Indriati Iskak

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Indriati Iskak
IndTigaDara.jpg
LairIndriati Gerard Bernardina
PakaryanAktris
BojoMoh. Makki Perdanakusuma
AnakSania Makki
Sakti Makki
Sari Makki
Wong tuwaR. Iskak dan Alida van de Kuinder

Indriati Iskak, uga dikenal kanthi jeneng Indri Makki utawa kang nduwé jeneng lair Indriati Gerard Bernardina (lair ing Surabaya, Jawa Timur, 9 Juni 1942; umur 77 taun) iku juru main filem wadon kang asalé saka Indonésia ing era 1950-an lan 1960-an.[1] Indriati Iskak ngugemi agama Katolik.[1] Indriati Iskak iku anak wadon kang sepisanan saka R. Iskak (sutradara, penulis skenario lan penggubah lagu).[1] Indriati misuwur amarga perané ing Tiga Dara bareng karo Mieke Widjaya, lan Chitra Dewi.[1] Film iki dadi filem kang sepisanan dibintangi Indriati Iskak.[1] Sanajan iki filem kang sepisanan filem iki wis dadi box office.[1] Indri uga main ing filem-filem liyané nanging filem iki kurang misuwur.[1] Saliyané iku Indri uga main ing filem Djuara Sepatu Roda bareng karo bankir utawa Robby Djohan.[1]

Saliyané nggawé filem, indri uga dikenal dadi anggota kelompok [[The Baby Doll bareng karo Rima Melati, Baby Huwae lan Gaby Mambo.[2] Ing kéné Indri banjur nyanyi lan nari ing panggung ing kutha krajan apadena ing tlatah-tlatah liyané.[2] Nalika taun 1988 grup iki nggagas acara sosial "Nostalgia" kanggo nglumpukaké dana kanggo Yayasan Ginjel Indonesia.[2] Déné dana iki kanggo usada dialysis (cuci darah) gratis kanggo Baby Huwae.[2] Nanging pungkasané Baby Huwae banjur séda ing taun iku uga.[2] Indri nikah karo Laksamana Muda Udara Moh Makki Perdanakusuma nalika tanggal 15 Mèi 1962.[2] Indri banjur nerusaké studi ing Fakultas Psikologi ing Universitas Indonesia nganti éntuk gelar doctoranda (DRA) ing babagan psikologi nalika taun 1968.[2]

Cathetan suku[besut | besut sumber]

  1. a b c d e f g h surabaya-metropolis.com(dipunundhuh tanggal 25 Juli 2011)
  2. a b c d e f g filmindonesia.or.id(dipunundhuh tanggal 25 Juli 2011)