Gili Trawangan

Saka Wikipédia Jawa, bauwarna mardika basa Jawa

Koordhinat: 8°21′S 116°02′E / 8.350°S 116.033°E / -8.350; 116.033

Pesisir Gili Trawangan.

Gili Trawangan ya iku kagolong pulo gedhé dhéwé saka telu pulo cilik utawa gili kang ana ing sisih lor kulon sagara Lombok.[1] Gili trawangan sing dawanè 3 km lan amba 2 km, duwé masarakat sing cacahè kira-kira ana 800 wong.[1] Trawangan duwé fasilitas paling jangkep kanggo para wisatawan sing arep plesiran menyang papan wisata iki, kaya déné [1] Warung "Tîr na Nôg" duwé pamanggih manawi Trawangan iku pulau sing paling cilik sadunya lan duwé bar Irlandia.[1] Papan panggonan sing paling akèh lan kebak wongè ya iku ana ing sisih wétan pulo iki.[1]

Trawangan duwé rasa "pista" luwih tinimbang Gili Mèno lan Gili Air, amarga saking akèhè pista sing dianakaké saben wengi lan acarané béda-béda saben papan sing ramè. Kagiyatan sing paling kondhang dilakoake déning para wisatawan ya iku scuba diving (nganggo sertifikasi PADI), snorkeling (ana ing pasisir wétan lor), dolanan kayak, lan uga surfing. Ana uga papan kanggo para wisatawan lumaku-lumaku numpak jaran muteri pulo.[1]

Papan wisata iki papan wisata kang jenenge wis misuwur ana ngendi-ngendi.[butuh sitiran] akèh wong manca padha teka, arep padha dolan lan plesiran.[butuh sitiran] Papan wisata pasisir iki ora kalah karo papan wisata pasisir kuta ing Bali.[butuh sitiran] Papan wisata iki kalebu papan wisata pasisir.[butuh sitiran]

Sajarah[besut | besut sumber]

Ing jaman biyèn pulo iki natè didadèake papan kanggo mbucal narapidana. Kuwi dilakoni amarga wektu iku kabèh papan kunjara wis kebak, Raja sing wektu iku dadi panguwasa mbucal 350 wong pambrontak Sasak ing pulo iki. Nembe kira-kira taun 1970-an akèh wong Sulawesi padha mampir lan netep ing kéné.[2]

Cathetan suku[besut | besut sumber]

  1. a b c d e f ruanghati.com[pranala mati permanèn]
  2. "www.lombokjalanjalan.com". Diarsip saka sing asli ing 2011-09-25. Dibukak ing 2011-05-02.

Pranala njaba[besut | besut sumber]

Pranala buku[besut | besut sumber]

Lalu Abdul, Fatah (2011). Travelicious Lombok. Jakarta: B-First. ISBN 978-602-886-424-4.