Menyang kontèn

Isbedy Stiawan ZS

Saka Wikipédia Jawa, bauwarna mardika basa Jawa
Isbedy Stiawan ZS

Isbedy Stiawan ZS, ingkang miyos wonten ing Tanjungkarang, Bandar Lampung, tanggal 5 Juni 1958) inggih punika salah satunggaling sastrawan Indonésia.[1] Déning H.B. Jassin Isbedy Stiawan ZS dipunsebat Paus Sastra Lampung.

Biografi[besut | besut sumber]

Isbedy inggih putra angka sekawan saking wolung sedherekipun ingkang miyos saking tiyang sepuhipun, inggih bapakipun ingkang sampun séda kanthi asma Zakri Senet (alm) ingkang suku asli suku Bengkulu, lan ibunipun Ratminah (sking Winduaji, Sindanglaut, Cirebon). Garwanipun Isbedy inggih punika Adibah Jalili lan pinaringan putra cacahipun gangsal, inggih punika Mardiyah Novrida, Arza Setiawan, Rio Fauzul, Khairunnisa, saha Abdurrobbi Fadillah. Isbedy wiwit rumiyin ngantos sapunika taksih dalem wonten ing Tanjungkarang Lampung.[2] Asiling karya saking Isbedy inggih awujud puisi, carkak, esai sastra, saha opini sosial, pulitik, lan kabudayan. Déné kathah bukunipun ingkang sampun dipunwedalaken déning kathah penerbit ing Jakarta, Bandung, saha Yogyakarta. Asiling karyanipun ugi sampun naté kapacak wonten ing koran Kompas, Tempo, Jawa Pos, Suara Merdeka, Sinar Harapan, Media Indonesia, Suara Pembaruan, Jurnal Nasional, Horison, Nova, Suara Karya, Pikiran Rakyat, Kedaulatan Rakyat, Lampung Post, Radar Lampung, Haluan, Padang Ekspres, Riau Pos, Harian Global, lan sanès-sanèsipun.[3] Kajawi taksih aktip nyerat karya sastra, piyambakipun sapunika ugi aktip wonten ing Dewan Kesenian Lampung (DKL) saha Aliansi Jurnalis Independen (AJI) Lampung, lan sapunika makarya wonten ing Lampung TV (grup MNC). Isbedy Stiawan ugi asring dipunundhang wonten ing kathah adicara lan pentas pagelaran sastra lan budaya kados ta ing Johorbahru lan ing Kedah (Malaysia). Lajeng tumut ugi wonten ing temu Penyair Nusantara ing Medan, Malaysia, saha Brunei Darussalam. Lajeng ndhèrèk temu sastrawan Indonesia ing Jambi, saha Tanjungpinang, Konggrès Cerpen Indonesia ing Bali, Riau, lan Banjarmasin, lan kathah kitha sanèsipun ing Indonesia.

Kasiling karya[besut | besut sumber]

  • Darah (kumpulan sajak, 1982)
  • Badai (kumpulan sajak, 1984)
  • Akhir (kumpulan sajak, 1986)
  • Khalwat (kumpulan sajak, 1988)
  • Membaca Basa Sunyi (kumpulan sajak, 1990)
  • Lukisan Ombak (kumpulan sajak, 1992)
  • Kembali Ziarah (kumpulan sajak, 1996)
  • Daun-Daun Tadarus (kumpulan sajak, 1997)
  • Aku Tandai Tahi Lalatmu (kumpulan sajak, 2003)
  • Ziarah Ayah (kumpulan carkak, 2003)
  • Menampar Angin (kumpulan sajak, 2003)
  • Bulan Rebah di Meja Diggers (kumpulan carkak, 2004)
  • Dawai Kembali Berdenting (kumpulan carkak, 2004)
  • Perempuan Sunyi (kumpulan carkak, 2004)
  • Kota Cahaya (kumpulan sajak, 2005)
  • Selembut Angin Setajam Ranting (kumpulan carkak, 2005)
  • Seandainya Kau Jadi Ikan (kumpulan carkak, 2005)
  • Hanya untuk Satu Nama (kumpulan carkak, 2005)
  • Salamku pada Malam (kumpulan sajak, 2006)
  • Perahu di Atas Sajadah (kumpulan sajak, 2006)
  • Laut Akhir (kumpulan sajak, 2007)
  • Lelaki yang Membawa Matahari (kumpulan sajak, 2007)
  • Setiap Baris Hujan (kumpulan sajak, 2008)
  • Anjing Dini Hari (kumpulan sajak, 2010)

Cathetan suku[besut | besut sumber]

  1. [1][pranala mati permanèn] Biografi Isbedi Stiawan ZS (dipunundhuh tanggal 24 Januari 2013)
  2. [2] Isbedy Stiawan ZS (ipunundhuh tanggal 24 Januari 2013)
  3. [3] Archived 2011-07-04 at the Wayback Machine. Isbedy Stiawan ZS (dipunundhuh tanggal 24 Januari 2013)