Menyang kontèn

Arwana asia

Saka Wikipédia Jawa, bauwarna mardika basa Jawa
Arwana Asia
Super red arowana
Klasifikasi ngèlmiah
Karajan: Animalia
Filum: Chordata
Klas: Actinopterygii
Ordho: Osteoglossiformes
Famili: Osteoglossidae
Génus: Scleropages
Spésies: S. formosus
Additional species disputed (see text)
Jeneng binomial
Scleropages formosus
Müller and Schlegel, 1844

Iwak Arwana kang jeneng latinè (Scelopages Formosus) ya iku iwak kang uripè asli ana kali ing Pulo Kalimantan lan Papua.[1] Iwak iki misuwur kanthi jeneng iwak naga ''dragon fish'', barramundi, Saratoga, pla tapad, kelesa, siluk, kayangan, peyang, tangkeleso, lan aruwana utawa arowana.[1]. Iwak iki duwé wujud kang kas kang katon gagah, sithik angkuhè, dijangkepi déning sungut lan sisik kang gedhé kang ndadèkakè dadi katon sangar lan nyengsemakè ati.[1].

Mula akèh kang ngarani dragon fish utawa iwak naga.[1] Panggonan uripè kang asli lan alami ya iku ana ing pinggir kali kang ana witè engkana, putat, rasau, lan entagis kang oyotè tekan ngisor njero banyu, batang lan godhong-godhongè ngrembaka.[1]. Ing Pulo Kalimantan ana Kabupatèn Kapuas Hulu, Kacamatan Slimbau, ing rawa lan dhasaranè lemah kang ana blethokè.[1]. Ana Sumatera Selatan manggonè ing rawa kang dhasar lemahè gambut.[1].

Jinis iwak arwana ing Asia

[besut | besut sumber]
  1. Arwana Ijo saka Viètnam, Thailand, lan Malaysia
  2. Arwana Emas saka Malaysia lan
  3. Buntut Abang saka Nagara Indonèsia. Kalbar warna abang, Sumsel warna ijo putih.[1].

Saliyanè iku uga ana Arowana Banjar Rèd, Arowana Bin/Pino, Arowana Jardini (spésies asli saka Irian), lan Arowana Silver Brazil.[2]

Iwak hoki ana kang percaya iwak Arwana iki ndadèkake sapa kang duwè dadi beja, marakake sugih, kanthi duwé ciri kang mirunggan reganè bisa banget larangè ngati atusan yuta rupiyah.[1] Iwak arwana iki kalebu iwak primitif akèh kang nemu fosile kang kurang luwih 10-60 kapungkur, lan wis èvolusi sepuluh yuta taun luwih.[3] Pangananè iwak arwana ya iku: iwak cilik, kodok urang-urang, coro, jangkrik, lan klabang.[3] Iwak iki kalebu ing salah sijiné kulawarganè Ostèoglasidaè (kulawarga iwak kang ilatè duwé balung), ing dhasarè cangkemè awujud balung kang kanggonè padha karo untu.[4] Salah sijiné iwak arwana kang saiki meh langka ya iku jinis arwana asia (Scleropages formosus). Spesies iki duwé awak kang dawa, kanthi sirip duburè kang dawa adoh memburi awakè.[4] Arwana asia iki duwé warna kepèrak-pèrakan, lan duwé rega èkonomi kang dhuwur, ing kolèktor fèng shui gelem bayar larang.[4]

Umurè iwak arwana iki manut panggonan uripè.[2] Yèn ta ana ing akuarium, bisa urip nganti 25 taun, nanging yèn ta urip ana kolam bisa nganti 60-70 taun.[2]

Agus H. Tjakrawidjaja, ya iku wong kang neliti lan mbudidaya iwak arwana kanggo Program Widya dan Teknologi di Daerah (Iptekda) nuturakè yèn ta kepèngin iwak arwana bisa dawa umuré kanthi pasa.[5] "Ikan arwana kudu dipasakè, supaya bisa njaga stabilitas abot awakè saéngga bisa luwih dawa umurè.[5] Pakan iwan arwana kang paling apik ya iku kodhok kang sakdriji jenthikè wong dèwasa, utawa bisa uga iwak Mas, lan usus pitik.[5] Siji iwak indukan diwènèhi rong kodhok sadinanè kaping pindho.[5] Aturanè sadina mangan, sadina pasa. Yèn diwènèhi mangan kang kerep iwakè bakal rikat lemu, ora payu kaadol.[5] Manawa lemu uga bisa nyiksa iwake amarga ana lemak kang mbunteti kanthong amabeganè bajur bisa marakakè iwak angèl obahakè awakè.[5]

Iwak arwana
Super Red

Cathetan suku

[besut | besut sumber]
  1. ↑ a b c d e f g h i Asti, Badiatul Muchlisin. 2008. Rupa fakta Unik, Menarik, dan Menakjubkan di Dunia Binatang (Lengkap, Praktis, dan dipirantèni Ilustrasi Menarik) Jogjakarta: Diva Press, kaca: 184-187
  2. ↑ a b c [1] (Kaundhuh tanggal:10 April 2011)
  3. ↑ a b [2] (Kaundhuh tanggal 8 April 2011)
  4. ↑ a b c [3] Archived 2016-03-04 at the Wayback Machine. (Kaundhuh tanggal: 10 April 2011)
  5. ↑ a b c d e f [4] Archived 2010-04-28 at the Wayback Machine. (Kaundhuh tanggal 21 April 2011)


Dijupuk saka "https://jv.wikipedia.org/w/index.php?title=Arwana_asia&oldid=1655016"