Angelina Jolie

Saka Wikipédia Jawa, bauwarna mardika basa Jawa
Angelina Jolie

Jolie, 2010
Asma wiyosan Angelina Jolie Voight
Miyos (1975-06-04) Juni 4, 1975 (umur 48)
Los Angeles, California, Amérikah Sarékat
Pakaryan pemeran filem, prodhuser, sutradara
Taun aktif 1982, 1993–sekarang
Sisihan Jonny Lee Miller (1996-1999)
Billy Bob Thornton (2000-2003)
Pacangan domestik Brad Pitt (2005–sapunika
Tiyang sepuh Jon Voight
Marcheline Bertrand

Angelina Jolie (lair ing Los Angeles, California, Amérikah Sarékat, 4 Juli 1975; umur 48 taun-jeneng laire Angelina Jolie Voight) Aktris kang duwé profesi modhèl iki dikenal dadi duta Perserikatan Bangsa Bangsa (PBB) babagan urusan perdamaian donya.[1] Putri saka pasangan Jon Voight lan Marchelina Bertrand iki wiwit kariré dadi modhèl nalika umur 14 taun ning LA, New York lan London.[1] Rong taun sawisé, dhèwèké nyoba akting ning teater.[1] Saka teater dhèwèké wiwit merambah ning layar lebar.[1] Debut layar lebar profesionalé dimulai ning taun 1993, CYBORG 2 kang dilanjutaké WITHOUT EVIDENCE, HANCKERS ning taun 1995, MOJAVE MOON, LOVE IS ALL THERE IS ning taun 1996, PLAYING GOD ning taun 1997, PUSHING TIN, BONE COLLECTOR ning taun 1998, GIRL, INTERUPTED ning taun 1999 lan GONE IN SIXTY SECONDS ning taun 2000.[1] Jolie, kagolong artis kang paling larang bayarané.[2] Panghasilané, ditaksir dibayar ora kurang saka US$30 juta utawa kurang luwih padha karo Rp.255 miliyar luwih.[2]

Nanging jenengé milai kondhang ning Hollywood nalika dolanan filem laga LARA CROFT: TOMB RAIDER (2001) lan ORIGINAL SIN (2001).[1] Salanjuté, Jolie uga dolanan ning filem LIFE OR SOMETHING LIKE IT (2002), LARA CROFT TOMB RAIDER: THE CRADLE OF LIFE (2003), BEYOND BORDERS (2003), TAKING LIVES (2004), SHARK TALE (2004), SKY CAPTAIN AND THE WORLD OF TOMORROW (2004).[1]

Kondhangé dadi aktris Hollywood dimanfaataké kanggo kagiyatan sosial.[1] Kampanyé perdamaian kang ditujukaké kanggo masarakat.[1] Jolie duwé karemenan ngadopsi bayi kang ora kerawat saka nagara-negra ning dunya.[1] Dhèwèké ngadopsi Maddox Chivan Jolie-Pitt kang lair ning tanggal 5 Agustus 2001 lan diadopsi ning tanggal 19 Januari 2006 (Kamboja) uga Pax Thien Jolie-Pitt kang lair ning Vietnam, 29 November 2003 lan diadopsi ning tanggal 15 Maret 2007.[1] Uga ngadopsi bayi kang jenenge Zahara Marley Jolie-Pitt (Ethiopia) kang lair tanggal 8 Januari 2005 lan diadopsi tanggal 19 Januari 2006.[1]

Angelina duwé anak kandung, saka pacaré aktor Brad Pitt, Shiloh Nouvel Jolie-Pitt, kang dilahiraké ning Ethiopia, 19 Januari 2006, sapasang anak kembar Knox Leon Jolie-Pitt sarta Vivienne Marcheline Jolie-Pitt dilahiraké ning tanggal 12 Juli 2009 ning Nice, Perancis.[1]

Jolie tau nikah karo aktor Billy Bob Thornton lan Jonny Lee Miller, nanging urip bebrayanan iku akire tekan perceraian, saiki karo Pitt awit taun 2004.[1]

Ning sajeroné wawangunem, Jolie tau nyebut manawa dhèwèké iku wanita kang biseksual, aktris Kenny Shimizu, salah satunggaling kanca ning filem kang judhulé FOXFIRE (1996) dadi wanita kang gawé dhèwèké kesengsem.[1]

Ora namung seneng karo bocah cilik, dhèwèké uga seneng karo tato, ning awaké, Jolie duwé 13 tato kang dingerteni karo publik.[1] Saking quote Tenesse Williams, frasa saking basa Arab, paribahasan Latin sarta tato Yantra ingkang awujud donga kanggo anaké Maddox.[1]

Dhèwèké duwé uga tau ngilangaké tato, kaya ta tato nama mantan bojoné, Billy Bob Thornton, kaya ta gambaré utawa karakter kepaten wonten ing basa China, sarta gambar jendela kang ana ing gégéré.[1] Winten ing filem animasi kang judhulé KUNG FU PANDA, Jolie dadi pangisi suwara kanggo karakter Master Tigress.[1] tau tampil ning filem drama CHANGELING dadi Christine Collins.[1] Dhèwèké olih nominasi dadi Best Actress ning ajang BAFTA Award, London Film Critics Circle Award, Broadcast Film Critics Association Award sarta Academy Award.[1]

Cathetan suku[besut | besut sumber]

  1. a b c d e f g h i j k l m n o p q r s t u biografi angelina jolie dipununduh tanggal 11 Juli 2011
  2. a b berita angelina jolie dipununduh tanggal 11 Juli 2011