Universitas Indonésia

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Universitas Indonesia
LogoUI.jpg
Motto Universitas kanthi Perspektif Internasional
Diadegaké 1851
Jinis Universitas negeri kanthi status Badan Hukum Milik Negara
Rèktor Prof. Dr. Gumilar Rusliwa Somantri
Dosèn 1.982
Mahasiswa 34.921[1]
Sarjana 13.146
Pascasarjana 6.295
Doktoral 907
Mahasiswa profesional 1.596
Lokasi Depok, Jawa Kulon, Indonésia
Telepon +62 21 7270020
Kampus Urban
Werna Kuning
Julukan Jaket Kuning
Afiliasi AUN, APRU
Situs wèb http://www.ui.edu

Universitas Indonésia utawa kerep dicekak kanthi sebutan UI kuwi salah siji pawiyatan luhur negri ing Indonésia minangka universitas paling tuwa ing Indonésia, sing resmi diadegaké taun 1946 kanthi jeneng "Universiteit van Indonesië".

Nalika tanggal 26 Desember 2000, pamaréntah Républik Indonésia ngesahaké status otonomi UI adhedhasar PP No. 152. Ing wektu iku, UI nembé ana jroning mangsa transisi saka sawijining univèrsitas negri nuju univèrsitas negri sing otonomi.

Nalika taun 2007, UI manggon ing peringkat ka-395 adhedhasar Times Higher Education Supplement World University Rankings. Adhedhasar survèy pungkasan saka Globe Asia (2008), UI nglungguhi peringkat angka siji ing antarané univèrsitas misuwur liyané ing Indonésia. Asil survèy iki diwartakaké ing kalawarti Tempo. Wiwit taun 2004, survèy saka kalawarti Tempo nglapuraké yèn UI iku kampus sing paling apik ing Indonésia adhedhasar sapérangan kritéria kayadéné kualitas lulusan jroning bidhang akadhemis lan keahlian ing donya kerja, kualitas pamulangan, métodhologi pasionaonan, kampus kanthi lingkungan ijo, kasempatan mlebu UI sing nduwèni kompetisi sing dhuwur.[rujukan?]

Saiki UI kapérang saka rolas fakultas, nawakaké luwih saka 200 program studi, wiwit saka program profésional Diploma nganti tekan program Doktor sing mawa basis risèt, lan duwé total gunggung mahasiswa watara 38.000 uwong.

Kampus UI ana ing Depok, Jawa Kulon lan Salemba, Jakarta. Kampus UI Depok ngliputi Fakultas Hukum, Psikologi, Èlmu Sosial lan Èlmu Pulitik, Èlmu Pengetahuan Budaya, Tèknik, Matématika lan IPA, Kasehatan Masarakat, Èlmu Komputer, Ékonomi lan Èlmu Keperawatan. Éwadéné kampus UI Salemba ngliputi Fakultas Kadhokteran, Kadhokteran Untu, lan sapérangan program pascasarjana.

Univèrsitas Indonésia dipimpin déning sawijining Rèktor. Rèktor UI périodhe 2007-2012 yaiku Prof. Dr. Gumilar Rusliwa Somantri.

Sajarah[sunting | sunting sumber]

Gedhung rèktorat sing asring dianggep minangka ikon UI.

Sajarah Univèrsitas Indonésia bisa ditlusuri wiwit taun 1851. Nalika iku, pamaréntah kolonial Walanda ngadegaké sawijining sekolah sing tujuwané kanggo ngasilaké asistèn dhokter tambahan. Pelajar ing sekolah iku éntuk palatihan kadhokteran sakwéné rong taun. Lulusané diwènèhi sèrtifikat kanggo nglakokaké parawatan-parawatan tingkat dhasar sarta éntuk gelar Dhokter Jawa (Javanese Doctor), gelaré mangkono amarga dhokter iki mung diwènèhi idin kanggo mbukak praktèk ing wilayah Hindhia Walanda, utamané ing pulo Jawa. Nalika taun 1864, program pendhidhikan kasebut ditambah wektuné dadi telung taun, lan nalika taun 1875 dadi 7 taun. Gelar sing diwènèhaké uga malih dadi Dhokter Mèdhis (Medical Doctor)

Nalika taun 1898, pamaréntah kolonial ngadegaké sekolah anyar kanggo nglatih tenaga mèdhis, yaiku STOVIA (School tot Opleiding van Indische Artsen). Pendhidhikan ing STOVIA suwéné 9 taun: 3 taun satingkat SMP, telung taun satingkat SMA, lan telung taun liyané satingkat Diploma. Akèh lulusan STOVIA sing banjur mainaké peranan wigati jroning pagerakan kamardikan Indonésia.

