Coro

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, golèk
Coro
Blaberus giganteus
Klasifikasi èlmiah
krajan: Animalia
filum: Arthropoda
kelas: Insecta
Subkelas: Pterygota
Infrakelas: Neoptera
Superorder: Dictyoptera
ordo: Blattodea
Famili

Blaberidae
Blattellidae
Blattidae
Cryptocercidae
Polyphagidae
Nocticolidae

Coro kalebu srangga utawa kewan kang diwedeni, ora karana rupane kang medeni ananging karana coro ndadekake panggonan reged lan ora sehat.[1] Coro kalebu kewan kang paling tua ing donya kang asale saka jaman purba.[1] Coro nduweni habitat meh ing saindenging donya kejaba kutub utara.[1] Coro duwe awak kang bisa tahan ing werna-werna kahanan lan bisa mlayu kanthi lincah.[1] Kewan coro iki jinise akeh, kurang luwih nganti ewonan spesies.[1]

Coro utawa asring kasebut sakjroning basa Indonésia karan jeneng kecoa iku kagolong jenis insèkta saka ordo Blattodea kurang luwih ana 3.500 spesiés saka 6 familia.[2] Coro bisa urip ana ing tlatah donya ing bumi iki khususé iklim tropis, nanging ora bisa urip ana ning tlatah kutub utawa panggonan sing adhem (anyep/anyes), apa manèh mangsa adhem amarga ora bisa gawé anget awaké.[2] Coro biyasané urip ana ing panggonan kang lembab lan reged, kayata: larahan, gudhang, lemari klambi, kandhang sapi, bèbèk pitik lan ing tumpukan gombal-gombal amoh (sandhangan tilas).[2]

Ing antara spesiés kang paling misuwur yaiku coro Amerika, Periplaneta americana, kang ndhuwèni dawa 3 cm, kecoa Jerman, Blattella germanica, dawané ±1½ cm, lan kecoa Asia, Blattella asahinai, dawané kurang luwih 1½ cm.[2] Coro asring dianggep ama ing bangunan, kandhang, kamar, pawon.[2] Coro urip ing donya wis 300 taun kapungkur. Coro nduwe jeneng liya lipas kang asring dikelompokake karo jangkrik (Ordo Orthoptera) utawa walang.[3] Coro kang akeh urip ing pemukiman yaiku Periplaneta americana (kecoa amerika) dan Blatella germanica (kecoa jerman), Periplaneta australasiae (kecoa australia), P. brunnea (kecoa coklat), Neostylopyga rombifolia, Nauphoeta cinerea] dan Symploce sp, meskipun keberadaannya jarang.[3]


Bab lan Paragraf

[sunting] Dasanama

Dasanamane kecoa:[1]

  1. Kecoa
  2. Roach
  3. Cockroach
  4. Lipas

[sunting] Coro kewan kang diwedéni

Panyebab kang ndadékaké coro dadi kéwan kang diwedéni yaiku:[1]

  • Rusoh utawa kotor, awit coro uripé ing panggonan kang lembab lan peteng, kayata got, sampah, ngisor lemari. Coro uga marakake penyakit.
  • Sikilé landhep.
  • Mlakuné cepet lan kesit.
  • Werna utawa kelire peteng.
  • Mripaté siji, uga nduwe anténa kang gawé keri.
  • Mangané regedan utawa sampah lan panganan bosok nganti garing.
  • Ngetokke kotoran lan ngendhog ing saenggon-enggon kang angél ditemokaké.

[sunting] Mateni coro

Cara mateni cara antarane:[1]

  1. Disemprot obat utawa insèktisida anti serangga.
  2. Nganggo kapur anti kecoa lan semut.
  3. Nganggo lém tikus.
  4. Dijebak nganggo jebakan kecoa.
  5. Dikepruk nganggo kayu lan dipecak nganggo sikil.

[sunting] Béda panggonan béda jinis

Coro jinisé dibedakaké manut karo awaké.[2] Coro kang ana ing omah-omah umumé dibedakaké dadi loro yaiku coro amerika/ American cockroach (periplaneta Americana) lan coro Jerman/German cockroach (Blattela Germanica).[2] Coro amerika biyasane urip ing papan kang peteng lan lembab, dene coro jerman seneng uruip ing panggonan kang akeh panganane kayata pawon, lemari makan utawa plafon omah.[2]

[sunting] Otak Coro Ngandhut Antibiotik

Nadyan kewan iki dianggep kewan kotor, nanging para ilmuwan bisa manfaatké kewan iki.[4] Daily Mail nguji lan nemokaké yèn ing jaringan otak lan sistem saraf serangga bisa maténi 90 persen luwih infeksi MRSA lan E-coli tanpa maténi sèl manungsa.[4]

Simon Lee, peneliti saka pascasarjana University of Nottingham ngandaraké yen coro nduwé sifat antibiotik kang kuwat sawise nemokaké 9 molekul kang béda ing jaringan awaké coro kang bisa maténi bakteri.[4] Miturut Kee antibiotik iki bisa kanggo alternatif kanggo obat amarga ora ana efek sampingé, beda kaya obat-obat saiki kang nduweni efek samping.[5]

[sunting] Struktur Awak Coro

Awak coro bentuké oval utawa lonjong (pipih dorsoventral, ukurané kurang luwih 1-5 cm. Coro nduwe lapisan kulit luar kang diarani integumen.[3] Integumen iku kulit kaya elar kang alus lan wernane coklat nom utawa tuwa, kulit iki manggon ing awaké coro kang paling njaba.[3]Coro nduwé sikil kang kuwat lan nduwé sepasang anténa, uga cangkem kanthi untu geraham kang kuwat.[3] Lar utawa sayape ana rong pasang, lar kang kapindho iki kalebu lar kang kuwat, dene pasangan lar kapisan gunané kanggo nglindungi lar kang diaranitègmina.[[Tègmina luwih kaku lan kuwat kang bisa njaga awak saka dehidrasi.[3]

[sunting] Chatetan suku

  1. ↑ a b c d e f g h (id)[1](dipunundhuh tanggal 5 April 2011)
  2. ↑ a b c d e f g h (id)[2](dipunundhuh tanggal 6 April 2011)
  3. ↑ a b c d e f (id)[3](dipunundhuh tanggal 6 April 2011)
  4. ↑ a b c (id)[4](dipunundhuh tanggal 6 April 2011)
  5. ↑ (id)[5](dipunundhuh tanggal 6 April 2011)

[sunting] Pranala njaba

Logo Wikimedia Commons
Pirsani galeri bab Coro ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Coro&oldid=651645"
Piranti pribadi
Ruang jeneng

Varian
Tindakan
Pandhu Arah
kothak piranti
Basa sanès