Soetjipto Joedodihardjo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Soetjipto Joedodihardjo

Soetjipto Joedodihardjo (lair ing Jember, Jawa Timur, 27 April 1917 – pati 26 Maret 1984 ing umur 66 taun) inggih punika Kepala Kapulisèn Nagara Républik Indonésia saking 9 Mèi 1965 dumugi 8 Mèi 1968.[1]

Joedodihardjo miyos wonten ing kutha Jember, nalika tanggal 27 April 1917. Nalika taksih alitipun, piyambakipun sinau wonten ing HIS, KAE, MULO lan namataken Mosvia rikala taun 1939.

Soetjipto lajeng dados ambtenaar (punggawa nagari) kanthi njabat minangka AIB Tanggul/Besuki (1939). Lajeng AIB wonten ing kutha miyosipun, Jember, taun 1940. Sasampunipun punika, karieripun lumampah kanthi mantep lan terus minggah. Piyambakipun kanthi turut-turut dados Mantri Pulisi Situbondo (1941), Mantri Pulisi Surabaya (1941), Mantri Pulisi Bondowoso (1942), Mantri Pulisi Kalisat/Jember (1942), lan Itto Keibu Bondowoso (1943). Saking punika, piyambakipun pikantuk gladhen ngèlmu kepulisian wonten ing Taiwan (1944). Setunggaln wulan nyaketi Proklamasi Kamardikan RI, piyambakipun taksih dados Itto Keibu wonten ing Bondowoso.[2]

2 wulan sasampunipun kamardikan Républik Indonésia, rikala tanggal 1 Oktober 1945, Soetjipto dados Inspektur Pulisi Kelas I wonten ing Pasukan Pulisi Istimewa Besuki (1945). Prestasinipun minggah terus, nalika piyambakipun tarik dhateng Surabaya minangka Wakil Komandan Mobrig Pulisi Jawa Timur (1947). Lajeng dados Komandan Mobrig Pulisi Jakarta Raya (1950), Komandan Mobrig Pulisi Jawa Timur (1950), Komisaris Pulisi Kelas I wonten ing Jawatan Kepulisian Nagara (1954), Lektor PTIK (1960), Komandan Komandemen Mobrig Pusat (1960), Asisten II Kastaf Komisaris Jenderal MBPN (1962), Kepala Pusat Pertahanan Sipil (1962).[3]

Nyandhak taun 1962, Soetjipto naté dipunkintun dhateng AS kanggé satunggal sepalih wulan. Lan, taun punika ugi, nalika Indonésia dados tuan rumah Asian Games IV, Komisaris Besar Pulisi Soetjipto dipuntunjuk dados Pimpinan Harian Organizing Committeenya. Tiga taun candhakipun, 1965, piyambakipun dipunangkat dados Kepala Kepulisian Nagara kanggé masa kalungguhan dumugi 1968. Nalika masa kepemimpinan Joedodihardjo punika, wiwit jumeneng Akademi Angkatan Kepulisian (1 Oktober 1965). Nanging, nalika tanggal 16 Dhésèmber 1965, pendidikan akademi punika dipundadosaken satunggal wonten ing salebeting pendidikan ABRI, lan namanipun dados AKABRI Pérangan Kepulisian.

Dados Mantri/Pangak RI[besut | besut sumber]

Masa kepemimpinan Kapolri R. Soetjipto Joedodihardjo kathah kadadosan gejolak. Amargi punika minangka masa transisi sakingè Orde Lama dhateng Orde Baru. Nalika tanggal 9 Mèi 1965, Présidhèn Soekarno nglantik Raden Soetjipto Joedodihardjo dados Mantri/Pangak RI kanthi pangkat Inspektur Jenderal Pulisi.

Nama Departemen Angkatan Kepulisian (Depak) dipunewahi dados Kementerian Angkatan Kepulisian (Kemak). Ewahan punika gegayutan kaliyan wontenipun Dudutan Présidhèn 27 Maret 1966 babagan susunan Kabinet Dwikora ingkang dipunsampurnakaken malih (Dwikora III). Nanging namaipun éwah malih dados Depak, nalika tanggal 21 Agustus 1966. Bab punika dipunpendhet amargi wontenipun pembentukan organisasi Kabinet Ampera. Struktur organisasi kepulisian ugi éwah kaping wola-wali amargi kaanan pulitik nalika punika radi panas.

Jabatanipun minangka Mantri/Panglima Angkatan Kepulisian dipungantosaken déning Drs. Hoegeng Imam Santoso. Lajeng piyambakipun mlebet masa persiapan pensiun. Nalika tanggal 1 November 1972, piyambakipun pensiun saking jajaran kepulisian. Nalika tanggal 26 Maret 1984, Joedodihardjo tilar donya.[4]

Cathetan suku[besut | besut sumber]


Didhisiki déning:
Soetjipto Danoekoesoemo
{{{jabatan}}}
1965–1968
Diganti déning:
Hoegeng Imam Santoso