Nalika taun 1924 pamaréntah kolonial ngadegaké RHS (Rechts Hogeschool) sing tujuwané kanggo nyukupi tenaga administrasi sipil tingkat ngisor. RHS iki sing dadi cikal-bakal Fakultas Hukum UI. Nalika taun 1927 ngowahi status lan jeneng STOVIA dadi GHS (Geneeskundige Hogeschool). Gedhung pendhidhikan lan pelatihan kadhokteran sing digunakaké GHS dadi gedhung Fakultas Kadhokteran UI saiki. Akèh alumni GHS sing banjur duwé peran gedhé jroning pangadegan Univèrsitas Indonésia.

Sawisé kamardikan Indonésia didhéklarasikaké nalika tanggal 17 Agustus 1945, Badan Pendhidhikan Tinggi Républik Indonésia (BPTRI) didegaké ing Jakarta. BPTRI duwé telu fakultas, yaiku Kadhokteran lan Farmasi, Sastra, lan Hukum. Ing taun sing padha, institusi iki kasil nglulusaké 90 wong minangka dhokter. Nalika tentara kolonial Walanda nguwasani Jakarta manèh ing akir taun 1945, BPTRI dipindhahaké menyang Klaten, Surakarta, Yogyakarta, Surabaya, lan Malang. Nalika tanggal 21 Juni 1946 NICA ngadegaké sawijining Nood Universiteit utawa Univèrsitas Sauntara ing Jakarta. Nalika tanggal 21 Maret 1947, jeneng Nood Universiteit diganti dadi Universiteit van Indonesie (UVI). Pungkasané, sakwisé Jakarta kasil dijupuk alih manèh, pamaréntah mbalèkaké BPTRI menyang Jakarta lan nggabungaké karo Universiteit van Indonesie, lan mènèhi jeneng anyar Universiteit Indonésia (UI).

UI sacara resmi miwiti kagiyatané tanggal 2 Februari 1950 kanthi présidhen (saiki disebut minangka rektor) pisanané Ir. R.P Soerachman Tjokroadisoerio. Kantor Présidhèn Universiteit Indonésia awalé duwé kalungguhan ing Jakarta, pasé ing gedhung Fakultas Kadhokteran ing Jl Salemba Raya no. 6, banjur dipindhahaké menyang salah sawijining bangunan tilas pabrik madat ing Jl. Samlemba Raya no. 4, Jakarta. Tanggal 2 Februari 1950 banjur didadèkaké dina kalairan Univèrsitas Indonésia.

Awalé, UI duwé 9 fakultas lan 3 lembaga sing kasebar ing limang kutha, yaiku Fakulteit Kadhokteran, Fakulteit Èlmu Ukum lan Èlmu Pangetahuan Masarakat, sarta Fakulteit Sastra lan Filsafat ing Jakarta; Fakulteit Èlmu Alam lan Èlmu Pasti, Fakulteit Èlmu Pangetahuan Tèknik, lan Lembaga Pendhidhikan Guru Nggambar ing Bandung; Fakulteit Tetanèn lan Fakulteit Kadhokteran Kéwan ing Bogor; Fakulteit Ékonomi ing Makassar; Fakulteit Kadhokteran lan Lembaga Kadhokteran Untu ing Surabaya.

Nalika taun 1955, Undhang-Undhang No. 10 ngenani pangowahan tembung universiteit, universitet, lan universitit disahaké, saéngga wiwit wektu iku, Universiteit Indonésia sacara resmi diowahi jenengé dadi Univèrsitas Indonésia.


Kampus[sunting | sunting sumber]

Salemba[sunting | sunting sumber]

Kampus Salemba dumunung ing tlatah dalan Salemba Jakarta Pusat[2]. Fakultas sing ana ing kampus iki yakuwi Fakultas Kedhokteran, Kedokteran Gigi, lan sawetara program pascasarjana, program Ekstensi lan Magister Manajemen Fakultas Ekonomi, sarta laboratorium Fakultas Teknik.

Depok[sunting | sunting sumber]

Kampus Depok, dumunung ing Depok, Jawa Kulon [3], dibangun ing tengahan taun 1980-an kanggo ngakomodasi modhèrnisasi universitas. Saiki, Kampus Depok dadi kampus utama Universitas Indonesia. Sebagéan gedhé fakultas UI (MIPA, Teknik, Psikologi, Hukum, Ekonomi, Ilmu Sosial lan Ilmu Politik, Ilmu Komputer, Kaséhatan Masarakat, Ilmu Keperawatan) dumunung ing kampus iki. Kampus Depok diliwati déning rèl sepur Jakarta-Bogor saéngga para mahasiswa éntuk fasilitas transportasi umum.

