Mlinjo

Saka Wikipédia Jawa, bauwarna bébas abasa Jawa
Mlinjo
Gnetum gnemon.jpg
Mlinjo
Klasifikasi ngèlmiah
Karajan: Plantae
Dhivisi: Gnetophyta
Klas: Gnetopsida
Ordho: Gnetales
Famili: Gnetaceae
Génus: Gnetum
Spésies: G. gnemon
Jeneng binomial
Gnetum gnemon
L.

Mlinjo (Gnetum gnemon L.) iku sawijining spésies tetanduran wiji kabukak (Gymnospermae) wangun wit sing asalé saka Asia tropik lan Pasifik Kulon. Mlinjo ditepungi uga kanthi jeneng belinjo, tangkil (basa Sundha) utawa bago (basa Melayu lan basa Tagalog). Mlinjo akèh ditandur ing pekarangan minangka pangayom utawa wewates pekarangan lan mligi dimupangataké "woh" lan godhongé.

Béda karo anggota Gnetum liyané sing racaké arupa liana, mlinjo awangun wit. Arané wit mlinjo iku so, sauntara arané isi mlinjo iku klathak.

Dhèskripsi botani[besut | besut sumber]

Mlinjo arupa tanduran taunan wangun wit sing omahé loro (dioecious, ana indhividu lanang lan wadon). Watangé kukoh lan bisa dimupangataké minangka bahan yasan. Godhongé tunggal wangun oval mawa pucuk tumpul. Mlinjo ora ngasilaké kembang lan woh sajati amarga ora kalebu tetanduran ngembang. Sing dianggep woh sabeneré iku wiji sing kawungkus déning salapis aril sing ndaging.

Mupangat mlinjo[besut | besut sumber]

Mlinjo arang dibudidayakké kanthi intènsif. Kayuné bisa dingo minangka bahan papan. Godhongé sing isih enom (dhong so) kanggo bahan janganan (contoné ing sayur asem). "Kembang" (lanang uga wadon) lan wijiné sing isih cilik-cilik (pentil) utawa sing wis tuwa/mateng bisa didadèkaké uga minangka janganan. Wiji mlinjo uga dadi bahan baku emping. Akir-akir iki, èlmuwan Jepang nemu yèn jebulé wiji mlinjo dudu sing njalari penyakit `asam urat` kaya diwedèni déning masarakat.

Gladri[besut | besut sumber]

Pranala njaba[besut | besut sumber]