Tadamichi Kuribayashi

Saka Wikipédia Jawa, bauwarna bébas abasa Jawa
Tadamichi Kuribayashi
7 Juli 1891 - 23 Maret 1945
Papan kelairan Prefektur Nagano, Jepang
Papan pesaréan Iwo Jima, Jepang
Pengabdian tumrap Kekaisaran Jepang
Dines/cawang Flag of Japan.svg Angkatan Darat
Suwéné dines 1914 - 1945
Pangkat Jenderal
Kesatuan Divisi ke-109, Ogasawara Army Group
Perang Perang Donya II (Pertempuran Hong Kong, Pertempuran Iwo Jima)
Penghargaan Order of the Rising Sun with Gold and Silver Star (kelas ke-2),
Order of the Rising Sun Gold Rays with Neck Ribbon (kelas ke-3),
Order of the Sacred Treasure

Tadamichi Kuribayashi (栗林忠道, 7 Juli 1891-23 Maret 1945) ya iku perwira tinggi saka Jepang nalika Perang Donya II kang misuwur ing Pertempuran Iwo Jima.[1] Tugase mertahanake pulo cilik, kang dimandhatake déning Jenderal Hideki Tojo. Sajeroning pertempuran iki dhèwèké mandhegani kurang luwih 20.000 prajurit tanpa panyengkuyung angkatan udara lan laut nglawan 100.000 prajurit Amérika Sarékat. Arep sakabehing prajurit tempur nganti titik darah penghabisan, mung 296 prajurit kang nyerah. Dhèwèké dilaporake nglakoni seppuku nalika detik-detik terakhir tibane pulo iku ing tangan mungsuh.[2]

Uripe[besut | besut sumber]

Kuribayashi lair ing perfektur Nagano saka kulawarga samurai lan duwé turunan bangsawan. Dhèwèké ya iku kepala kulawarga kang apik, saben wektu sisané dientekake bareng kulawargane. Nalika dines, dhèwèké mesthi tetep njaga komunikasi karo kulawargane sanajan leté adoh. Kuribayashi tau sinau ing Kanada lan tugas rong taun minangka deputi militèr Jepang ing Washington DC. Dhèwèké kerep nglakoni lelungan adoh ing pirang-pirang panggonan ing Amérika Sarékat. Perjalanan ini ndadèkaké dhèwèké luwih ngerti babagan nagara iku lan uga éntuk respek saka wong Amérika. Miturute, perang modern bakal akèh kang kaprabawan saka prodhuksi indhustri. Dhèwèké tau ngandharake panemune iki ing ngarep kanca-kancane yèn perang karo Amérika bakalan sia-sia amarga Amérika duwé indrustri kang kuwat. Panemu iki ditentang keras déning kaum militèr Jepang. Sanajan pandhangane cukup kontroversial, dhèwèké ora salah siji prawira kang tau éntuk kasempatan audhisi karo Kaisar Hirohito. Saliyané minangka pandhega militèr, Kuribayashi uga duwé bakat sastra, karyane ya iku syair Aikoku Koshin Kyoku (Lagu Cinta Tanah Air).

Cathetan sikil[besut | besut sumber]

  1. ^ Tadamichi Kuribayashi; Kazutoshi Hando (2006). 栗林忠道 硫黄島からの手紙. Tokyo: Bungeishunjū. ISBN 4163683704. OCLC 77551976.
  2. ^ Kuribayashi, Tadamichi; Yoshida, T. (1992). Gyokusai Soshireikan" no Etegami (Picture Letters from Commander in Chief). Tokyo: Shogakukan. ISBN 4-09-402676-2.