Menyang kontèn

Grojogan Sawangan

Saka Wikipédia Jawa, bauwarna mardika basa Jawa
Grojogan Sawangan
ꦲꦼꦩ꧀ꦧꦸꦁꦥꦠꦫꦤ
Peta
JinisWisata Alam
PapanDesa Karangduwur, kecamatan Ayah, Kabupaten Kebumen, Provinsi Jawa Tengah
Koordinat7°45′24″S 109°23′54″E / 7.756726°S 109.398220°E / -7.756726; 109.398220
Dibuka1930
Kang ngrumatPemerintah Kabupaten Banjarnegara
StatusDipun bikak (sakdawane dinten)
Sarana
  • papan panggenan ingkang wiyar
  • toilet
  • papan palenggahan
  • parkir

Grojogan Sawangan inggih punika grojogan ingkang inggilipun kirang langkung 50 mèter lan mapan wonten ing Kawasan Karst Gombong Kidul, Desa Karangduwur, Kecamatan Ayah, Kabupaten Kebumèn.[1][2] Grojogan puniki unik amarga papan panggonanipun wonten ing pasisir kidul, namung 150 meter saking pasisir. Kajawi punika, sumber toya asalipun saking kali wonten ing Guwa Surupan.[3] Menawi dipun tingali ing nginggilipun grojogan puniki, inggih punika tutuke njawi guwa. Grojogan puniki nggadahi debit toya ingkang stabil, dene wonten ing musim kemarau debit toya bakal mudhun nanging boten dugi garing.[4] Wonten ing ngisor grojogan wonten kedung nanging boten wiyar sanget lan dipundominasi watu gamping lan pecahan watu gamping. Grojogan puniki uga asring dipun jenengi Air Terjun Pelangi amarga wonten kluwung ingkang asring ketingal ing sangandape grojogan nalika srengenge ketingal. [5] Grojogan puniki wonten ing Kali Jemenar ingkang asalipun saking Bukit Gadung lan ngliwati sawetara dhusun dumugi pungkasane mlebet liwat ponor lan dados kali lemah .

Gua Siwowo

[besut | besut sumber]

Guwa Siwowo minangka guwa pisanan wonten ing tlatah puniki ingkang langsung ketingal saking margi menyang Grojogan Sawangan. Guwa puniki dipungunakake kagem kegiyatan rapelling saking nginggil guwa dumugi ngandap. Wonten ing lebetipun wonten ornamen guwa ingkang khas, nanging akehingkang boten aktif malih. Umume nggadahi werni putih kuning.Wonten sawetara sumber toya ingkang wonten antaranipun stalaktit, toyanipun saged dipun unjuk. Wonten ing wingking guwa wonten bolongan ingkang dipunpageri. Dipuncritakake, guwa puniki dawa sanget lan tembus menyang Guwa Surupan utawa Guwa Sawangan, nanging boten sembarangan tiyang ingkang saged nerusake tanpa peralatan guwa. [6]

Guwa Sawangan

[besut | besut sumber]

Guwa Sawangan inggih punika dados salah suwijining guwa wonten ing tlatah puniki saliyané Guwa Siwowo. Guwa Sawangan minangka gabungan saking kalih guwa, inggih punika Guwa Sawangan lan Guwa Surupan. Kekakih guwa puniki dipungabungake dening kalih tutukane guwa ingkang benten. Guwa Sawangan nduweni stalagmit, stalaktit lan grojogan ingkang apik sanget. Stalagmit wonten ing lantai guwa Sawangansami kados wangun iwak utawa durian. Nalika njelajah guwa puniki, skedah nggunakake peralatan ingkang nyukupi, kalebu helm, keranten sawetara wonten bagéan saking guwa ingkang rawan kagem mencet sirah wonten ing stalaktit.

Ingkang nggumunake, wonten ing Guwa Sawangan wonten lawang guwa. Lawang guwa kasebut minangka lawang mlebu ing Guwa Surupan ingkang misuwur kanthi toya kali sakjeronipun lemah. Sawise njelajah Guwa Sawangan ingkang dipungabungake kalih Guwa Surupan kanthi ngetutake aliran toya, pungkasanipun bakal nemokake pungkasanipun guwa kasebut. Guwa puniki dipunpotong dening jurang ingkang curam. Ananging saking wingking guwa puniki saged dipun tingali hamparan Samudra Indonesia ingkang nggumunake. Pucuking guwa Sawangan cedhak pesisir kidul. Toya kali saking Guwa Sawangan utawa Surupan nyemplung wonten ing jurang dados grojogan ingkang dipunarani Curug Sawangan. [7]

Pasisir Sawangan

[besut | besut sumber]

