Odhol

Saka Wikipédia Jawa, bauwarna bébas abasa Jawa
Odhol

Odhol utawa ing basa Indonésia pasta gigi nuduhake barang kanggo sarana reresik untu. Odhol ngandhut deterjen kanggo ngilangi regedan sisa dhaharan utawa plak.

Sajarah Odhol[besut | besut sumber]

Merek Odhol sing kawiwitan mlebu lan kondang ing Indonésia iku nganggo merk ''Odol'', mula wong-wong saindenging Indonésia nganti tumeka jaman saiki yèn ngarani pasta gigi iku odhol. Miturut literatur odhol cinipta déning priyayi Jerman 'Karl August Lingner ing Dresden Jerman. Ing wektu iku 1892 Chemical Laboratory Lingner, mroduksi Odhol mouthwash lan ing taun 1900an produk reresik untu lan tutuk iki kawentar lan di anggo saindenging Éropah.

aneng peradaban, sarana reresik untu wis di kenal wiwit 5000 taun kepungkur. Jaman Mesir Kuna masyarakat ing kana gawé odhol sak kuku sapi lanang sing di gerus, tepung, watu apung lan lebu saka kulit endhog sing di besmi. Dene ing wewengkon Pèrsi, kira-kira 1000 taun kepungkur gawé bahan saka tetuwuhan lan godhong-godhongan kanggo gawé odhol kang wujud bubuk.

Karl August Lingner[besut | besut sumber]

panjenengane miyos tanggal 21 Desember 1861, ing Magdeburg Jerman. Bapake Lingner ngasta usaha dagang. Panjenengane nate ngasta pagawéyan minangka asisten toko klontong, taun 1883 panjenengane tindak nagara Prancis gladhi musik, nanging ora nemoni asil kang maremake. Taun 1885 panjenengane kondur menyang nagara asale Jerman ngasta pegawéyan juru tulis ing perusahaan konveksi Seidel and Nauman. Taun 1892 Lingner kongsi karo dr. Richard Seifert (1861-1919), panjenengane ngasta minangka tenaga pemasaran obat antiseptik. Pengalaman minangka tenaga pemasaran lan pengetahuan bab bakteorologi diwujudake Lingner kanthi mroduksi obat reresik tutuk kanthi merek Odol (Odus, Tooth, And Oleum Oil). Kejaba iku, Lingner uga mujudake tokoh keséhatan higienis. Panjenengane ngarsani badan nirlaba, kang konsen ing higienitas. kawiwitan kanthi pameran Volkskrankheiten (1903), lan pameran internasional tahun 1911. Panjenengane mrakarsani badan-badan kang konsen ing keséhatan, the children health center with baby home ing Johannstadt (1897), griya saras bayi kang kapisanan ing dunya tahun 1898, the central office for tooth hygiene (1900), the public central office for disinfection (1901), the desinfektorenschule (1902), the dresdens readresounds (1902) lan German Hygiene Museum (1912). Karl August Lingner marak ngarsa Gusti tanggal 5 Juni 1916, sawise operasi kanker, sadurunge panjenengane bisa mriksani eropa kang maujud dadi nagara kang tentrem[1]

Bahan Odhol[besut | besut sumber]

  • Fluoride, bahan kanggo nguatke email utawa lapisan untu lan nyegah untu busuk.
  • abrasive, bahan kanggo nyirnakake kotoran kang nemplek ing untu.
  • Humectants, bahan supaya kandhutan banyu ing odol ora ilang (glycerol, Propylene, glycol, lan sorbitol).
  • zat rasa utawa Flavoring Agents, bahan supaya odol nduwèni rasa manis, pedes (mint), (sacharine).
  • Deterjen, zat kang ngasilake busa utawa foam (lauryl sulfate, sodium N-lauryl sarcosinate).
  • zat pengental utawa Thikening Agents, bahan kanggo njaga formulasi odol (mineral colloids, natural gums, seaweed colloids utawa synthetic cellullose).[2]
  • Triclosan, bahan kanggo nyegah bakteri.[3]

Cathetan Suku[besut | besut sumber]

  1. ^ [1](Dipuntingali tanggal 07 Mei 2011)
  2. ^ [2](Dipuntingali tanggal 16 Mei 2011)
  3. ^ [3](Dipuntingali tanggal 16 Mei 2011)
Sumber artikel punika saking kaca situs web: "https://jv.wikipedia.org/w/index.php?title=Odhol&oldid=1073856"