Shaggidog

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Shaggidog
Konser shaggy dog-20080520-013-rury.jpg
Pratélan latar wuri
Saka Indonésia Jogjakarta, Indonésia
Génre Ska Reggae, Jazz
Mangsa akarya 1999 – saiki
Labèl Fame Music (2009–saiki)
Sana jaringan ShaggyDogJogja.com
Anggota Heru
Richard
Raymond
Bandizt
Lilik
Yoyo'Rama (drum)
Tilas anggota -

Shaggydog iku grup musik kang diadegaké nalika tanggal 1 Juni 1997 ing Sayidan, désa ing pinggir kali tegah-tengah kutha Jogjakarta, dianggotani déning 6 jaka kang wus ngikraraké janji kanggo bisa setya ing jalur panglipur musik.[1] Grup musik iki dianggotani déning Heru ing pérangan vokal, Richard ing pérangan gitar, Banditz kang nyekel bass, Raymond nyekel gitar, Lilik ing pérangan keyboard lan Yoyo kang nyekel drum.[1] Grup musik Shaggydog iki duwé fans utawa pandhukung kang ora sithik.[1] Para pandhukung mau dijenengi 'Doggys'.[1]

Shaggydog konser

Kiprahé, Shaggydog sawisé pancèn ora santer, amarga dhèwèké mung manggung ing saubengé kutha Jogjakarta lan kiwa-tengené.[2]

Shaggydog sempet vakum nganti 3 taun suwéné, nanging kasil lan pangalamané nyambut gawé abot ing donya musik kang ora sithik iki akiré norèhaké kasil kang manis.[2] Ing album kang judhulé Kembali Berdansa, Shaggydog wiwit dikrungu nganti nagara Walanda.[2] Karo modhal lirik kang gampang dingertèni, lan lirik-lirik kang asring kadadéan ing carita sadina-dina utawa lirik kang kagolong asoking ati, Shaggydog gampang kawentar.[2]

Musik saka Shaggydog iku diramu dhéwé déning 6 anggotané, kang dijenengi 'doggy style', nganggo campuran musik ska, reggae, swing, jazz lan rock n' roll nganti rock.[2] Kayata tetembangan Hey Cantik, Kembali Berdansa, Jalan-jalan lan Spesial Buat Kamu, olèh kawigatèn kang cukup antusias saka masarakat.[2] Ora nanggung-nangung, fans fanatiké ing nagara Walanda nggawé grup musik iki asring diundang menyang nagara Walanda kanggo dansa barengan karo para panggemar ing nagara Kincir Angin mau.[2]

ShaggyDog dhéwé, nambahi grup-grup musik kang sadurungé wus ana ing Jogjakarta, kaya ta Sheila On Seven, Letto lan Jikustik.[2]

Diskografi[besut | besut sumber]

Cathetan sikil[besut | besut sumber]

  1. a b c d shaggydog grup musik asal Jogyakarta diundhuh tanggal 5 Juli 2011
  2. a b c d e f g h shaggydog siap luncurkan album baru diundhuh tanggal 5 Juli 2011