Bauhaus

Saka Wikipédia, bauwarna bébas basa Jawa
Bauhaus Dessau

Bauhaus, inggih punika sawijining sekolah seni lan désain ing Jerman ingkang pengaruhipun ageng sanget lan misuwur kanthi keunikan gabungan antawisipun seni lan téknik wonten ing produksi massal, ingkang wonten ing perkembanganipun langkung kawéntar minangka nama sawijining gaya seni piyambak[1]. Sekolah punika jumeneng nalika taun 1919 lan jumeneng dumugi dipuntutup déning Nazi nalika taun 1933[1]. Ingkang pisanan dipunpimpin déning Walter Gropius (1883-1969) lan Ludwig Mies van der Rohe (1886-1969)[1]. Bauhaus ébah ing bidhang seni artistéktur, inggih punika Utopia, adedasar ing idealisme saking bentuk ingkang sederhana lan fungsi ingkang lugas, lan sawijining kapitadosan bilih mesin perekonomian saged mbekta kanthi "elegan" barang-barang ingkang sampun kadésain dados kagunganipun tiyang kathah, migunakaken téknik - téknik lan material - material ingkang dipunginakakn kanthi mligi saperlu panganggo pabrik lan manufaktur massal, kadosta baja, beton, krom, kaca, lan sanésipun.[2].

Sajarah lan Perkembangan[besut | besut sumber]

Nalika taun 1919, perekonomian ing Jerman risak amargi perang dunia ingkang nguras sadaya kekiyatan Jerman.[3] Satunggaling arsiték Walter Gropius dipuntunjuk saperlu mimpin sawijining institusi ingkang saged mbiyantu mbangun nagara lan mbentuk sawijining tatanan sosial ingkang énggal.[3] Dipunsukani nama "Bauhaus", institusi punika dipunfokusaken ing sawijining bentuk énggal ingkang rasional saking perumahan sosial kanggé pegawé.[3].

Pamanggih dasar saking pola pengajaran saking Bauhaus inggih punika kesatuan saking artistik punika piyambak lan dedikasi praktikal.[1] Saben siswa kedah mungkasaken pelajaran pengantar sadéréngipun piyambakipun saged mlebet sawijining workshop ingkang piyambakipun pilih.[1] Wonten sapérangan tipe workshop ingkang dipunsamektakaken : Metal, Tipografi, Seni Lukis Gelas, Pahatan, Mebel, Pekerjaan 3 Dimensi lan sanés-sanésipun.[1]

Siswa ing Bauhaus mendhet 6 wulan pelajaran pengantar ingkang nglibataken nglukis lan ékspérimén dasar babagan bentuk, sadéréngipun lulus ing tigang taun pelatihan workshop déning kalih ahli: 1 seniman lan 1 pengrajin.[4]. Ingkang nyinaoni babagan arsitektur kanthi téori lan praktik, makarya kanthi konstruksi bangunan ingkang nyata.[4] Sasaran kreatifitas saking kurikulum menarik sadaya saking staff pengajar.[4] Antawisipun inggih punika Paul Klee, Wassily Kandinsky, Oskar Schlemmer, Johannes Itten, László Moholy-Nagy, Josef Albers lan Marcel Breuer.[4]

Parté Nazi lan kelompok pulitik fasis sanésipun sampun nentang jumenengipun Bauhaus wiwit 1920an.[5] Nazi gadhah pamanggih babagan punika minangka sawijining kedhok kanggé komunis, utaminipun maragi kathah seniman Rusia ingkang wonten ing mrika.[5]. Sekolah Bauhaus pungkasanipun pindhahsaking Weimar nuju ing Dessau, saking Dessau nuju ing Berlin, lan pungkasanipun dipuntutup amargi rezim Nazi nalika taun 1933.[5]

Ancas Bauhaus[besut | besut sumber]

Sekolah punika kagungan 3 ancas ingkang utama:

  1. Saperlu ndhorong seniman-seniman lan pengrain individual saperlu makarya sesarengan lan nggabungaken keahlianipun.[6].
  2. Saperlu ningkataken stats saking kerajinan, kursi, lampu, poci, lan sanésipun ing salebeting tingkatan ingkang sami kaliyan seni murni, lukisan, pahatan, lan sanésipun.[6].
  3. Kanthi kalanjutakan saperlu angsal kebebasan saking dhukungan pamaréntah kanthi nyadé manéka rancangan désain ing industri.[6].

Dosen - Dosen ing Bauhaus[besut | besut sumber]

  1. Walter Gropius (Amerika Jerman, 1883-1969)[2]
  2. Ludwig Mies van der Rohe (Amerika Jerman, 1886-1969)[2]
  3. Wassily Kandinsky (Jerman Russia, 1866-1944)[2]
  4. Lyonel Feininger (Amerika, 1871-1956)[2]
  5. Paul Klee (Swiss-Jerman, 1879-1940)[2]
  6. Oskar Schlemmer (Jerman, 1888-1943)[2]
  7. László Moholy-Nagy (Jerman]], lair ing Hungaria, 1895-1946, aktif di Amerika)[2]
  8. Josef Albers (Amerika Jerman, 1899-1976)[2]
  9. Anni Fleischman Albers (Amerika Jerman, 1899-1994)[2]

Cathetan Suku[besut | besut sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "https://jv.wikipedia.org/w/index.php?title=Bauhaus&oldid=1065012"