Sega gandhul

Sega Gandhul

Sega gandhul yaiku panganan khas saka Kabupaten Pati. Panganan iki jinisé kaya sega pindang nanging disuguhaké nganggo godhong gedhang sing didadèkaké lèmèk. Bahan-bahan sing dianggo nggawé sega gandhul yaiku 500 gr daging sapi, daging empal, 2 liter banyu, 700 ml santen èncèr, 1 btg seré, geprèk, 1 lbr godhong salam, 5 sdm kécap manis, 1 sdt gula pasir, 1 sdt gula jawa disisir, uyah sacukupé. Bumbu-bumbuné yaiku 4 siyung bawang putih, 3 bawang merah, 3 lombok abang, 4 iji kemiri, 1 sdm tumbar, ½ sdm mrica, 1 sdt jinten, 1 ros kencur, 1 ros jempol jahé, 1 ros laos. Carané nggawé sega gandhul yaiku sing sepisanan daging digodhog setengah empuk, sawisé iku sisa banyuné sing reged ditus, sawisé iku bumbu-bumbu digorèng, dilebokaké neng godhogan daging bareng godhong salam karo seré. Sawisé iku lebokaké santen, godhog nganti mateng, tambahi kécap, gula pasir, gula abang, uyah sacukupé. Godhog terus nganti mateng, angkat dagingé terus dicacah-cacah.