Hibiscus syriacus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Hibiscus syriacus
Klasifikasi èlmiah
Krajan: Plantae
Divisio: Magnoliophyta
Kelas: Magnoliopsida
Ordo: Malvales
Kulawarga: Malvaceae
Marga: Hibiscus
Jinis: H. syriacus
Jeneng binomial
Hibiscus syriacus
L.

Hibiscus syriacus (syn. Althaea frutex Hort. ex Mill.), inggih punika taneman mawi kembang saking jinis Hibiscus, dipunsebat ugi Kembang Sharon.[1] Taneman punika kathah tuwuh ing Asia lan asalipun saking famili Malvaceae. Wujudipun kembang kados vas lan pang-pangipun saged dumugi 2–4 m inggilipun.[1] Taneman punika nglampahi kembang biak ing wewengkon kanthi mangsa panas ingkang anget. Sekaripun gadhah werni putih, jambon, abrit, lan ungu.[1]

Kembang nasional Korea Selatan[sunting | besut sumber]

Wonten ing Basa Korea, Hibiscus syriacus dipunwastani mugunghwa (무궁화; 無窮花), kalebet kembang nasional Republik Korea [2]. Kembangipun boten gadhah praupan ingkang ramé lan wanginipun kuwat saéngga katingal biasa kemawon.[3] Sanajan mekaten, kembang punika dipunwastani minangka gambaran karakter nasional rakyat Korea.[3] Kanggé tiyang Korea, mugunghwa dados simbol keprigelan, kelembutan, lan keteguhan [4].[3] Sanajan sampun dipunremeni dangu, mugunghwa naté boten dipungatosaken amargi panguwaos Korea langkung milih kembang pir (i-hwa) minangka simbol.[5] Mugunghwa dipunpilih minangka kembang nasional déning rakyat Korea nalika masa Penjajahan Jepang (1910-1945) lan dipuntandur kanthi wiyar minangka simbol perlawanan kanggé nywantunaken kamardikan.[3] Kembang mugunghwa mekar kanthi dangu 100 dinten, saking Juli dumugi Oktober langkung dangu tinimbang kembang sanèsipun. Kembang taneman sanès punika layu menawi sampun sedinten, ananging mugunghwa katingal tetep seger pinten-pinten dinten.[5] Sipat punika ingkang dados inspirasi kanggé rakyat Korea nalika nglampahi kasengsaran awit saking penjajahan.[5]

Mugunghwa sampun dipuntepangi déning bangsa Korea saking zaman kuno.[3] Wonten ing cathetan sajarah babagan kerajaan Gojoseon (2333 SM-108 SM), Handan-gogi, kembang punika dipunparingi nama hwanhwa, mokkeun utawi geunhwa.[3] Setunggaling dokumen diplomatik Silla (57 SM-935) ingkang dipunkirim kagem Dinasti Tang mawi isi rèferènsi ingkang sinerat bilih Silla punika negri ingkang kebak wewangian geunhwa.[3] Kejawi punika koleksi geografis Cina, Shanhaijing (Gunung lan Lautan Klasik) lan Gujinzhu ("Ensiklopedia") ingkang dipunsusun nalika zaman Dinasti Qin (221 SM-206 SM) nyerataken rèferènsi babagan Korea minangka negri ingkang wonten mugunghwa lan tuwuh kanthi subur.[3]

Istilah mugunghwa dipunginakaken saking zaman Goryeo (918-1392) wonten ing Dongguk isanggukjip (Koleksi Karya Menteri Yi) ingkang dipunserat déning Yi Gyu-bo (1168-1241).[3] Nalika masa Goryeo lan Joseon, raja paring bebungah sarjana ingkang lulus (gwageo) kalihan mugunghwa kertas.[3] Tembang Aegukga ingkang dipunkomposisiaken nalika taun 1907, salah satunggaling cakepanipun mugunghwa samcheolli hwaryeo gangsan utawi pesona 3000-li sadaya negri ingkang dipunkebaki mugunghwa.[5] Para pamimpin Korea asring ndhèrèekaken keteguhan kembang mugunghwa wonten ing sesorah kanggé nuwuhaken kesadaran nasional.[5]

Cathetan suku[sunting | besut sumber]

  1. ^ a b c Hibiscus syriacus, hort.uconn.
  2. ^ (id) Acara pemberian bunga Mugunghwa untuk menyambut hari penghijauan, (dipunakses tanggal 11 Maret 2013)
  3. ^ a b c d e f g h i j Yoo, Myeong-jong; Lee, Ji-hye year=2008. 100 Cultura l Symbols of Korea chapter 02 - Nature, Science and technology. Seoul: Korea Foundation. p. 10.  line feed character in |last2= at position 13 (help); line feed character in |title= at position 12 (help)
  4. ^ (id) National Symbols of South Korea, (dipunakses tanggal 11 Maret 2013)
  5. ^ a b c d e An Illustrated Guide to Korean Culture - 233 traditional key words. Seoul: Hakgojae Publishing Co. 2002. pp. Pp462–463. ISBN 89-8546-98-1 Check |isbn= value (help). 

Pranala njawi[sunting | besut sumber]

Galeri[sunting | besut sumber]