Shireen Sungkar

Saka Wikipédia Jawa, bauwarna mardika basa Jawa
Shireen Sungkar

Shireen Sungkar (lair ing Jakarta, 28 Januari 1992; umur 32 taun) iku sawijining aktris Indonesia.[1] Shireen dadi anak nomer loro saka telu sadulur.[1] Bapaké jenengé Mark Sungkar kang uga juru main sinétron.[1] Shireen seneng akting wiwit cilik.[1] Nalika ngeteraké buliké casting ing SinemArt, dhèwèké banjur ditawani main sinétron.[1] Nalika iku Shireen dadi peran pembantu ing sinétron Bukan Diriku bareng karo Baim Wong lann Ririn Dwi Ariyanti.[1] Jenengé wiwit dikenal nalika dhèwèké main ing sinétron Wulan bareng akro Dhini Aminarti.[1] Kajaba iku Shireen uga tau main ing sinétron Putri Duyung lan Perempuan Teraniaya.[1]

Sawisé saka SinemArt, Shireen banjur pindhah ing MD Entertainment lan langsung éntuk peran utama dadi Fitri ing "Cinta Fitri 1 & 2".[1] Sinetron iki kangg nggawé jenengé misuwur.[1]

Karir[besut | besut sumber]

Shireen miwiti kariré nalika dadi semifinalis GADIS Sampul 2006.[1] Ora mung akting lan main sinétron, Shireen uga nduwéni bakat nyanyi.[1] Shireen karo mbakyuné ya iku Zaskia Sungkarmbentuk grup duo vokal kang jenengé The Sisters.[1] Album kang digawé sepisanan iki judhulé "The Journey of Love". Album iki digawé tanggal 25 Juli 2008.[1]

Kanggo tanda pangucap syukur ngenani bab suksesé sinétron kang diperanaké ya iku Cinta Fitri, Shireen nindakaké ngibadah umroh lan ngrayakaké dina riyaya Idul Fitri 1428 H ing tanah suci Mekah.[2] Shireen mangkat karo wong tuwané ya iku Mark Sungkar lan Fanny Bauty.[2] Kajaba iku Shireen uga mangkat karo Zaskia Sungkar, mbakyune lan Yusuf, adhiné.[2] Shireen sakluwarga mangkat wiwit tanggal 6 Oktober lan mbalik ing Jakarta nalika dina Slasa tanggal 16 Oktober 2007.[2] Shireen pacaran karo akto Adly Fairuz kang uga main ing sinétron Cinta Fitri.[1] Ing album perdana The Sisters, Aldy uga mèlu ngarang lagu kang judhulé "Satu".[1] Nanging sasi Juni 2010 Shireen dikabaraké putus karo Adly.[1] Saiki Shireen Sungkar pacaran karo Teuku Wisnu kang dadi lawan mainé ing sinétron Cinta Fitri.[1]

Cathetan suku[besut | besut sumber]

  1. a b c d e f g h i j k l m n o p q r harianberita.com Archived 2012-01-14 at the Wayback Machine.(dipunundhuh tanggal 7 Juli 2011)
  2. a b c d Lebaran di Mekkah, Shireen Sungkar Boyong Keluarga(dipunundhuh tanggal 7 Juli 2011)