Gunung Suribachi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gunung Suribachi

Gunung Suribachi (摺鉢山 Suribachiyama?) (jeneng liya: Paipuyama utawa Gunung Pipe; basa Inggris: Mount Suribachi) iku gunung geni[1] tipe krucut piroklastik saka watu andesit sing dhuwuré 169 mèter. Dunungé ing bagéan kidul-kulon Iwo Jima, sawijining pulo sing dumunung ing 1.200 km kidulé Tokyo.

Wiwit taun 1889, pamaréntah Jepang nyathet gunung iki wis njeblug kaping 16. Jeblugan sing pungkasan kedadéyan taun 1957. Jeblugan watara 65 menit, lan nyiptakaké kawah kanthi diamèter 35 mèter lan jeroné 15 mèter ing cedhak tilas landhas pacu peninggalan Perang Donya II.[1]

Sajarah[sunting | sunting sumber]

Tugu pèngetan perang Korps Marinir Amérika Sarékat ing Makam Pahlawan Arlington

Wangun gunung iki kaya mangkok kanggo ngalusaké panganan (suribachi) sing mengkurep saéngga disebut Gunung Suribachi. Jeneng liyané yaiku Gunung Pipe amarga saka gunung iki ngetokaké keluk lan gas, lan katon kaya oncé sing pinuju kumepul.

Gunung iki dadi seksi pertempuran Iwo Jima sing ngakibataké akèh kurban ing pihak Amérika Sarékat lan Jepang. Iwo Jima minangka markas tentara Jepang, lan dipertahanaké mati-matian amarga karebuté Iwo Jima ateges kekalahan tumrap Jepang. Ing Gunung Suribachi, prajurit Jepang gawé jaringan guwa ngisor lemah kanggo ndhelikaké mriem-mriem kalibèr gedhé, antara liya mriem kalibèr 20 cm. Nanging, pemboman kapal perang angkatan laut Amérika Sarékat ngajuraké kabèh posisi mriem Jepang.


Rujukan[sunting | sunting sumber]

  1. ^ a b Fisherl, Richard Virgil; Grant Heiken, Jeffrey B. Hulen (September 1997). Volcanoes: Crucibles of Change. Princeton University Press. ISBN 0-6910-0249-5.

Pranala jaba[sunting | sunting sumber]

Cithakan:Jepang-geo-stub

Sumber artikel punika saking kaca situs web: "http://jv.wikipedia.org/w/index.php?title=Gunung_Suribachi&oldid=829623"