Sakura Haruno

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sakura
Sakura Haruno
Profil
Umur 12-13 di Bagian I
15-16 di Bagian II
Kulawarga Uzumaki Naruto, Uchiha Sasuke, Sai

Sakura Haruno inggih punika salah satunggaling tokoh fiksi saking séri manga & anime Naruto. Piyambakipun inggih punika salah satunggaling ninja wanita ingkang nggabung wonten ing Tim 7 kaliyan Naruto Uzumaki lan Sasuke Uchiha sangandhapipun bimbingan Kakashi Hatake. Piyambakipun ugi salah satunggaling ninja medis wonten sangandhapipun bimbingan Tsunade.

Latar belakang[sunting | sunting sumber]

Sakura Haruno inggih punika salah satunggal kunoichi (ninja wanita) ingkang kagabung wonten ing Tim 7 sesarengan kaliyan Naruto Uzumaki lan Sasuke Uchiha wonten ing sangandhapipun bimbingan Kakashi Hatake. Piyambakipun tresna sanget kaliyan Sasuke saengga piyambakipun remen sanget nalikanipun mangertosi bilih piyambakipun lan Sasuke kagabung wonten ing Tim 7, ananging piyambakipun mboten remen bilih Naruto ingkang lumebet wonten tim kasebat. Amargi piyambakipun mboten pati remen kaliyan Naruto ingkang malah remen kaliyan piyambakipun. Nalikanipun Sasuke késah ninggalaken Konoha, Sakura mulai ngupadi supados saged dados ninja ingkang ampuh. Piyambakipun meguru dhumateng Tsunade lan pungkasanipun saged dados salah satunggaling ninja medis ingkang andal.

Karakteristik[sunting | sunting sumber]

Sakura inggih punika salah satunggal tiyang èstri ingkang ayu lan becik ugi. Ananging amargi raos suka dhumateng sasuke punika, sipat ingkang awon milai katingal. Wonten ing Tim 7, piyambakipun mesthi asring ngiyataken Sasuke lan ngèlèk-èlèk dhateng Naruto, amargi piyambakipun mboten remen kaliyan Naruto, ananging Naruto tresna dhumateng piyambakipun. Ananging kairing lumampahing wekdal, Sakura mulai ngertos pangraosipun Naruto.

Sakura punika pinter sanget lan saged ngendalekaken cakranipun kanthi sampurna. Kamangka purwakanipun lemah, pungkasanipun piyambakipun saged dados langkung kiyat. Amargi piyambakipun meguru ninjutsu lan ilmu medis dhateng Tsunade. Kanthi sangu kakalih kawegigan punika, Sakura saged tarung kanthi langkung fleksibel lan ugi efisien. Wonten ing serial Naruto Shippuden, Sakura katingal langkung lerem lan saged ngendalekaken pangraosipun.

Sakura gadah satunggal rival, Ino Yamanaka. Kakalihipun tanding kangge ngangsalaken Sasuke. Rumiyinipun titiyang kalih punika kekancan caket, anamung nalikanipun Sakura mangertosi bilih Ino ugi remen kaliyan Sasuke, Sakura milih kangge mboten kekancan malih kaliyan Ino. Bab punika dipun lakoni amargi kangge ngindari gerah ing manah lan sasar-susur. Wonten ing serial Naruto Shippuden, titiyang kalih punika kekancan malih.

Sumber artikel punika saking kaca situs web: "http://jv.wikipedia.org/w/index.php?title=Sakura_Haruno&oldid=836548"