Pulpèn

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pulpén

Pulpén (bahasa Inggris: ballpoint) punika salah satunggalipun piranti kangge nyerat, wujudipun kados potlot utawi pénsil.[1] Pulpén populér amargi mirah lan gampil anggenipun ngginakaken. Wiwitanipun pulpen ingkang kawitanipun dipun damel saking wulu banyak.[1] Wiwitanipun piranti kagem nyerat menika inggih menika pena lan mangsi ingkang dipunangge kanthi piyambak-piyambak (kapisah).[1] Wulu ingkang dipunangge ing Eropa wonten ing abad pertengahan, alang-alang ing Timur Tengah, utawi kuas ingkang dipunangge ing Tiongkok lan Jepang.[1] Keawonanipun menawi ngangge piranti kados wulu, alang-alang, lan kuas inggih punika boten praktis lan tintanipun saged tumplek ing sanginggilipun kertas.[1] Pulpén nduwéni ruang intérnal.[1] Mangsi dipun saluraken nglewati pucukipun nalika dipun ginakaken kanthi ngglindhingaken satunggal bal ingkang alit (dhiameteripun antawis 0,7 mm ngantos 1 mm) saking piranti ingkang kadamel saking logam, mangsi kasebut langsung garing nalika nempel kertas.[1]

Sajarahipun Pulpén[sunting | sunting sumber]

Pulpén dipun ripta dening jurnalis saking Hungaria, Laszlo Biro utawi Ladislao Biro ing taun 1938.[1][2] Kaliyan sedherekipun ingkang nggadhahi profesi minangka kimiawan, Biro ngrembakakaken pucukipun pen ingkang enggal ingkang dipun modhifikasi.[1] Modhifikasi pu nika kanthi dipuntambahi satunggal bal alit ingkang saged muter kanthi bebas ing satunggalipun bolongan.[1]

Pucuk Pulpén

Nalika muter, bal kasebat mendhet mangsi saking satunggalipun cartridge, mangsi lajeng nelesi bal alit ingkang mili kanthi cara kapiler lan ugi kanthi gravitasi, lan ngglindhing supados saged nempel ing kertas.[1] Amargi wonten bal alit punika dados pena enggal menika dipun sebat Ball Point Pen utawi pulpén.[1] Rancangan punika lajeng dipun patenaken ing Argentina 10 Juni 1943 lan dipun sade kanthi merek Birome, ingkang ngantos dumugi wekdal samenika taksih wonten.[1] Pulpén kawentar ing negeri Inggris utaminipun wekdal Perang Dunia II (1939-1940).[2] Ing wekdal punika pulpen dipun remeni dening pilot pesawat tempur amargi boten bocor nalika dipun bekta mabur.[2]

Cathetan Suku[sunting | sunting sumber]

  1. ^ a b c d e f g h i j k l m (id)Sejarah Perkembangan Pulpen(dipunundhuh tanggal 11 Juni 2011)
  2. ^ a b c (id)Sejarah Penemuan Pulpen(dipunundhuh tanggal 11 Juni 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Pranala Njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Pulpèn&oldid=869117"