Usus kosong

Saka Wikipédia Jawa, bauwarna bébas abasa Jawa
Diagram usus alus (kanthi labèl small intestine)

Usus kosong utawa jejunum (sok asring ditulis yeyunum) iku pérangan kapindho saka usus alus, ing antarané usus rolas driji (duodenum) lan usus panyerepan (ileum). Dawané kabèh usus alus ing manungsa diwasa antarané 2-8 mèter, 1-2 mèter iku pérangan usus kosong. Usus kosong lan usus panyerepan digantungaké ing njeron awak kanthi mesenterium.

Permukaan njero usus kosong arupa membran mukus lan ana jonjot usus (vili), sing miyaraké lumah usus. Sacara histologis bisa dibédaaké karo usus rolas driji, ya iku saya kurangé kelenjar Brunner. Sacara hitologis uga bisa dibédaaké karo usus panyerepan, ya iku sithikké sel goblet lan plak Peyeri. Rada angél kanggo mbédaaké usus kosong lan usus panyerepan kanthi makroskopis.

Jejunum diturunaké saka tembung sipat jejune kang ateges "ngelih" ing basa Inggris modhérn. Teges asliné asalé saka basa Laton, jejunus, kang ateges "kosong".

Pranala njaba[besut | besut sumber]