Fakultas[sunting | sunting sumber]

Program studi ing UI dikelola déning 13 fakultas lan 1 program vokasi. Fakultas-fakultas kasebut ya iku:

 

Kedhokteran[sunting | sunting sumber]

Kampus FKUI dumunung ing Salemba kang jembaré 16.209 m2. Saiki, FKUI dipimpin déning dr. H. Menaldi Rasmin, Sp.P(K).,FCCP. FKUI nduwèni lima program pendhidhikan, yakuwi Program Diploma, Program Sarjana, Program Pendhidhikan Dokter Spesialis, Program Magister, lan Program Doktor. FKUI minangka fakultas kedhokteran paling tuwa ing Indonesia.

Kelairan FMUI diwiwiti saka madegé Dokter Djawa School ing taun 1851. Ing taun 1898 Dokter Djawa School diowahi jenengé dadi STOVIA, lan taun 1927 diowahi manèh dadi Geneeskundige Hooge School. Ing mangsa penjajahan Jepang, jenengé diowahi dadi Ika Daigaku.

Ing mangsa kamardikan Indonésia, pamaréntah Indonésia nggabungaké Ika Daigaku jroning Balai Perguruan Tinggi RI lan ngowahi jenengé dadi Pendidikan Tinggi Kedokteran. Sawisé Indonésia mardika ing pungkasan taun 1940-an, pamaréntah mengambil alih sekolah kedokteran sing diadegaké déning Walanda, Geneeskundige Faculteit Nood Universiteit van Indonesia, lan nggabungaké karo Pendidikan Tinggi Kedokteran. Gabungan iki banjur diwènèhi jeneng anyar, yaiku Fakultas Kedokteran sing ana ing sangisoré naungan Universitas Indonesia ing tanggal 2 Februari 1950. Kagiatan kuliah wiwitané dilaksanakaké ana ing rong panggonan, yaiku ing Jakarta lan ing Surabaya. Nanging wiwit taun 1954, Fakultas ing Surabaya digabungaké menyang Universitas Airlangga.

Kedokteran Gigi[sunting | sunting sumber]

FKG UI madeg ing taun 1961, kanthi 71 mahasiswa minangka angkatan sepisanan. Fakultas iki dirintis amarga anané rasa prihatin bab kondhisi kedhokteran gigi ing Indonesia. Nalika semana, perbandingan antara dhokter gigi lan pedunung isih njomplang banget, yakuwi 1 : 200.000, saliyané kuwi, lulusan dhokter gigi uga mung asal saka rong fakultas (FKG Unair lan FKG UGM) kanthi gunggung lulusan sing sethithik banget, ora tau luwih saka 35 wong. Fakultas Kedokteran Gigi UI (FKG) mbawahi 8 departemen, yaiku:

  • Departemen Bedah Mulut,
  • Departemen Penyakit Mulut,
  • Departemen Konservasi Gigi,
  • Departemen Periodontologi,
  • Departemen Prostodonsia,
  • Departemen Orhtodonsia,
  • Departemen Radiologi Ked.Gigi,
  • Departemen Dental Material Ked.Gigi.

FKG UI saat ini dipimpin oleh Prof. Bambang Irawan, drg,Ph.D.

MIPA[sunting | sunting sumber]

Fakultas MIPA madeg taun 1950-an, minangka bagéan saka UI cabang Bandung. Ing taun 1959, cabang UI ing Bandung pisah lan mbangun Institut Teknologi Bandung (ITB). Minangka gantiné, FMIPA ing Bandung, Menteri Pendidikan, Pengajaran, lan Kabudayan RI kanthi SK nomor: 108094/UU tanggal 21 Desember 1960 ngadegaké fakultas sajinis kanggo UI Jakarta, yaiku Fakultas Ilmu Pasti lan Ilmu Alam (FIPIA)

Program pendhidhikan[sunting | sunting sumber]

1. Program Pendidikan Jenjang S1, dumadi saka:

  • Program Sarjana Hukum Regulèr
  • Program Sarjana Hukum kelas Ekstensi

2. Program Pasca Sarjana, dumadi saka:

  • Jenjang S2 Program Magister Ilmu Hukum kanthi paminatan:
Magister Ilmu Hukum Pidana ( Criminal Law )
Magister Ilmu Hukum Ekonomi (Economic Law )
Magister Ilmu Hukum Islam ( Islamic Law )
Magister Ilmu Hukum Negara (Constitutional Law )
  • Jenjang S2 Program Profesi Kenotariatan.
  • Jenjang S3 Program Doktor Ilmu Hukum

