Ahmad Syafii Maarif
| Ahmad Syafi'i Ma'arif احمد شافعي معارف | |
|---|---|
 Ahmad Syafii Maarif, 2019. | |
| Ketua Umum Pimpinan Pusat Muhammadiyah | |
| Linggih 1998–2005 | |
| Présidhèn | World Conference on Religion for Peace |
| Kang sadurungé | Prof. Dr. H. Amien Rais |
| Kang sawisé | Prof. Dr. KH. Din Syamsuddin |
| Rerincèn dhiri | |
| Lair | 31 Mèi 1935 Sumpurkudus, Sijunjung, Sumatra Barat |
| Pati | Mèi 27, 2022 (umur 86) |
| Bangsa | Indonesia |
| Sisihan | Hj. Nurchalifah |
| Pilungguh | Sleman |
| Almamater | Madrasah Mu'allimin Muhammadiyah Yogyakarta (1956) Universitas Cokroaminoto Surakarta (1964) IKIP Yogyakarta (1968) Ohio State University Chicago University (1993) |
| Panggaota | Dosen Aktivis Sejarawan Negarawan |
| Ahmad Syafii Maarif | |
|---|---|
| Bebungah | Ramon Magsaysay Award (2008) |
| Karièr ngèlmiah | |
| Babagan | Sejarah |
| Institutions | Universitas Negeri Yogyakarta |
| Thesis | Islam as the Basis of State: A Study of the Islamic Political Ideas as Reflected in the Constituent Assembly Debates in Indonesia (1983) |
| Mrabawani | Fazlur Rahman Amien Rais Nurcholish Madjid |
Ahmad Syafii Maarif (lair ing Nagari Calau, Sumpur Kudus, Sijunjung, Sumatera Kulon ing dina Jemuwah, surya 31 Mèi 1935)[1] iku tokoh lan alim ulama Indonésia. Panjenengané naté dadi lurah ing PP Muhammadiyah kanthi mangsa bekti 2000-2005 lan uga anggota ICMI (Ikatan Cendekiawan Muslim Indonésia). Panjenengané minangka tokoh Toléransi Lintas Agama, presidhèn World Conference on Religion for Peace (WCRP), sarta kang ngedegaké Maarif Institute. Panjenengané tinelah minangka priyangga kang kritis lan plural. Sawenèh kalangan nganggep yèn Ahmad Syafii Maarif ora tidha-tidha nyaruwé kahanan kang klèru, kalebu marang kanca-kancané dhéwé.[2]
Mangsa cilik
[besut | besut sumber]Ahmad Syafii Maarif duwé tunggal cacah 15 nunggal bapak, nanging béda ibu. Bapaké yaiku Ma'rifah Rauf déné ibuné Fathiyah. Nalika ngancik umur siji setengah taun ibuné tinggal donya, banjur Ahmad Syafii Maarif dititipaké bapaké menyang buliké kang jenengé Bainah supaya bisa diemong. Ing 1942, panjenengané dilebokaké menyang sekolah rakyat ing Sumpur Kudus banjur mbacutaké pawiyatan ing Madrasah Ibtidaiyah Muhammadiyah Sampur Kudus, lan Madrasah Muallimin, Balai Tengah, Lintau. Sawisé ngancik remaja kaya adat wong-wong Minangkabau kang seneng bebara, panjenengané uga mutusaké bebara menyang Tanah Jawa, peneré ing Ngayogyakarta jalaran péngin bacutaké Madrasah Muallimin ing kutha iku. Nanging kepénginané iku ora bisa kecandhak sebab murid ing madrasah wis kebak, malah panjenengané oleh tarèn supaya bisa mulang dadi guru ing madrasah mau.[1][3]
Pawiyatan
[besut | besut sumber]Sawisé lulus Madrasah Muallimin, Ahmad Syafii Maarif ngancik yuswa 21 taun, panjenengané diwajibaké ngabdi ing pawiyatan kang dikemonah déning Muhammadiyah lan kabenum ing Lombok Wétan, Nusa Tenggara Kulon kanggo mulang ing pawiyatan Muhammadiyah. Sabubaré ngabdi dhèwèké banjur mbacutaké sinau menyang Pawiyatan Luhur Cokroaminoto, Surakarta jupuk jurusan sujarah.[4] Suwéning ngangsu kawruh ing bangku pawiyatan luhur iku ndadèkaké panjenengané nggayuh gelar sarjana enom (B.A.) ing umur 29 taun amarga nalika kuliyah kudu disambi nyambut gawé mulang ing SMP lan SMA ing wewengkon sacedhak kampusé. Sawisé antuk gelar B.A., panjenengané wiwit mulang ing Universitas Islam Yogyakarta kang saiki dadi Universitas Islam Indonésia bebarengan nerusaké sekolah sarjanané ing IKIP Yogyakarta ana ing jurusan kang padha yaiku sujarah. Panjenengané kalebu lantip, kayekti ing sajroning rong taun bisa antuk gelar sarjana (Drs.).[4]
Mangsa diwasa
[besut | besut sumber]Kawit iku uripé akeh disokaké ing jagad akadhemik. Ahmad Syafii Maarif ora nglalèkaké Muhammadiyah kang wis nggulawenthah panjenengané wiwit isih bocah. Ing 1972 Ahmad Syafii Maarif nampa béyasiswa Fulbright saka pamaréntah Amérika Sarékat, kanggo sinau sujarah ing Pawiyatan Luhur Ohio. Emané ing semèster telu, panjenengané kudu mandheg lan bali menyang Indonésia jalaran salah siji anaké lara lan nganti pancal donya. Ing 1976, panjenengané bali lan nerusaké ngrampungaké sekolah Master Sujarah.[5] Panjenengané aktif ing organisai Pembaharu Islam iki. Jenengé samsaya mumbul ing jaman reformasi taun 1998. Nalika iku, panjenengané nggentèni lurah umum PP Muhammadiyah, Amien Rais, kang ambyur ing donya pulitik praktis kanthi ngedegaké Partai Amanat Nasional (PAN).
Rujukan
[besut | besut sumber]- ↑ a b Diah K, Febrianti. "Profil Ahmad Syafii Maarif". Merdeka.com. Diarsip saka sing asli ing 2021-07-10. Dibukak ing 2021-06-10.
- ↑ Tirto, Redhaktur. "Ahmad Syafii Maarif". Tirto. Dibukak ing 2021-06-10.
- ↑ Saroh, Mutaya (2020-11-22). "Profil Buya Syafii Maarif Komplit". Suara.com. Dibukak ing 2021-06-10.
- ↑ a b Viva, Redaktur. "Dr. Ahmad Syafii Maarif". Viva.co.id. Dibukak ing 2021-06-10.
- ↑ Adesyiwi, Hendrardjo, Sagita, Piet (2012). "Ahmad Syafii Maarif". American Indonesian Exchange Foundation. Dibukak ing 2021-06-10.