Ombak

Saka Wikipédia Jawa, bauwarna bébas abasa Jawa
Ombak

Ombak ya iku prastawa munggah mudhuné partikel-partikel banyu.[1] Ombak ugabisa ditegesi obahé banyu segara sing munggah mudhun utawa nggulung-nggulung.[2] Ana telung faktor kang njalari dadiné ombak, ya iku pasang-surut (swell), angin pasisir (local wind), lan mudhun-munggahé massa watu ing dhasar samodra.[1] Pasang-surut banyu segara iki amarga ana gaya gravitasi bulan.[1] Nalika bulan ing posisi celak karo permukaan bumi, banyu segara ing laladan iku ketarik dèning gaya gravitasi bulan lan njalari banyu segara pasang.[1] Déné ing laladan bumi liya kang adoh saka posisi bulan, banyu segara surut. Obahé banyu segara iki kanthi bentuk ombak.[1]

Angin kang obah nerjang permukaan segara, sithik mbaka sithik mbentuk obahé ombak kang nggulung.[1] Saya kenceng angin kang nerjang permukaan segara, saya gedhé uga ombak kang dikasilaké.[1] Marga dhasar ombak kena dharatan nalika menyang pasisir, ombak ngalon amarga ana gèsèkan.[1] Nalika iku, puncak ombak tetep mlaku banjur wutah.[1] Yèn ing segara kadadéyan gelombang ombak kang gedhé banget, ing pasisir bakal kawentuk puncak ombak kang dhuwur lan wutahan kang gedhé.[1]

Obahé massa watu ing dhasar samodra uga njalari ombak.[1] Ombak sing kaya iki uga diwastani tsunami.[1] Nalika ana obah-obahan watu-watu ing dhasar segara, ombak iku bakal nyebabaké jundhulan ing permukaan segara ing dhuwuré.[1] Ombak iki ndarbèni energi kang gedhé, saéngga bisa njalari karusakan kang uga gedhé.[1] Ombak tsunami ngasilaké rong jinis bentuk gelombang, ya iku gelombang positif lan gelombang negatif.[1] Gelombang positif kadadèn nalika banyu segara ora surut kanthi amba ing laladan pasisir.[1] Déné gelombang negatif kadadèn yèn banyu segara surut kanthi amba.[1]

Jinis Ombak[besut | besut sumber]

  • Miturut sifaté
  1. Ombak pembangun utawa pambentuk pasisir (Constructive wave), kang ndarbèni ciri endhèk lan kecepatan rambaté uga cendhak.[3] Saéngga nalika ombak kasebut pecah ing pasisir bakal ngangkut sedimen (material pasisir).[3] Material pasisir bakal kèri ing pasisir nalika ili balik saka ombak pecah lan nresep ing pasir utawa alon-alon mili mbalik menyang segara.[3]
  2. Ombak pangrusak pasisir (destructive wave), padatan ndarbèni kadhuwuran lan kecepatan rambat kang gedhé.[3] Banyu kang mbalik muter ndarbèni wektu luwih cepet kanggo nresep ing jero pasir.[3] Nalika ombak teka manèh ngantem pasisir bakal ana akèh banyu kang ngumpul lan ngangkut material pasisir tumuju tengah segara utawa papan liya.[3]
  • Miturut cara pecahé
  1. Spilling, padatan kadadèn yèn ombak miring tumuju pasisir kang dhatar (miringé sithik). Ombak pecah ing jarak kang adoh saka pasisir lan sithik-sithik.[3]
  2. Plunging, yèn miringé ombak lan dhasar nambah ombak bakal pecah lan puncak gelombang bakal muter. Sabagéyan bakal mentul menyang segara.[3]
  3. Surging, ombak kadadèn ing pasisir kanthi miring banget, kayata kang kadadéyan ing pasisir kang ana watu karangé.[3]

Kagunan lan mupangat ombak[besut | besut sumber]

  1. Njaga stabilé suhu saka iklim donya [3]
  2. Liwat permukaan ombak, kadadèn ijolan gas [3]
  3. Ningkataké kemampuan adaptasi lan kekuwatan saka makluk urip [3]
  4. Ningkataké keanekaragaman hayati [3]
  5. Mbantu anané gegayutan simbisosis mutualisme [3]
  6. Mbantu nggawé utawa mbentuk pasisir [3]


Cathetan suku[besut | besut sumber]

  1. ^ a b c d e f g h i j k l m n o p q (id)Ombak(diundhuh 14 Desember 2012)
  2. ^ (id)Arti Kata Ombak(diundhuh 14 Desember 2012)
  3. ^ a b c d e f g h i j k l m n o (id)Gelombang laut(diundhuh 14 Desember 2012)
Sumber artikel punika saking kaca situs web: "https://jv.wikipedia.org/w/index.php?title=Ombak&oldid=1016388"