Hashirama Senju

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
hashirama
Hashirama Senju
Profil
KulawargaTobirama Senju, Madara Uchiha, Hiruzen Sarutobi

Wonten ing sèri manga lan anime Naruto, Hashirama Senju (千手柱間 Senju Hashirama?), ingkang gelaripun Hokage Pertama (初代火影 Shodaime Hokage?), inggih punika pendiri Konohagakure, satunggal désa fiktif panggènanipun para ninja. Hashirama minangka kakangipun Tobirama Senju, Hokage (ninja terkuat) kakalih ing Konohagakure, lan ugi minangka simbah saking Tsunade (Hokage kelima Konohagakure) lan Nawaki.

Dipuncariyosaken bilih Hashirama dipunurmati minangka ninja ingkang paling dipunwedèni ing kala mangsanipun. Piyambakipun dipunurmati sanget malah ugi kaliyan sainganipun piyambak, Madara Uchiha, paring pakurmatan dhateng kakiyatanipun. Namung satunggal tiyang ingkang saged ngadepi piyambakipun, lan namung satunggal klan ingkang saged ngadepi klannipun, inggih punika Madara Uchiha lan klan Uchiha.

Latar belakang[besut | besut sumber]

Wonten ing awalipun Hashirama minangka pangarsa saking klan Senju. Dangunipun wonten ing mangsa paprangan kapisan, klan Senju dipunurmati minangka satunggal saking kalih klan ingkang paling kiyat ing donya, nyaingi klan Uchiha. Amargi punika, klan Senju asring gelut kaliyan klan Uchiha lan Hashirama piyambak asring nglawan Madara Uchiha kanthi pribadi. Amargi kesel amargi paprangan, Hashirama lan klannipun ngajak Klan Uchiha kanggé ngajokaken damai kemawon. Sasampunipun sekuthu kaliyan klan Uchiha, kakalih kelompok punika madegaken Konohagakure ingkang mekar lan ngrembaka dados salah satunggal saking lima nagara shinobi ingkang paling ageng.

Salajengipun, Madara ninggalaken Konoha sasampunipun mendhet netranipun adhinipun piyambak. Konflik punika ndamel tarungipun ing antawisipun Hashirama lan Madara ing Lembah Akhir. Tarung punika dipunmenangaken déning Hashirama. kanggé ngenang tetarungan punika, dipunmadegaken patung Hashirama lan Madara wonten ing Lembah Akhir. akalih patung punika madeg ngapit air terjun kanthi adhep-adhepan.

Kepripun malih ugi mangsa perang taksih kalajengaken, lan sinambi menggalih masa depan Konoha, Hashirama lan adhinipun, Tobirama Senju, nglatih Hiruzen Sarutobi, Hokage Konoha ing masa depan.


Kang sadurungé
Hokage Pertama Kang sawisé
Tobirama Senju