Johannes Bijleveld
Johannes Bijleveld (lair ing Magelang, Hindia-Nèderlan (saiki Indonésia), 3 Mèi 1885 – pati ing Driebergen-Rijsenburg, Nèderlan, 31 Dhésèmber 1943 ing umur 58 taun) ya iku pejabat lan pegawé Walanda[1].
Biografi
[besut | besut sumber]Johannes Bijleveld iku putrané Hermanus Johannes Bijleveld lan Elisabeth van Bloemen Waanders[2]. Bapaké nduwé pamarkarya minangka mantri lan mantan perwira.
Sawisé ngrampungaké pendhidhikan ing HBS, Johannes Bijleveld mèlu ujian pejabat dhuwur lan lulus. Bijleveld miwiti kariré minangka kontrolir pamula ing Nganjuk taun 1908 nganti taun 1911[2]. Banjur dhèwèké ngalih tugas ing Bojonegoro, Sukabumi, lan pungkasané ing Bandung[2]. Banjur dhèwèké lumebu akadhemi kapegawéyan ing Den Haag lan sawisé iku dhèwèké mèlu ujian notaris cilik-cilikan. Dhèwèké bali menyang Hindia-Walanda taun 1925, tekan telung taun nyambut gawé dadi kontrolir lan asistèn résidhèn ing Semarang[2]. Taun 1928, Bijleveld diangkat dadi résidhèn[2]. Sawisé iku banjur cuti menyang Éropah. Taun 1932 dhèwèké diangkat dadi Gubernur Jawa Tengah[2]. Saka taun 1934-1939, dhèwèké njabat dadi Gubernur Yogyakarta[1].
Bijleveld iku ksatria ing Orde Singa Walanda lan perwira ing Orde Naga Annam[1]. Dhèwèké dhaup karo Maria Loze (1887-1962) lan duwé anak telu. Sawisé séda banjur disarèkaké ing Pasaréyan Umum Anyar Driebergen[1].
Cathetan sikil
[besut | besut sumber]
| Didhisiki déning: H.H. de Cock |
{{{jabatan}}} 1934-1939 |
Diganti déning: Lucien Adam |