But Muchtar

Saka Wikipédia Jawa, bauwarna mardika basa Jawa
Ikatan, lukisan But Muchtar di depan gedung DPR RI

But Muchtar (lair ing Bandung, Hindia Belanda, 20 Dhésèmber 1930 – pati ing Bandung, Jawa Barat, Indonésia, 30 Juni 1993 ing umur 62 taun) inggih punika salah satunggalipun seniman saking Indonésia. Namanipun misuwur lumantar pakaryanipun awujud reca ingkang dipun-namèni Ikatan ingkang kadamel taun 1976, lan dipunpasang wonten sangajengipun gedhong DPR/MPR Republik Indonesia, Senayan, Jakarta. Kajawi saking punika, But Muchtar ugi akademikus ingkang naté dipunpracaya minangka rèktor Institut Seni Indonesia Yogyakarta lan Institut Teknologi Bandung. Piyambakipun miwiti kiprahipun wonten jagat kesenian taun 1951.[1][2][3][4]

Latar wingking[besut | besut sumber]

But Muchtar lair wonten Bandung, Hindia Belanda, tanggal 20 Dhésèmber 1930. Ping kalih piyambakipun mboten tamat sekolah dhasar, lajeng tiyang sepuhipun nundhung saking griya, kapisah tigang taun kaliyan kulawarga. Nalika wonten sekolah manengah piyambakipun péngin dados guru agama sinaosa awit taksih alit péngin dados bala. Lajeng nalika SMA, piyambakipun gadhah kekajengan dados sastrawan, ugi péngin dados dhiplomat, lajeng ndhaptar wonten Akademi Dinas luar Negeri, nanging mboten katampi. Piyambakipun ngrampungaken kuliyahipun wonten Jurusan Seni Rupa Institut Teknologi Bandung (ITB), lajeng nerasaken wonten Rhode Island School of Design, Art Students League of New York lan Massachusettes Institute of Technology, kekalihpun wonten Amérikah Sarékat. But punika saking kulawarga Banten ingkang ngugemi basa lan tatakrama Walanda. Awit taksih alit, piyambakipun sampun remen kaliyan gambar-gambar, kawiwitan gambar ingkang dipundamel déning ibunipun piyambak. Kaprigelanipun minangka juru sungging dipuntampi saking Ries Mulder, dhosèn saking Walanda.[5]

Awit taun 1954, pakaryanipun awujud reca sampun dipunpameraken. Mboten namung wonten Bandung, Jakarta utawi Surabaya, nanging ugi wonten Kualalumpur, Singapura, Bangkok, New Delhi, London, Ithaca, New York, lan Rio de Jainero. But Muchtar sampun ndamel atusan sesunggingan awit taun 1951 lan patung wiwit taun 1960, namung damel 15 sunggingan lan sekawan patung saben taun. Wiwitanipun piyambakipun ngugemi aliran naturalisme, salajengipun langkung remen wonten aliran kubisme. Sungginganipun ingkang misuwur antawisipun Wanita Bali, kasungging taun 1957, pikantuk bebungah Stralem wonten First Asian Young Artist Exhibition di Tokyo, lan Potret Diri]], ingkang kamot wonten buku Indonesian Art anggitanipun Claire Holt. Salah satunggalipun patung damelainipun jejudhul Ikatan ingkang dipundamel taun 1976 ngadek dumugi sapunika wonten sangajengipun gedhong DPR/MPR-RI.

Pedamelan[besut | besut sumber]

  • Asisten Ahli Seni Rupa ITB (1959)
  • Rektor mudha ITB (1962)
  • Rektor ITB (1967)
  • Rektor Kepala ITB (1977)
  • Sekretaris Departemen Seni Rupa ITB (1968-1970)
  • Ketua Departemen Seni Rupa ITB (1968-1970)
  • Sekretaris Departemen Seni Rupa ITB (1970-1972)
  • Ketua Departemen Seni Rupa ITB (1975-1977)
  • Sekretaris ITB babagan Komunikasi dan kabudayan (1977)
  • Rektor Institus Seni Indonesia Yogyakarta

Pangaji[besut | besut sumber]

  • Bebungah Stralem First Asian Young Arts Exhibition di Tokyo miyos sungginganipun, Wanita Bali

Ugi pirsani[besut | besut sumber]

Rujukan[besut | besut sumber]

  1. Situs resmi Taman Ismail Marzuki Archived 2015-09-24 at the Wayback Machine., kapundhut 15 Maret 2015
  2. Situs resmi Pemprov DKI Jakarta Archived 2017-05-28 at the Wayback Machine., kapundhut 15 Maret 2015
  3. Situs resmi DPR Republik Indonesia Archived 2012-02-04 at the Wayback Machine., kapundhut 15 Maret 2015
  4. Institut Seni Indonesia Yogyakarta, kapundhut kapundhut 15 Maret 2015
  5. Jogja news: But Mochtar Archived 2017-10-11 at the Wayback Machine., kapundhut 15 Maret 2015