Gregorius Sidharta

Gregorius Sidharta kanthi nama jangkepipun Gregorius Sidharta Soegija (wiyos wonten ing Yogyakarta, 30 November 1932-séda wonten ing Sala, 5 Oktober 2006 kanthi yuswa 74 taun) ^[1] punika satunggaling pematung saking Indonésia ingkang kawéntar saha dados tokoh pembaru ing seni rupa mliginipun seni patung ^[2].

Karir

Gregorius Sidharta punika putra kaping tiga saking satunggal welas tunggalipun saking bapak-ibu ingkang dados seniman ugi. Bapakipun, Bernardius Soegija (séda taun 1950), lan ibunipun Claudia Soemirah (séda taun 1985) nggesangaken peka dhateng èstetik laré-larénipun kaliyan lingkungan kulawarga ingkang remen musik klasik Barat lan Jawa ugi manéka kagiyatan seni sanèsipun. Laré-laré ingkang kawéntar punika kados ta Ignatius Gardono ingkang kondhang minangka pangecor patung Tugu Selamat Datang, karya Eddy Sunarso ing Bunderan HI Jakarta. Lajeng wonten Paul Gutama ingkang sapunika netep wonten ing Berlin.

Gregorius Sidharta sinau nglukis dhateng Hendra Gunawan lan Trubus ing Sanggar Pelukis Rakyat ing kiwa-tengené taun 1950 lajeng mlebet Akademi Seni Rupa Indonésia (ASRI). Sidharta dipunanggep kebarat-baratan ingkang wonten konstelasi pulitik kala punika saged gadhah implikasi ingkang serius. Ing taun 1950, Sidharta dipunkintun déning misi gréja Katholik kanggé sinau ing Walanda. Kondur malih dhateng Yogyakarta sasampunipun sinau ing Jan van Eijk Academie voor Beeldende Kunst ing Maastricht kanthi wekdal tigang taun.

Ing taun 1965, Sidharta dipuntarik dhateng Bandung déning pelukis lan pematung But Muchtar kanggé mulang ing Jurusan Seni Rupa ITB. Kawontenanipun Sidharta ing Bandung ugi damel cethaning béda antawisipun Bandung lan Yogyakarta. Lajeng Sidharta kondur dhateng Yogyakarta sasampunipun pensiun saking ITB.

Pendidikan

Akademi Seni Rupa Indonésia (ASRI), Yogyakarta (1950-1953),
Jan Van Eijk Academie voor Beeldende Kunst, Maastricht, Walanda (1953-1957),
Jurusan Seni Patung ITB (1965) ^[3],

Karya-karya

Tonggak Samudera,
Tumbuh dan Berkembang, Garuda Pancasila,
Piala Citra,
Berita Duka,
Lingkaran Kedamaian ^[3]

Penghargaan

Anugerah Seni saking Badan Musjawarah Kebudayaan Nasional (1952)
Anugerah Seni DKI Jakarta taun (1982)
Penghargaan Patung Terbaik saking Dewan Kesenian Jakarta (1986)
Penghargaan ASEAN ke-2 kanggé kabudayan, Komunikasi lan Karya Sastra (1990)
Penghargaan Rencana Monumen Proklamator ing Jakarta
Bebungah saking Akademi Jakarta kanggé prestasi ing karya Seni Rupa Seni Rupa (2003),
Penghargaan Widayat Award kanggé dedikasi wonten ing seni (2004)
Penghargaan saking Pamaréntah Daerah Istimewa Yogyakarta dhateng seniman lan budayawan (2004) ^[3]

Ugi pirsani

Pratélan Seniman Indonésia

Cathetan suku

↑ [1] (id) Pematung G Sidharta Tutup Usia (dipun-akses tanggal 15 Januari 2013)
↑ [2] (id) Empat Tahun Kepergian Gregorius Sidharta Soegijo (dipun-akses tanggal 15 Januari 2013)
↑ ^a ^b ^c [3] Archived 2013-01-23 at the Wayback Machine. (id) Tokoh Sidharta (dipun-akses tanggal 15 Januari 2013)

[sidharta1-1] [1] (id) Pematung G Sidharta Tutup Usia (dipun-akses tanggal 15 Januari 2013)

[sidharta2-2] [2] (id) Empat Tahun Kepergian Gregorius Sidharta Soegijo (dipun-akses tanggal 15 Januari 2013)

[sidharta3-3] [3] Archived 2013-01-23 at the Wayback Machine. (id) Tokoh Sidharta (dipun-akses tanggal 15 Januari 2013)

[1]

[2]

[3]