Sega gandhul

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Sega gandhul ya iku panganan khas saka Kabupatèn Pati. Panganan iki jinisé kaya sega pindhang nanging disajékaké nganggo godhong gedhang sing didadèkaké dhasaré. Bahan-bahan sing dianggo nggawé sega gandhul ya iku 500 gr daging sapi, daging empal, 2 liter banyu, 700ml santen èncèr, 1 btg seré, geprèk, 1 lbr godhong salam, 5 sdm kécap manis, 1 sdt gula pasir, 1 sdt gula jawa disisir, uyah sacukupé. Bumbu-bumbuné ya iku 4 siyung bawang putih, 3 bawang merah, 3 lombok abang, 4 butir kemiri, 1 sdm tumbar, ½ sdm mrica, 1 sdt jinten, 1 ros kencur, 1 ros jempol jahé, 1 ros laos.[1] Carané gawé sego gandul ya iku sing kapisan daging digodhog setengah empuk, sawisé iku sisa banyuné sing reged ditus, sawisé iku bumbu-bumbu digorèng, dilebokaké ning godhogan daging bareng godhong salam karo seré. Sawisé iku lebokaké santen, godhog nganti mateng, tambahi kécap, gula pasir, gula abang, uyah sacukupé. Godhog terus nganti mateng, angkat dagingé terus dicacah-cacah.

Cathetan[besut | besut sumber]

  1. Resep Nasi Gandul(diunduh tanggal 11 Juni 2012)