Hoegeng Imam Santoso
| Hoegeng Imam Santoso | |
|---|---|
 | |
| Kepala Kapulisèn Nagara Republik Indonesia | |
| Linggih 9 Mèi 1968 – 2 Oktober 1971 | |
| Présidhèn | Soeharto |
| Kang sadurungé | Soetjipto Joedodihardjo |
| Kang sawisé | M. Hasan |
| Sekretaris Kabinet Republik Indonesia 2 | |
| Linggih 27 Maret 1966 – 25 Juli 1966 | |
| Présidhèn | Soekarno |
| Kang sadurungé | Abdul Waha Surjoadiningrat |
| Kang sawisé | Moerdiono |
| Rerincèn dhiri | |
| Lair | 14 Oktober 1921 Pekalongan, Jawa Tengah, Hindia Nèderlan |
| Pati | Juli 14, 2004 (umur 82) |
| Sisihan | Merry Roeslani |
| Agama | Islam |
Hoegeng Imam Santoso (lair ing Pekalongan, Jawa Tengah, 14 Oktober 1921 – pati 14 Juli 2004 ing umur 82 taun) inggih punika salah satunggaling tokoh militèr lan kapulisèn Indonésia lan ugi salah satunggaling penandatangan Petisi 50.[1]
Latar belakang
[besut | besut sumber]Piyambakipun mlebet pendidikan HIS nalika yuswanipun angka 6 taun, lajeng kalajengaken dhateng MULO (1934) lan nglamapahi sekolah menengah wonten ing AMS Westers Klasiek (1937). Sasampunipun punika, piyambakipun sinau ngèlmu hukum wonten ing Rechts Hoge School Batavia taun 1940. Rikala masa pendudukan Jepang, piyambakipun ndhèrèk gladhen kemiliteran Nippon (1942) lan Koto Keisatsu Ka I-Kai (1943). Nembe piyambakipun dipunangkat dados Wakil Kepala Pulisi Seksi II Jomblang Semarang (1944), Kepala Pulisi Jomblang (1945), lan Komandan Pulisi Tentara Laut Jawa Tengah (1945-1946). Salajengipun ndhèrèk pendidikan Pulisi Akademi lan makarya wonten ing pérangan Purel, Jawatan Kepulisian Nagara.[2]
Karier
[besut | besut sumber]Taun 1950, Hoegeng ndhèrèk Kursus Orientasi wonten ing Provost Marshal General School wonten ing Military Police School Port Gordon, George, Amérikah Sarékat. Saking punika, piyambakipun njabat dados Kepala DPKN Kantor Pulisi Jawa Timur wonten ing Surabaya (1952). Lajeng dados Kepala Pérangan Reserse Kriminil Kantor Pulisi Sumatera Utara (1956) wonten ing kutha Medan. Taun 1959, ndhèrèk pendidikan Pendidikan Brimob lan dados satunggaling Staf Direktorat II Mabes Kepulisian Nagara (1960), Kepala Jawatan Imigrasi (1960), Mantri luran Nagara (1965), lan dados Mantri Sekretaris Kabinet Inti taun 1966. Sasampunipun Hoegeng pindhah dhateng markas Kepulisian Nagara karieripun minggah terus. Wonten ing mrika, piyambakipun njabat dados Deputi Operasi Pangak (1966), lan Deputi Men/Pangak Urusan Operasi ugi taksih wonten ing taun 1966. Pungkasan, wonten ing 5 Mèi 1968, Hoegeng dipunangkat dados Kepala Kepulisian Nagara (taun 1969, namanipun lajeng éwah dados Kapolri), nggantosaken Soetjipto Joedodihardjo. Hoegeng mungkasi masa jabatanipun nalika tanggal 2 Oktober 1971, lan dipungantosaken déning Drs. Mohamad Hasan.[3]
Penghargaan
[besut | besut sumber]Adedhasar sadaya pengabdianipun dhateng nagara, Hoegeng Imam Santoso sampun pikantuk sajumlah tandha jasa,
- Bintang Gerilya
- Bintang Dharma
- Bintang Bhayangkara I
- Bintang Kartika Eka Paksi I
- Bintang Jalasena I
- Bintang Swa Buana Paksa I
- Satya Lencana Sapta Marga
- Satya Lencana Perang Kemerdekaan (I dan II)
- Satya Lencana Peringatan Kemerdekaan
- Satya Lencana Prasetya Pancawarsa
- Satya Lencana Dasa Warsa
- Satya Lencana GOM I
- Satya Lencana Yana Utama
- Satya Lencana Penegak
- Satya Lencana Ksatria Tamtama.
Cathetan suku
[besut | besut sumber]- ↑ http://kolom-biografi.blogspot.com/2012/05/biografi-hoegeng-pulisi-paling-jujur-di.html[pranala mati permanèn]
- ↑ http://www.tokohindonesia.com/biografi/article/285-ensiklopedi/1334-simbol-keteladanan-polri Archived 2013-09-01 at the Wayback Machine. Tokoh Indonésia
- ↑ "Archive copy". Diarsip saka sing asli ing 2013-05-05. Dibukak ing 2013-02-14.
{{cite web}}: CS1 maint: archived copy as title (link)
| Didhisiki déning: Soetjipto Joedodihardjo |
{{{jabatan}}} 1968–1971 |
Diganti déning: Mohamad Hasan |
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |