Gitar

Saka Wikipédia Jawa, bauwarna bébas abasa Jawa
Sawijining gitar akustik.

Gitar iku piranti musik mawi senar utawa dawai sing dimainaké nganggo driji tangan utawa nganggo plektrum (piranti petik gitar saka plastik). Swara dikasilaké saka senar-senar sing gumeter. Pérangan utama saka sawijining gitar ya iku: awak gitar (body), stang (fretboard) lan senar. Gitar racaké digawé saka kayu lan duwé senar saka plastik utawa kawat. Akèh-akèhé gitar duwé enem senar, nanging ana uga sing duwé 4, 7, 8, 10 utawa 12 senar. Gulu gitar dipasangi tandha sing digawé saka wesi sing diarani fret, gunané minangka pituduh kanggo masang driji supaya ngasilaké nada tinamtu. Gitar bisa arupa gitar akustik utawa listrik, utawa gabungan kaloroné.

Mainake gitar

Ètimologi[besut | besut sumber]

Tembung gitar dijupuk saka tembung Basa Spanyol guitarra ing taun 1600an. Ing jaman abad tengahan tembung gitter utawa gittern digunakaké ing Inggris. Tembung guitarra lan gitter asal saka tembung Basa Latin cithara. Tembung cithara asal saka tembung kithara. Kithara bisa dijupuk saka tembung ing jaman kekaisaran Pèrsi sihtar[1]. Sihtar dhéwé magepokan karo piranti musik saka India, ya iku sitar.

Cathetan suku[besut | besut sumber]

  1. ^ "Online Etymology Dictionary". Dijupuk 2007-09-21. 

Gladri[besut | besut sumber]