Mangsi

Saka Wikipédia Jawa, bauwarna bébas abasa Jawa
Mangsi kanggo ngisi pulpen

Mangsi ya iku bahan kang nduwèni werna kayata abang, ireng, biru.[1] Mangsi nduwèni pigmèn werna kanggo nulis utawa mènèhi werna ing deluwang.[1] Mangsi biyasané kanggo ngisi pulpèn utawa spidol kang kena kanggo nulis utawa nggambar. Mangsi kalebu média kang komplèks, arupa pelarut, pigmen, celupan, resin, oli, sollubilizer kang arupa senyawa kang mbentuk ion-ion polimer polar kanthi resin kang tahan banyu, surfaktan ya iku unsur teles kang mudhunaké tekanan permukaan saka cairan saéngga gampang nyebar, surfaktan uga mudhunaké tekanan permukaan ing rong cuwèran, materi-materi partikuler, pemijar lan material-material liyané.[1] Komponen-komponen mangsi iku akèh fungsiné ya iku kanggo nggawa tinta supaya gampang nyebar ing kertas, lan bahan-bahan addiktiv liyané kang digunakaké kanggo ngatur aliran, kandel lan rupané nalika garing.[1]

Kurang luwih 5000 taun kapungkur, mangsi kanggo ngirengaké permukaan kang timbul saka gambar lan tulisan-tulisan kang kaukir ing watu kang dikembangaké ing Cina. Mangsi iki digawé saka campuran jelaga saka pega kayu cemara, lampu minyak lan jelatin saka kulit kéwan lan getih kang digawé padat.

Mangsi wiwitané digunakaké ing India ing pungkasan abad kaping papat SM. Jaman semana mangsi diarani masi kang digawé saka komponen-komponen kimia. Dokumén saka India kang tinulis nganggo mangsi ing Kharosthi. Karosthi ya iku naskah kuno India kang wis ditemokaké ing Turkistan Cina kang saiki diarani Xinjiang. Prakték nulis nganggo mangsi kanthi pucuk kang lincip wis umum digunakaké ing India Selatan. Jain Sutra utawa naskah religi India kuno ing India kasusun déning mangsi. Ing India, karbon ireng kang dadi asal digawéné mangsi ing India diasilaké saka balung kang dibakar, aspal, pitch lan substansi liyané. Jaman Romawi kuno, ing artikel ing Chirtisn science Monitor, Sharon J. Hutington nerangaké sejarah mangsi ya iku wiwit taun 1600 kepungkur, resep utawa bahan kanggo ngracik mangsi wis digawé. Resep kanggo nggawé mangsi ya iku garam besi kayata asam fero, asam fero iki digawé saka wesi kang dilabur asam sulfur, dicampur tannin saka galnut kang urip ing wit-witan lan kanggo ngandelaké mangsi yèn némplék ing kertas. Nalika sepisanan dicelupaké ing kertas, mangsi iki wernané ireng kapara rada biru lan saya suwé wernané mangsi iki maléh dadi coklat peteng.[2]

Cathetan suku[besut | besut sumber]

  1. ^ a b c d (id)Canadian Printing Ink Manufacturers' Association cpima.org(dipunundhuh tanggal 10 Juni 2011)
  2. ^ (en)[Henk J. Porck and René Teygeler,Brittle Books Program Preservation Science Survey,Washington, D.C.: Council on Library and Information Resources, 2000].


Sumber artikel punika saking kaca situs web: "https://jv.wikipedia.org/w/index.php?title=Mangsi&oldid=1101422"