Bros

Saka Wikipédia Jawa, bauwarna bébas abasa Jawa
manéka warni bros

Bros utawi wonten ing basa Walanda punika broche saking basa Prancis, inggih punika piranti kanggé rerenggan ingkang dipundamel kanggé dipunpasang wonten busana. Sapunika saged ugi kanggé rerenggan wonten ing jilbab. Kala rumiyin, padatanipun bros kadamel saking bahan logam saged ugi saking pérak utawi emas. Wonten ugi ingkang saking bahan perunggu, lajeng miturut pangembangan jaman sapunika sampun kathah warna-warna bahan ingkang kanggé ndamel bros. Kadosta saking bahan flanel, pita, benang wol, plastik, lan sapituruté.

Miturut sejarahipun, bros punika ingkang kaping sepisan dipunkenal wonten ing jaman Perunggu. Bangsa Romawi, Yunani, Jerman ugi suku Kelt saha sadaya suku ingkang migrasi dhateng Éropah awalipun ngginaken gesper hias. Bentukipun bros ugi manéka warna. Kadosta awujud tiruan kembang, kewan, bonékah, tokoh kartun, lan sakpiturute. Kanthi variasi bahan supados langkung menarik.