Bèntèng Pendhem Ambarawa

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Bèntèng Pendhem Ambarawa

Benteng Fort Willem I utawi Bèntèng Pendhem Ambarawa inggih punika yasan sujarah ingkang dumunung wonten Ambarawa, Kabupatèn Semarang, Jawa Tengah. Bèntèng ingkang dipunyasa taun 1834 dumugi taun 1845, kapernah wonten sisihipun Museum Kereta Api, utawi sawingkingipun Rumah Sakit Umum Daerah (RSUD) Ambarawa, dados satunggal kaliyan Lembaga Pemasyarakatan (Lapas) Kelas II Ambarawa. Bèntèng niki naté dipun-ginakaken minangka latar pamundhutan gambar filem Soekarno ingkang dipunsutradarani Hanung Bramantyo.[1][2][3]

Latar wingking[besut | besut sumber]

Ngginakaken ukara pendhem amargi bètèng punika dumunung ing sangandhapipun siti utawi kakubur, minangka siasat perang. Manawi badhé dhateng bètèng punika, wonten kalih margi mlebet, ingkang kaping sapisan saget miyos margi caket Rumah Sakit Umum Daerah (RSUD) Ambarawa. Wondéné margi sanèsipun lumantar kori mlebet tumuju Lembaga Pemasyarakatan (Lapas) Ambarawa, lan saking mriku yasan wonten ing sisih kiwa.

Ing dasawarsa 1840-an nalika VOC nguwaosi tlatah Jawa, Ambarawa dados panggènan ingkang sekéca kanggé perang, amargi wonten antawisipun Semarang lan Surakarta. Wiwitan abad 18, VOC yasa kathah bètèng ing jalur Semarang – Oenarang (sapunika Ungaran) – SalatigaSurakarta (Sala). Rancangan punika kasusun supados saget ngrembakaaken sesambetan kaliyan Karajan Mataram. Barak-barak militèr ugi dipunyasa ing kutha-kutha punika, kalebet Ambarawa. Nalika dipunkuwaosi dé Kolonel Hoorn, taun 1827-1830, naté wonten barak militèr ingkang nyimpen barang-barang kabutuhan militèr, lan ing taun 1834 diyasa satunggaling bètèng modhèren ing Ambarawa ingkang salajengipun dipuntengeri Benteng Willem I, ingkang rampung taun 1845. Taun 1853 dumugi 1927 bètèng punika kaginaaken minangka barak militèr déning KNIL, supados saget gampil anggènipun sesambetan kaliyan Magelang, Yogyakarta, lan Semarang lumantar ril sepur.

Riwayat bètèng[besut | besut sumber]

No Taun Katrangan
1 1834-1845 Diyasa
2 1865 Wonten lindhu ageng ingkang ndadosaken sapérangan yasan rusak
3 1927 Benteng Willem I dipunjumbuhaken saking pakunjaran laré-laré dados pakunjaran diwasa lan pulitik
4 19421945 Dipunkuwaosi déning Jepang lan diginaaken minangka barak militèr
5 1945 Markas gedhé TKR (Tentara Keamanan Rakyat)
6 1950 Minangka pakunjaran diwasa lan barak militèr
7 1985 Minangka pakunjaran laré-laré lan barak militèr
8 1991 Minangka Pakunjaran Kelas IIB lan barak militèr
9 2003–sekarang Pakunjaran Kelas II A lan barak militèr

Ugi pirsani[besut | besut sumber]

Rujukan[besut | besut sumber]

  1. Jateng Tribun News: Benteng Willem I, dijupuk 23 Juli 2015
  2. Hello Semarang: Benteng Pendem, antara hidup dan mati, dijupuk 23 Juli 2015
  3. Ardiyanta: Suasana klasik Benteng Pendem Ambarawa, dijupuk 23 Juli 2015