Ing Fakultas Hukum Universitas Indonesia ana 7 (pitung) program kakhususan (PK) minangka penjurusan utawa kaahlian sacara spesifik sing bisa dipilih déning mahasiswa, yakuwi:

  1. hukum perdata
  2. hukum pidana
  3. hukum acara
  4. hukum ekonomi
  5. hukum tata negara dan hukum administrasi negara
  6. hukum internasional
  7. hukum dan masyarakat

Ekonomi[sunting | sunting sumber]

Gedung A FEUI

Fakultas Ekonomi UI (FEUI) utawa dikenal minangka Fakultas Ekonomi lan Bisnis, mbawahi 3 departemèn, yaiku departemen manajemen, departemen akuntansi, lan departemen ilmu ekonomi.

FEUI madeg tanggal 18 September 1950 dumunung ing Kampus UI Depok. Kalairan fakultas iki diwiwiti nalika Jurusan Sosial Ekonomi Fakultas Hukum Universitas Indonesia (FHUI) misahaké dhiri lan milih madeg dhéwé kanthi mbentuk fakultas anyar, yakuwi Fakultas Ekonomi. Bebarengan karo kuwi mahasiswa Akademi Nasional sing uga ngaji bab ilmu ekonomi gabung marang fakultas anyar kasebut.

Program pendhidhikan[sunting | sunting sumber]

Ilmu Ekonomi

  • Program Pasca Sarjana - Strata 3
  • Program Pasca Sarjana - Strata 2
  • Program Magister Perencanaan lan Kawicaksanan Publik
  • Program Sarjana - Strata 1
  • Program Hibah B

Manajemen

  • Program Pasca Sarjana - Strata 3
  • Program Pasca Sarjana - Strata 2
  • Program Magister Manajemen
  • Program Sarjana - Strata 1
  • Program Ekstensi - Strata 1

Akuntansi

  • Program Pasca Sarjana Ilmu Akuntansi - S3
  • Program Pasca Sarjana Ilmu Akuntansi - S2
  • Program Magister Akuntansi
  • Program Sarjana - Strata 1
  • Program Ekstensi - Strata 1

Ilmu Pengetahuan Budaya[sunting | sunting sumber]

Fakultas Ilmu Pengetahuan Budaya Universitas Indonesia iku salah siji fakultas ing sangisoré Universitas Indonesia sing mligi nggegulang kawruh budaya ing tataran pendhidhikan sarjana, magister, lan dhoktoral, sarta pengelolalaan lembaga-lembaga panelitèn sing kagandhèng marang bidang studi kasebut.

Program Akademik[sunting | sunting sumber]

Fakultas Ilmu Pengetahuan Budaya Universitas Indonesia nyadiakaké program akademik :

  1. Program Sarjana Reguler (S1)
  2. Program Sarjana Kelas Paralel (S1)
  3. Program Sarjana Ekstensi (S1)
  4. Program Magister (S2)
  5. Program Doktoral (S3)

Program Studi S1 nyakup:

  1. Program Studi (PS) Bahasa dan Kebudayaan Korea
  2. Program Studi Belanda
  3. PS Ilmu Arkeologi
  4. PS Ilmu Filsafat
  5. PS Ilmu Perpustakaan dan Informasi
  6. PS Arab
  7. PS Sejarah
  8. PS Cina
  9. PS Jawa
  10. PS Indonesia
  11. PS Inggris
  12. PS Jepang
  13. PS Jerman
  14. PS Rusia
  15. PS Prancis

Program Pascasarjana (S2 lan S3):

  1. Ilmu Arkeologi
  2. Ilmu Filsafat
  3. Ilmu Linguistik
  4. Ilmu Susastra
  5. Ilmu Perpustakaan
  6. Ilmu Sejarah

ISIP[sunting | sunting sumber]

Fakultas Ilmu Sosial dan Ilmu Politik utawa dicekak FISIP UI sacara kelembagaan minangka pérangan saka Universitas Indonesia. Wektu iki FISIP UI dipimpin déning Prof. Dr. Bambang Shergi Laksmono kanggo mangsa bakti 20082012.

