Iwo Jima

Saka Wikipédia Jawa, bauwarna bébas abasa Jawa
Iwo Jima
Native name: 硫黄島
Iwo jima location mapSagredo.png
Lokasi Iwo Jima ing Samodra Pasifik
Géografi
Pernah Samodra Pasifik (Laut Filipina)
Koordhinat 24°47′N 141°19′E / 24.783°N 141.317°E / 24.783; 141.317
Kapuloan Kapuloan vulkanik
Titik dhuwur dhéwé Gunung Suribachi[1]
Administrasi
Subprefektur Subprefektur Ogasawara
Dhémografi
Cacah jiwa Ora ana padunung sipil (mung personèl militèr)
Citra satelit Iwo Jima (2000)

Iwo Jima (basa Jepang: 硫黄島 Iōtō, utawa Iōjima, tegesé "pulo lirang") iku pulo vulkanik ing Jepang, pérangan saka Kapuloan Ogasawara. Pulo sing ana ing ±650 mil laut (1200 km) kidul Tokyo (24,754° LU, 141,290° BT) iki misuwur minangka papan dumadiné paprangan nalika sasi Februari lan Maret 1945 antarané Jepang lan Amérika Sarékat nalika Perang Donya II.

Kanthi wiyar ±21 km², lumahing Iwo Jima sacara umum rata. Gunung Suribachi (utawa Suribachiyama) arupa bentang alam sing paling dhominan ing pulo iki kanthi kadhuwuran 166 m.

Pangkalan Udara Angkatan Laut[besut | besut sumber]

Angkatan Laut Jepang utawa Japan Maritime Self-Defense Force (JMSDF) ngoperasikaké sawijining pangkalan udara angkatan laut ing Iwo Jima kanthi dawa landhesan nganti 2.650 meter lan amba 60 meter. Kodhe sing diwènèhaké ICAO kanggo pangkalan udara ing Iwo Jiwa iki ya iku RJAW, sauntara kodhe sing diwènèhaké IATA iku IWO.

Angkatan Laut Jepang duwé tugas kanggo nyengkuyung lan ngendhalèkaké lalu-lintas udara, pangisian bahan bakar, lan nglakokaké misi panylametan. Pangkalan ing Iwo Jima uga dipigunakaké déning Angkatan Udara lan Angkatan Dharat Jepang. Malah, Angkatan Laut Amérika Sarékat mèlu mupangataké pangkalan iki kanggo sapérangan kagiyatan kaya déné latihan pendharatan wayah wengi.

Réferènsi[besut | besut sumber]

Pirsani uga[besut | besut sumber]

Pranala njaba[besut | besut sumber]