Tasya

Saka Wikipédia Jawa, bauwarna mardika basa Jawa
Tasya Kamila
Tasya Kamila
LairShafa Tasya Kamila
(1992-11-22) Novèmber 22, 1992 (umur 31)
Jakarta, Indonesia
BangsaIndonesia
Jeneng liyaTasya Kamila
PakaryanPenyanyi, Artis, Presenter
Dhuwur153 cm (5 ft 0 in)

Shafa Tasya Kamila utawa kang lumrahé diundang Tasya Kamila lair ing Jakarta, 22 Novèmber 1992; umur 31 taun).[1] Wiwit populer nalika dadi bintang iklan Pepsodent lan nggawé album kang judhulé Libur Telah Tiba.[1]

Karir[besut | besut sumber]

Tasya Kamila wiwit lumebu ing donyaning hiburan Indonésia wiwit isih sekolah ing Taman Kanak-kanak.[1] Wektu iku Tasya ditawani dadi bintang iklan karo salah sijiné ibu.[1] Wiwit iku Tasya banjur ditawani salah sijiné biro iklan. Sawisé casting, Tasya éntuk kontrak kanggo dadi bintang iklan ing prodhuk susu.[1] Wiwit iku, tasya terus dadi bintang iklan ing prodhuk asuransi, Department store, Keju, Pasta Gigi Permen, lan wedhak.[1] Taun 1998, anak bungsu saka sadulur kang cacahé telu iki éntuk kontrak eksklusif saka prodhuk odhol.[1] Tasya iku anak saka pasanganGatot Permadi lan Isverina.[1] Saka iklan iki Tasya banjur ditawani main sinétron.[1] Ing taun 1998 Tasya main ing sinétron kang judhulé Takdir.[1] tasya banjur main ing filem kang disiyaraké ing tivi.[1] Film iki judhulé Kupu-kupu Ungu lan Nyanyian Burung.[1] Sinetron liyané kang tau dibintangi Tasya ya iku sinétron kang judhulé Matahariku, Tasya lan Jangan Menangis Adinda.[1]

Sanajan sibuk syuting iklan lan sinétron, Tasya isih ngusahakaké supaya Tasya bisa lés nyanyi ing Bina Vokalia, lan sekolah vokal kang dikelola Elfa Secioria.[1] Sawisé iku ing taun 2000 Tasya banjur éntuk kasempatan rekaman.[1] Album perdanané ya iku Libur Tlah Tiba, kang duwé lagu andalan kang judhulé pada karo judhul albume ya iku "Libur Tlah Tiba" karangané A.T Mahmud.[2] Album kang sepisanan bisa kadol 350 èwu kopi.[2] Sawisé sukses ing albumé kang sepisanan Tasya banjur nggawé album kang nomer loro kang temané Gembira Berkumpul.[1] Album iki digawé nalika taun (2001).[2] Ing album iki Tasya isih kolaborasi karo AT. Mahmud lan Duta (Sheila on 7) ing lagu kang dikarang Eross.[2] Lagu iki judhule "Jangan Takut Gelap".[2]

Taun 2005, Tasya nggawé album The Very Best of Tasya kang isiné 14 lagu kang paling apik saka album-albume Tasya.[3] Lagu iki kaya ta "Anak Gembala", "Barisan Musik", "Jangan Takut Akan Gelap", hingga "Paman Datang".[3]

Tasya bareng karo Ricky Subagja, Marshanda, Dian Nitami, lan Farhan, nalika tanggal 20 Juni 2007 resmi diangkat dadi 'Duta Kampanye Minum Susu'.[4] Lan ana kang ngabaraké yèn Tasya nduwéni pipi kang chubby amarga ngedhot.[5]

Cathetan suku[besut | besut sumber]

  1. a b c d e f g h i j k l m n o p Profil ing KapanLagi.com (dipunundhuh tanggal 9 Juli 2011)
  2. a b c d e Gembira Berkumpul Bersama Tasya (dipunundhuh tanggal 9 Juli 2011)
  3. a b The Very Best Of(dipunundhuh tanggal 9 Juli 2011)
  4. Duta Minum Susu (dipunundhuh tanggal 9 juli 2011)
  5. Tasya: Chubby Karena Ngedot(dipunundhuh tanggal 9 Juli 2011)