Lonthong tuyuhan
Aksara Latin
|
Lonthong Tuyuhan kalebu salah siwijining panganan kang kas saka Kabupatèn Rembang.[1] Diwènèhi jeneng lonthong tuyuhan amarga sing gawé lan sing dodolan lonthong tuyuhan iku saka Désa Tuyuhan Kacamatan Pancur.[1] Panganan kas lonthong tuyuhan iku awujud lonthong kanthi sayur santen rada pedhes kang ana rasa kemiri, jinten, lan bawang, sarta pitik kampung kang wis diiris-iris komplit nganggo jeroan lan témpé.[1] Luwih unik manèh, kabèh wong-wong sing dodolan lonthong tuyuhan nganggo angkring saka pring lan penjalin kang nganggo lampu teplok sing digawé saka gedebog gedhang.[1] Lumrahé kulinèr lonthong tuyuhan iki dijajakake ing komplèk warung Lonthong Tuyuhan ing Désa Tuyuhan (punjéré), Pujasera Désa Ringin, Pujasera dukuh Pèrèng Désa Jeruk, trotoar kidul masjid Jami' Lasem, lan ing adicara-adicara Sedekah Bumi. Cara masak Lonthong Tuyuhan iki mèh padha karo masak opor ayam biyasa.[2] Bumbu-bumbu sing digunakaké, ya iku brambang, bawang, laos, kemiri, ketumbar, kencur, pala, lan kunir.[2] Supaya rasané kas, bumbu-bumbu mau ditambahi lombok abang lan jaé ditumis nganti alum.[2] Kanggo nambah aroma, uga diwènèhi godhong salam lan serai.[2]
Carané nggawé Lonthong Tuyuhan
[besut | besut sumber]Bahan
[besut | besut sumber]½ buntut pitik kampung, potong 4 pérangan, 4 buah ati pitik, 4 buah rempela pitik, 4 buah lontong, 3 buah lombok abang diiris tipis, 1 lembar godhong salam, 1 watang serai, 1 séndhok uyah, 750 ml santen èncèr saka ½ glondhong klapa, 500 ml santen kenthel saka 1 butir krambil, 2 séndok lenga,[3]
Bumbuné
[besut | besut sumber]12 siyung brambang, 6 siyung bawang, 7 buah lombok abang, 2 cm laos, 5 butir kemiri, serai, 1 séndhok tèh ketumbar, ¼ séndhok tèh jinten, 2 cm kencur, ½ séndhok tèh pala, 2 cm kunir, 2 cm jaé.[3]
Carané gawé
[besut | besut sumber]Panasna lenga banjur tumis lombok abang nganti alum, tambahna bumbu kang wis diuleg nganti alus, tambahna serai nganti tekan ambuné wangi, campurna ati lan rempela, dimasak nganti ganti warna, campurna santen lan masak pitiké nganti mateng, sawisé iku wènèhi santen kenthel, banjur digodhog nganti tekan umub. Lonthong tuyuhan wis kasedhiya disuguhaké.[3]
Cathetan suku
[besut | besut sumber]- ↑ a b c d (ing basa Indonésia)Lontong Tuyuhan Copyright © Wongrembang.com. 2002-2008[pranala mati permanèn] (Dipuntingali tanggal 2 April 2011)
- ↑ a b c d (ing basa Indonésia)Citarasa Khas Lontong Tuyuhan Copyrigh © 2008 SuaraWarga - Suara Merdeka CyberNews Groups Archived 2022-02-20 at the Wayback Machine. (Dipuntingali tanggal 4 April 2011)
- ↑ a b c (ing basa Indonésia)Lontong Tuyuhan Archived 2013-12-16 at the Wayback Machine. (Dipuntingali tanggal 5 April 2011)