Moerdiono
| Moerdiono | |
|---|---|
 | |
| Mantri Sekretaris Nagara Republik Indonesia 4 | |
| Linggih 21 Maret 1988 – 16 Maret 1998 | |
| Présidhèn | Soeharto |
| Kang sadurungé | Sudharmono |
| Kang sawisé | Saadilah Mursjid |
| Rerincèn dhiri | |
| Lair | Agustus 19, 1934 Banyuwangi, Jawa Wétan, Indonésia |
| Sisihan | Maryati Sundari Sukoco Machica Moechtar Poppy Dharsono |
| Anak | Palakrami kaliyan Maryati: Ninuk Mardiana Pambudy Novianto Prakoso Indrawan Budi Prasetyo Baroto Joko Nugroho (alm) Palakrami siri kaliyan Machica Moechtar: Iqbal Ramadhan |
| Agama | Islam |
Moerdiono (lair ing Banyuwangi, Jawa Wétan, 19 Agustus 1934; umur 90 taun) inggih punika tilas Mantri Sekretaris Nagara Républik Indonésia, panjenenganipun njabat ngantos kalih periodhé: Kabinet Pembangunan V (21 Maret 1988-17 Maret 1993) lan Kabinet Pembangunan VI (17 Maret 1993-16 Maret 1998).[1] Moerdiono asring dipuntimbali--Pak Moer--sadangunipun Ordhé Ènggal, nyambut damel ing Sekretariat Nagara minangka pandhampingipun Soedarmono.[1] Panjenenganipun tansah ngati-ati anggénipun maringi katrangan dhumateng pers.[1] Amargi saking pangati-atinipun punika, anggénipun ngendikan kesanipun pedhot-pedhot lan telat mikiripun, kamangka panjenenganipun punika priyantun ingkang tliti sanget.[1] Panjenenganipun kagolong priyantun ingkang ramah lan raket kaliyan kadang wartawan.[1]
Panjenenganipun naté sekolah ing Akademi Papréntahan Dalam Negeri (APDN), Malang ing taun 1957.[2] Salajengipun nglajengaken ing Lembaga Administrasi Nagara (LAN), Jakarta ing taun 1967 lan Wajib Militér, lan pungkasanipun gadhah pangkat Mayor Jendral.[2]
Awit purwanipun jaman Ordhé Ènggal panjenenganipun niti karir ing Sekretariat Nagara minangka pandhampingipun Soedarmono.[1] Dipunwiwiti minangka Staf Sekretariat Nagara ing taun 1966.[1] Salajengipun dados Asisten Mantri Sekretaris Nagara Urusan Khusus (1972).[1] Taun 1981 panjenenganipun pinitados njabat Mantri Sekretaris Kabinét.[1] Nalika Kabinét Pembengunan IV panjenenganipun njabat Mantri Muda Sekretaris Muda (1983-1988).[1] Lajeng dados Mantri Nagara Sekretaris Nagara, kalih periodhé nalika Kabinét Pembangunan V lan VI (1988-1999-1993-1998).[1]
Cathetan suku
[besut | besut sumber]Pranala njawi
[besut | besut sumber]Moerdiono; Tiga Dekade Petinggi Setneg Archived 2011-04-03 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |