Flanèl

Saka Wikipédia Jawa, bauwarna mardika basa Jawa
manéka warna kain flanèl

Flanèl inggih punika salah satunggaling jinis kain tenun ingkang lembut. Kain punika ingkang alus kaliyan gampil anggènipun kraket ingkang kadamel saking wol lan wonten ugi ingkang dipun-campur kaliyan katun utawi serat sintetis. Wonten ugi ingkang mastani bilih kain flanèl ingggih punika kain felt (saking basa Inggris).

Sapunika kain flanèl punika kathah ingkang remen, awit saking reginipun ingkang mirah ugi kathah kapanggih wonten toko-toko. Mliginipun priyantun èstri ingkang remen dedamelan aksesoris. Usaha saking flanèl punika kathah ingkang remen amargi saking modal boten kathah. Nanging ingkang paling wigati inggih punika niyat kaliyan kreatifitas. Amargi kanggé ndamel kerajinan saking bahan dhedhasar flanèl punika mbetahahaken daya kreatifitas ingkang ndadosaken kerajinan punika menarik kanggé tiyang sanès.

Flanèl punika kaginakaken kanggé kerajinan tangan utawi handicraft. Jinising kerajinan tangan ingkang saged kadamel saking bahan flanèl kados ta:

  1. bonékah
  2. gantungan kunci flanèl,
  3. gantungan hp flanèl,
  4. pigura foto,
  5. tempelan kulkas,
  6. bros
  7. jepitan rambut
  8. kalung flanèl
  9. sampul / samak buku
  10. rerenggan gambar wonten ing kaos.

Sajarah flanel[besut | besut sumber]

Flanèl punika jinising kain ingkang paling sepuh wonten ing sajarah manungsa, langkung sepuh tinimbang kain tenun lan kain rajut. Awit wonten bukti saking arkéologi British Museum ingkang nerangaken bilih bahan benang ingkang kaping satunggal dipuntepangi déning manungsa kadamel kanthi ngangin-anginaken serat janganan wonten ing papan ingkang inggil. Wonten ing Turki, tilasing pangginaan flanèl kapanggih kirang langkung 6500 SM. Jinising kain flanèl ingkang rumit ugi kapanggihaken kanthi kondisi dipunawètaken wonten ing makam Siberia ingkang asalipun saking taun 600 M [1].

Flanèl punika sampun dipundamel nalika abad kaping 17 ingkang kadamel lan kawéntar wonten ing Wales. Nanging anggènipun ngginakaken lajeng nyebar wonten donya lan sapunika wonten ingkang ngginakaken kanggé ndamel klambi anget ingkang ènthèng.

Wonten ing Amérika Lor, flanèl asring dipunubungaken kaliyan busananipun tiyang-tiyang ingkang negor utawi nebang wit, wong tani, lan ahli kayu. Amargi kathahipun tiyang ingkang makarya kanthi kelas madya mangandhap nelasaken kathah wekdal wonten ing njawi griya. Saéngga mbetahaken klambi ingkang anget saking bahan flanèl punika. kain flanèl punika ugi asring kanggé ndamel piyama kanggé lare-lare wonten ing mangsa adhem ugi saged kanggé tiyang ingkang sampun diwasa.

Flanèl dados kain ingkang katampi wonten ing budaya pop Amérika wonten ing wiwitaning taun 1990-an nalika medalipun musik grunge. Band Grunge ing Seattle, Wahington, Amérikah Sarékat saha Vancouver, British Columbia ing Kanada ngagem klambi flanèl kanggé nglawan cuaca adhem esktrim saking lingkungan. Awit saking punika kalin flanèl dados fashion item wonten ing Amérika Lor pinten-pinten taun [2].

Cathetan suku[besut | besut sumber]

  1. [1] Archived 2012-11-20 at the Wayback Machine., Kerajinan kain flanel-Anneahira (dipun-akses tanggal 26 Oktober 2012).
  2. [2] Archived 2012-08-27 at the Wayback Machine., Kerajinan kain flanel-Anneahira (dipun-akses tanggal 26 Oktober 2012).