Fakultas iki diadegaké taun 1968 lan minangka salah siji fakultas kanthi gunggung program studi lan mahasiswa sing paling akèh ing Universitas Indonesia amarga wiwit madeg nganti taun 2005, FISIP UI tuwuh ngrembaka lan nduwèni 8 Departemen, 35 program studi kanthi 52 program kekhususan, lan gunggung jumlah mahasiswa 7912 [4].

Program studi[sunting | sunting sumber]

Sawetara program studi sing ana ing Fakultas Ilmu Sosial dan Ilmu Politik Universitas Indonesia:


Lambang[sunting | sunting sumber]

Bagéan-bagéan jroning lambang UI

Lambang Univèrsitas Indonésia kapérang saka rong unsur, yaiku wit mawa pang-pangé, lan makara. Gagasan dhasar wangun lambang Univèrsitas Indonésia iku kala-makara. Kala iku kakuwatan saka ndhuwur (Srengéngé), sauntara makara iku kakuwatan saka ngisor (Bumi). Kaloro kakuwatan iku banjur dipadhukaké lan distilir déning Sumaxtono[5], mahasiswa Angkatan 1951 Seni Rupa Fakulteit Teknik Universiteit Indonésia, dadi makara sing nglambangaké Univèrsitas Indonésia sing èlmu lan karyané nyebar menyang saindhenging donya.

Wit kalebu pang lan kuncup nglambangaké witing èlmu kawruh kanthi pang-pang èlmu kawruhé, sauntara kuncup kasebut sawijining wektu bakal megar lan dadi pang èlmu kawruh anyar. Kuncup-kuncup iku bakal tansah megar sakwéné witing èlmu kawruh iku urip. Kanthi mangkono, Sumaxtono péngin nélakaké yèn pang-panging èlmu kawruh bakal ngrembaka selaras karo kabutuhan lan majuning jaman.

Makara sing ngilèkaké banyu nglambangaké asil sing mancar menyang kabèh arah. Makna sing diwènèhaké Sumaxtono yaiku Univèrsitas Indonésia minangka sumber èlmu kawruh, bakal ngasilaké sarjana-sarjana sing lantip, trampil, kebak katakwaan, nduwèni budi luhur, lan duwé kapribadèn, sarta duwé sikap binuka, tanggap marang owah-owahan lan majuné èlmu lan tèknologi sarta masalah sing diadhepi masarakat, lan bisa ngrampungaké selaras karo kaidah-kaidah akadhemik, ing ngendi waé sarjana-sarjana mau mapan.

Rancangan dhesain kalebu maknané diweruhké déning Sumaxtono marang Srihadi (mahasiswa Seni Rupa FT-UI, Bandung Angkatan 1952) nalika taun 1952. Nanging, ora dikawruhi kapan lan sapa sing ngesahaké lambang UI kasebut.

Buku pisanan sing migunakaké lambang Univèrsitas Indonésia ing samaké kanggo kaping pisanané yaiku buku Universiteit Indonesia, Fakulteit Teknik, Bandung: Rentjana Untuk Tahun Peladjaran 1952-1953 (Pacithakan AID, Bandung, 120 kaca)


Lagu[sunting | sunting sumber]

Ing ngisor iki lirik lagu wajib ing Universitas Indonesia. Lagu-lagu iki biasa ditembangaké ing acara-acara resmi universitas, kayata panyambutan mahasiswa anyar (maba), lan wisuda.

Hymne Almamater
Cipta: H.S. Mutahar

Almamaterku setia berjasa
Universitas Indonesia
Kami wargamu
Bertekad bersatu
Kami amalkan tridharmamu
Dan Mengabdi Tuhan
Dan mengabdi bangsa
Dan Negara Indonesia


 

Genderang Universitas Indonesia
Universitas Indonesia universitas kami
Ibukota negara pusat ilmu budaya bangsa
Kami mahasiswa pengabdi cita
Ngejar ilmu pekerti luhur tuk nusa dan bangsa

Semangat, lincah, gembira[6]
Sadar bertugas mulia
Berbakti dalam karya
Mahasiswa

Universitas Indonesia perlambang cita
Berdasarkan pancasila dasar negara
Kobarkan semangat kita demi ampera

Catatan sikil[sunting | sunting sumber]

  1. ^ statistik, per Maret 2007
  2. ^ [1] Peta Kampus Salemba.
  3. ^ [2] Peta Kampus Depok.
  4. ^ Profil Singkat FISIP UI dari Situs Resmi - diakses September 2008
  5. ^ Jeneng asliné iku Sumartono.
  6. ^ Biyèn, lirik lagu baris iki "Buku, pesta, dan cinta"


Website[sunting | sunting sumber]