Mantri

Mentri (Basa Indonésia: Menteri, basa Inggris: minister) iku pulitikus sing nyekel sawijining jabatan publik siginifikan jroning pamaréntah. Mentri biasané mimpin sawijining kementrian lan minangka anggota saka sawijining kabinet, sing umumé dipimpin déning raja/ratu, gubernur jenderal, presidhèn, utawa perdana mentri.

Asal istilah

Istilah minister minangka sawijining frase basa Inggris tengahan, diturunaké saka basa Perancis tuwa ministre, asal saka basa Latin minister sing tegesé "pembantu" . Ing sawetara nagara (kaya Amérika Sarékat, Britania Raya, Hong Kong, lan Filipina), mentri disebut sekretaris (secretary).

Pangangkatan

Jroning sistem pamaréntahan parlementer, utamané sing migunakaké sistem Westminster, kaya Britania Raya, Kanada, lan Australia, mentri dipilih saka badan legislatif. Jroning sistem presidensiil kaya ing Amérika Sarékat, Meksiko, lan Indonésia, mentri diangkat déning presidhèn, lan ora kudu tansah saka badan legislatif.

Mentri ing Indonésia

Ing Indonésia, mentri iku pembantu presidhèn sing mimpin kementrian. Saben mentri mbidangi urusan tinamtu jroning pamaréntahan. Mentri ing Indonésia bisa dibédakaké dadi:

• Mentri koordinator
• Mentri departemen
• Mentri nagara

Deleng uga

• Kementrian