Kecil Bupati Kulonprogo - Tribun Jogja". Tribun Jogja (ing basa Indonesia). Dibukak ing 2018-01-23.
  2. ↑ Media, Mediani Dyah Natalia - Harian Jogja Digital. "KESEHATAN JOGJA : RSKIA Sadewa Bersiap Go Public". Harianjogja.com (ing basa Indonesia). Dibukak ing 2018-01-23.
  3. ↑ "Sukses Bisnis Kesehatan, Bupati Kulon Progo Bisnis Pendidikan". SINDOnews.com (ing basa Indonesia). Dibukak ing 2018-01-23.
  4. ↑ "dr H Hasto Wardoyo Menangkan Pemilukada Kulonprogo - Tribun Jateng". Tribun Jateng (ing basa Indonesia). Dibukak ing 2018-01-23.
  5. ↑ Ahmad,admin@kulonprogokab.go.id, Jauhari. "KPU Kulon Progo Tetapkan Hasto-Tedjo Sebagai Pasangan Terpilih". www.kulonprogokab.go.id (ing basa Inggris Amérika Sarékat). Diarsip saka sing asli ing 2017-06-01. Dibukak ing 2018-01-23.
  6. ↑ Kurniawan, Bagus. "'Bela Beli Kulonprogo', Spirit dan Sukses Bupati Hasto Angkat Produk Lokal". detiknews. Dibukak ing 2018-01-23.
  7. ↑ Kurniawan, Bagus. "Batik Motif Geblek Renteng dan 'Bela Beli Kulonprogo' ala Bupati Hasto". detiknews. Dibukak ing 2018-01-23.
  8. ↑ Ahmad,admin@kulonprogokab.go.id, Jauhari. "Press Release Pengumuman Hasil Lomba Desain Motif Batik Khas Kulon Progo Tahun 2012". www.kulonprogokab.go.id (ing basa Inggris Amérika Sarékat). Diarsip saka sing asli ing 2017-05-30. Dibukak ing 2018-01-23.
  9. ↑ "Pemkab Kulon Progo resmikan RSU tanpa kelas". jogja.antaranews.com. Dibukak ing 2018-01-23.
  10. ↑ "RSUD Wates Kembangkan Rumah Sakit dengan Pelayanan Bertaraf Internasional - Tribun Jogja". Tribun Jogja (ing basa Indonesia). Dibukak ing 2018-01-23.
  11. ↑ Liputan6.com. "Jalanan di Kulon Progo Kini Bebas Iklan Rokok". liputan6.com. Dibukak ing 2018-01-23.
  12. ↑ Liputan6.com. "Dilarang Ada Iklan Rokok di Toko dan Warung Kulon Progo". liputan6.com. Diarsip saka sing asli ing 2018-01-07. Dibukak ing 2018-01-23.
  13. ↑ Media, Nina Atmasari - Solopos Digital. "Pasang Iklan Rokok, 20 Warung di Kulonprogo Dapat Teguran". SOLOPOS.com (ing basa Indonesia). Dibukak ing 2018-01-23.
  14. ↑ "Satpol PP Kulon Progo Tertibkan Iklan Rokok di Warung-warung | Republika Online". Republika Online. Dibukak ing 2018-01-23.
  15. ↑ Sedayu, Agung (2014-05-31). "Kulonprogo Cabut Semua Iklan Rokok di Jalan". Tempo (ing basa Indonesia). Dibukak ing 2018-01-23.
  16. ↑ Liputan6.com. "Hasto Wardoyo, Pagi Jadi Bupati, Malam Bantu Ibu Melahirkan". liputan6.com. Dibukak ing 2018-01-23.
  17. ↑ Jogjakartanews. "Jogjakartanews.com: Dua Pejabat Daerah Diwisuda menjadi Abdi Dalem Kraton Ngayogyakarta". Jogjakartanews.com. Dibukak ing 2018-01-23.
  18. ↑ "Pilkada Kulonprogo, Hasto Menang Telak". krjogja.com (ing basa Inggris). Diarsip saka sing asli ing 2017-04-26. Dibukak ing 2018-01-23.
  19. ↑ setiawan, Kodrat (2017-02-23). "Raih 85 Persen Suara, Hasto Wardoyo Pimpin Kulon Progo Lagi". Tempo (ing basa Indonesia). Dibukak ing 2018-01-23.
Dijupuk saka "https://jv.wikipedia.org/w/index.php?title=Hasta_Wardaya&oldid=1676849"