Cidomo

Artikel iki ditulis nganggo basa krama.

Cidomo utawi wonten ugi ingkang mastani kaliyan Cimodok inggih punika salah satunggaling piranti transportasi darat ingkang taksih tradhisional wonten ing Pulo Lombok. Anggenipun mlampah cidomo punika ngginakaken tenaga kéwan wujud jaran khas saking Pulo Lombok. Manawi wonten ing Jawa cidomo punika langkung mirib kaliyan dhokar / andhong. Wonten ing Gili Trawangan, Lombok Nusa Tenggara Barat, cidomo punika satunggaling piranti transportasi ingkang wonten ing Gili Trawangan. Boten kaginakaken kendaraan bermotor awit supados boten wonten polusi dhateng papan pariwisata ingkang dados icon Pulo Lombok ^[1].

Ingkang mbédakaken antawisipun cidomo kaliyan andhong utawi délman inggih punika manawi cidomo ngginakaken ban saking ban mobil bekas lajeng manawi andhong ngginakaken ban dhedhasar bahan kayu. Dumugi sapunika piranti transportasi punika taksih dados piranti utama mliginipun wonten ing laladan-laladan ingkang boten karambah déning angkudan transportasi umum saha laladan-laladan kanthi pusating kegitanékonomi rakyat punika kados pasar.

Cidomo punika sajatosipun singkatan saking tembung cikar, dokar, lan mobil (wonten ing basa Sasak dipunarani montor) ^[2].

Asaling cidomo piyambak kirang mangertos awit kapan wonten ing Pulo Lombok. Wiwitanipun piranti transportasi punika kawiwitan saking cikar utawi ingkang kawéntar minangka kendaraan tradhisional ingkang dipuntarik déning kudakan nanging dipun-khususaken kanggé ngangkud barang nanging sanès penumpang.Kala rumiyin piranti transportasi tradhisional punika dipuntarik kaliyan jaran nanging mirunggan kanggé ngangkud barang kémawon. Nanging sapunika sampun kanggé penumpang lan barang. Wonten ing cidomo punika sengaja dipun-atur anggènipun nitih piranti transportasi punika ingkang kathah piyambak namung sekawan tiyang kemawon. Lajeng ingkang ngajeng kanggé kusir ingkang ngendalikke jaran supados mlampah kanthi saé.

Bahan Cidomo

Wujud saking cidomo punika katingal biyasa kemawon ugi bahan-bahan kanggé damel. Kanthi umum bahan ingkang kaginakaken kanggé damel cidomo punika kapérang dados tiga inggih punika wesi minangka cagak kanggé nyangga omah-omahan cidomo, plastik terpal, seng, utawi kayu kanggé atap cidomo, kulit sapi utawi mendha kanggé tali jaran, lan tali gagang jaran kusir ; kayu kanggé bahan cidomo; lan ban mobil bekas kanggé roda ^[3].

Babagan prosès damel cidomo punika èwet saéngga kedah dipundamel déning ahli lan mbetahaken wekdal ingkang radi dangu ugi. Padatanipun ingkang damel cidomo sapunika punika keturunan tiyang ing damel cidomo ^[3].

Cathetan sikil

↑ [1], Cidomo di Pulau Lombok (dipun-akses tanggal 25 Oktober 2012).
↑ Wisata Cidomo^{[pranala mati permanèn]} Cidomo-Info Lombok (dipun-akses tanggal 25 Oktober 2012)
↑ ^a ^b [2]^{[pranala mati permanèn]} Cidomo piranti transportasi darat tradhisional si Lombok Nusa Tenggara Barat (dipunakses tanggal 21 Januari 2013)

Ugi pirsani

[internet1-1] [1], Cidomo di Pulau Lombok (dipun-akses tanggal 25 Oktober 2012).

[internet2-2] Wisata Cidomo^{[pranala mati permanèn]} Cidomo-Info Lombok (dipun-akses tanggal 25 Oktober 2012)

[internet3-3] [2]^{[pranala mati permanèn]} Cidomo piranti transportasi darat tradhisional si Lombok Nusa Tenggara Barat (dipunakses tanggal 21 Januari 2013)

[1]

[2]

[3]