Pasisir Sawangan wonten 150 meter saking Grojogan Sawangan. Pasisir Sawangan minangka teluk alit ingkang dipunubengi tebing ingkang curam. Pasiripun boten kathah, nanging mung wonten pecahan watu karang ing pasisir ingkang ugi dados muara kali Jemenar. Pasir pasisir bakal katon nalika banyu segara surut. Sanadyan ing teluk, ombak ing Pantai Sawangan cekap ageng, khas ombak segara kidul. Wonten ing saubengé wonten tebing-tebing lan bukit-bukit ingkang bakal kebak wit-witan lan suket ijem ing mangsa jawah lan kados padang savanna nalika wonten ing musim kemarau amarga bakal kathah suket coklat abang.[8]

Panggonan

[besut | besut sumber]

Grojogan Sawangan papan wonten ing Dusun Nogosari, Desa Karangduwur, Kecamatan Ayah. Pintu mlebet grojogan puniku cedhak kalih pemukiman. Medan kagem dumugi papan panggonan saking parkiran inggih punika margi sempit ingkang munggah mudhun ngetutake kontur perbukitan karst luwih saking 500 meter. Ananging, kahanan ingkang sae lan nyaman, dipuntambah pemandangan alam ingkang dipunsajikake wonten ing margi boten bakal nguciwani. Ambane Samudra Hindia bakal dados rencang sajronipun lelungan.[3][9][10]

Aksesibilitas

[besut | besut sumber]

Kagem dumugi Grojogan Sawangan, pengunjung bakal ngetutake rute Kebumen - Pantai Suwuk - Pantai Ayah utawa uga njupuk rute menyang Pantai Menganti. Banjur saksampunipun dumugi wonten ing prapatan margi Pantai Menganti, pengunjung kedah terus mlampah menyang Pantai Ayah. Boten let dangu wonten SDN 1 Karangduwur, wonten ing ngarepe para pengunjung sekolah kedah milih margi ingkang bener ing sisih kiwa margi (sampun wonten rambu-rambu margi). Mung tindakake dalan miturut rambu-rambu margi ingkang dipunsedhiyakake ing rute kasebut ngantos ketemu papan parkiran lan sawetara kios ing obyek wisata puniki. Papan parkiran kagem kendaraan wonten ing gedung kasebut. Banjur nerusake mlampah dumugi grojogan.

Referensi

[besut | besut sumber]
  1. ↑ "5 Air Terjun di Kebumen untuk Liburan Akhir Pekan, Air Terjun Sudimoro Tawarkan Spot Instagrammable". Tribun Travel (ing basa Indonesia). Dibukak ing 2023-10-13.
  2. ↑ Okezone. "Menapak Air Terjun Sawangan Kebumen : Okezone Video". https://video.okezone.com/ (ing basa Indonesia). Dibukak ing 2023-10-13. {{cite web}}: External link in |website= (pitulung)
  3. ↑ a b Kebumen, Pemerintah Kabupaten. "Data Tempat Wisata". Website Resmi Desa Karangduwur Kecamatan Ayah Kabupaten Kebumen (ing basa Indonesia). Dibukak ing 2023-10-13.
  4. ↑ Times, I. D. N.; Listiyana, Sinta. "5 Air Terjun Unggulan di Kebumen, Bak Surga Tersembunyi". IDN Times . Dibukak ing 2023-10-13.
  5. ↑ Curug Sawangan, Keajaiban Air Terjun di Dekat Pantai
  6. ↑ "Ngetrail ke Curug Sawangan". Diarsip saka sing asli ing 2016-12-23. Dibukak ing 2023-10-13.
  7. ↑ "Berpetualang Menikmati Keajaiban Alam di Goa Sawangan". Diarsip saka sing asli ing 2016-12-23. Dibukak ing 2016-12-23. {{cite web}}: Unknown parameter |dead-url= ignored (|url-status= suggested) (pitulung)
  8. ↑ Annisa, Dela (2023-02-21WIB22:27:50+00:00). "Menikmati Laut Lepas Samudra Hindia di Sawangan Advanture". Solopos.com (ing basa Indonesia). Diarsip saka sing asli ing 2023-06-24. Dibukak ing 2023-10-13. {{cite web}}: Check date values in: |date= (pitulung)
  9. ↑ Nanda (2023-07-09). "16 Air Terjun di Kebumen Terbaik & Paling Hits, Lokasi Curug, Tiket dll". Tempat Wisata Seru (ing basa Inggris Amérika Sarékat). Dibukak ing 2023-10-13.
  10. ↑ "Air Terjun Sawangan · Tj. Nagasari, Karangduwur, Kec. Ayah, Kabupaten Kebumen, Jawa Tengah, Indonesia". Air Terjun Sawangan · Tj. Nagasari, Karangduwur, Kec. Ayah, Kabupaten Kebumen, Jawa Tengah, Indonesia (ing basa Indonesia). Dibukak ing 2023-10-13.
Dijupuk saka "https://jv.wikipedia.org/w/index.php?title=Grojogan_Sawangan&oldid=1704341"