Kubisme

Saka Wikipédia Jawa, bauwarna mardika basa Jawa
Jump to navigation Jump to search

Kubisme iku salah siji gerakan seni wigati ing abad ping 20. Gerakan iki sangkané saka Prancis sakiwa-tengené taun 1907, lan mrebaka saka taun 1910 nganti dasawarsa 1920-an. Gerakan iki diplopori déning Georges Braque lan Pablo Picasso.

Lukisan Pablo Picasso saka taun 1907 asesirah Les Demoiselles d'Avignon iku karya Kubis awal. Karya Georges Braque taun 1908 Maisons à l'Estaque lan karya magepokan liyané marahi sang kritik Louis Vauxcelles ngaraniné "bizarreries cubiques" (barang anèh-anèh kubis).

Pameran sing diorganisasi karya kubis kapisan dianakaké ing Salon des Indépendants ing Paris awal taun 1911. Sing dipamèraké kalebu karyané Jean Metzinger, Albert Gleizes, Fernand Léger, Robert Delaunay lan Henri Le Fauconnier, nanging ora ana karyané Picasso lan Braque sing dipamèraké.

Miturut siji sajarawan seni, ana telung fase Kubisme. Yaiku "Kubisme Awal", "Kubisme Utama", lan "Kubisme Pungkasan".