Luwing

Saka Wikipédia Jawa, bauwarna bébas abasa Jawa
Millipede
Kalamangsa: 428–0 Ma
Late Silurian to Recent
Millipede.jpg
Rusty millipede (Trigoniulus corallinus)
Klasifikasi ngèlmiah
Karajan: Animalia
Filum: Arthropoda
Subfilum: Myriapoda
Klas: Diplopoda
De Blainville in Gervais, 1844 [1]
Subclasses, orders and families

See text

Luwing utawa millipede (kelas Diplopoda, sadurungé uga diarani Chilognatha) ya iku artropoda kang duwé rong pasang sikil saben segmen, ananging segmen sepisanan kang manggon ing buri endhas lan 2 segmen sawisé iku mung nduwé sikil kang cacahé siji.[2] Luwing ora nggunakaké sungut kang ana wisané kanggo njaga awaké saka mungsuh.[2] Ananging nalika rumangsa ana mungsuh kang mbebayani, luwing banjur mlungkeraké awaké.[2] Ana uga kang nganggo cara kanthi ngetokaké zat kang duwé racun.[2] Zat racun iki arupa hydrogen sianida liwat pori-pori ing awaké.[2] Zat iki bisa mbakar eksoskeleton kewan-kewan cilik liyané kaya ta srangga kang ukurané cilik umpamané semut.[2] Luwing seneng urip ing panggonan kang lembab.[2] Luwing awaké kasusun déning endhas kang diarani chepalo lan weteng utawa abdomen, luwing ora nduwé dhadha utawa thoraks.[2] Ing endhasé ana antèna kang cacahé sepasang.[2] Antèna iki gunané kanggo peraba lan sepasang mata tunggal kang arané ocellus.[2] Nalika ganti kulit jumlah sègmèn bakal tambah.[2] Luwing nduwé piranti gerak kang arupa rong pasang sikil ing saben segmen ing wetengé.[2]

Luwing urip ing panggonan kang peteng lan lembab lan ngandhut tanduran kang wis bosok.[2] Luwing akèh urip ing laladan tropis lan urip ing dharat mliginé ing panggonan kang ngandhut sampah kaya ta ing kebon lan ing ngisor-ngisor watu. Kéwan iki mangan sayuran, vegetasi kang wis mati lan lumut.[2] Awaké luwing bentuké silindris lan ana ruas-ruasé kang kasusun kurang luwih 25-100 segmen.[2] Ing ruas kaping pitu, siji, utawa kaping pindho, sikilé ngalami modifikasi dadi organ kopulasi.[2] Ing endhasé ana sepasang antèna cendhek.[2] Luwing duwé respirasi kang jenengé trakea kang ora ngepang.[3] Piranti ekskresiné arupa saluran malphigi kang cacahé loro.[3]

Luwing ing Amerikah Lor
Luwing Epibolus pulchripes lagi kawin
Narceus americanus mlungkerake awake

Cathetan suku[besut | besut sumber]

  1. ^ "Diplopoda DeBlainville in Gervais, 1844 (Class)". SysTax. Universität Ulm, Ruhr-Universität Bochum. Dijupuk August 15, 2007. 
  2. ^ a b c d e f g h i j k l m n o p q /tempo.co.id(dipunundhuh tanggal 27 Juni 2011)
  3. ^ a b situs trubus(dipunundhuh tanggal 27 Juni 2011)