Iwak mujaèr

Saka Wikipédia Jawa, bauwarna mardika basa Jawa
(Kaelih saka Mujair)
Iwak Mujaèr
Klasifikasi ngèlmiah
Karajan: Animalia
Filum: Chordata
Klas: Actinopterygii
Ordho: Perciformes
Famili: Cichlidae
Génus: Oreochromis
Spésies: O. mossambicus
Jeneng binomial
Oreochromis mossambicus
(W. Peters), 1852
Sinonim
  • Chromis mossambicus W. K. H. Peters, 1852
  • Chromis niloticus var. mossambicus W. K. H. Peters, 1852
  • Sarotherodon mossambicus (W. K. H. Peters, 1852)
  • Tilapia mossambica (W. K. H. Peters, 1852)
  • Tilapia mossambica mossambica (W. K. H. Peters, 1852)
  • Tilapia mossambicus (W. K. H. Peters, 1852)
  • Chromis dumerilii ,Steindachner, 1864
  • Tilapia dumerilii (Steindachner, 1864)
  • Chromis vorax Pfeffer, 1893
  • Tilapia vorax (Pfeffer, 1893)
  • Chromis natalensis M. C. W. Weber, 1897
  • Sarotherodon mossambicus natalensis (M. C. W. Weber, 1897)
  • Tilapia natalensis (M. C. W. Weber, 1897)
  • Tilapia arnoldi Gilchrist & W. W. Thompson, 1917
  • Oreochromis mossambicus bassamkhalafi Khalaf, 2009

Iwak mujaèr kalebu jinis iwak kang urip ing banyu kang tawa. Iwak iki uga diarani tilapia Mozambik utawa Oreochromis mossambicus. Iwak mujaèr asliné asalé saka Afrika sisih kidul lan iwak iki kalebu iwak tilapiine cichlid. Iwak mujaèr populèr diingu kanggo aquakultur lan saiki bisa tinemu saindhenging donya ing laladan tropis lan subtropis. Iwak iki akèh dadi spésies invasif. Ing Afrika Kidul iwak iki diarani Blue Kurper[2] Iwak iki urip kanthi alami ing perairan Afrika lan ing Indonésia.[3][3]

Iwak iki asring dikonsumsi déning masarakat. Iwak mujaèr lumrahé diolah kanthi digawé masakan.[3] Iwak mujaèr dimasak kanthi cara digoréng, digodhog, lan diwénéhi bumbu-bumbu kang kas saben laladan.[3]

Iwak mujaèr ing Tanah Jawa[besut | besut sumber]

Iwak mujaèr kang sepisanan tinemu karo Pak Mujair ing muara Kali Serang pasisir selatan Blitar, Jawa Wétan nalika taun 1939.[3] Sanajan isih dadi misteri kepriyé carané iwak iku bisa tekan muara cilik ing selatan Blitar.[3] Iwak kang tinemu Pak Mujair banjur diarani Mujaèr kanggo ngenang jeneng wong kang nemokak iwak mujaer.[3] Jeneng ngèlmiahé ya iku Oreochromis mossambicus, ing basa Inggris kaloka kanthi jeneng Mozambique tilapia,utawa kadhang-kadhang diarani Java tilapia.[3]

Dhèskripsi[besut | besut sumber]

Iwak mujaèr ukurané ora gedhé ya ora cilik. Iwak iki paling dawa ukurané 40 cm.[4] Wujud awaké trépés lan wernané ireng rada klawu, utawa coklat rada kuning.[4] Sirip ing gegeré (dorsal) duwé kurang luwih 15-17 eri kang landhep lan 10-13 jari-jari ya iku eri kang pucuké empuk; lan sirip dubur (anal) kang duwé eri cacahé 3 lan 9-12 jari-jari.[4] Iwak mujaèr duwé toléransi tumrap kadar uyah utawa salinitas, saéngga iwak mujaèr bisa urip ing banyu payau.[4] Jinis iwak iki bisa thukul kanthi rikat, nanging sawie diwasa kabisan kanggo tambah gedhé bakal saya kurang.[4] Iwak mujaèr bisa ngendhog nalika umuré kurang luwih 3 sasi, lan sawisé iku bisa manak saben 1½ sasi.[4]

Cathetan sikil[besut | besut sumber]

  1. Bills, R. (2019). "Oreochromis mossambicus". The IUCN Red List of Threatened Species. IUCN. 2019: e.T63338A3124798.
  2. "Big Bass". Diarsip saka sing asli ing 2019-06-14. Dibukak ing 2012-06-06.
  3. a b c d e f g h [Soeseno, S. 1984. Perkenalkan: Ikan (Pak) Mujair. dalam Dari Kutu sampai ke Gajah. PT Gramedia, Jakarta.]
  4. a b c d e f [ Kottelat, M.; A.J. Whitten; S.N. Kartikasari & S. Wirjoatmodjo. 1993. Freshwater Fishes of Western Indonésia and Sulawesi. Periplus Edition (HK).]